សន្តិសុខសង្គម

អាវុធហត្ថរាជធានីភ្នំពេញ បញ្ជូនយុវជនប្រុស-ស្រី ១៧ នាក់ ទៅកាន់មណ្ឌលអប់រំកែប្រែ

បានផុស

២ ថ្ងៃ មុន

នៅ

ថ្ងៃចន្ទ ២២ កក្កដា ២០២៤

ដោយ

យុវជនប្រុស-ស្រី ចំនួន ១៧ នាក់ ពាក់ព័ន្ធករណីគ្រឿងញៀន ត្រូវបានអាវុធហត្ថរាជធានីភ្នំពេញ ក្នុងខណ្ឌពោធិ៍សែនជ័យ ខណ្ឌទួលគោក និងការិយាល័យប្រឆាំងគ្រឿងញៀន ឃាត់ខ្លួនបានជាបន្តបន្ទាប់ រួចបញ្ជូនទៅកាន់មណ្ឌលអប់រំកែប្រែផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្ស ១៧ នាក់ ពាក់ព័ន្ធករណីគ្រឿងញៀន ត្រូវបានអាវុធហត្ថរាជធានីភ្នំពេញក្នុងខណ្ឌពោធិ៍សែនជ័យ ខណ្ឌទួលគោក និងការិយាល័យប្រឆាំងគ្រឿងញៀន ឃាត់ខ្លួនជាបន្តបន្ទាប់ នៅចំណុចបន្ទប់ជួលគ្មានលេខ ភូមិជ្រៃកោង សង្កាត់ចោមចៅ ២ ខណ្ឌពោធិ៍សែនជ័យ, ចំណុចសំណង់អនាធិបតេយ្យ ស្ថិតក្នុងភូមិ ១៧ សង្កាត់បឹងសាឡាង ខណ្ឌទួលគោក លើផ្លូវបេតុង ទល់មុខសាលាបឋមសិក្សាបាក់ទូក សង្កាត់ ៧ មករា ខណ្ឌ ៧ មករា និងចំណុចបន្ទប់ជួលគ្មានលេខ ផ្លូវរទេះភ្លើង សង្កាត់បឹងកក់ ១ ខណ្ឌទួលគោក ព្រមជាមួយគ្រឿងញៀនក្រាមសថ្លាសរុបចំនួន ៤៤ កញ្ចប់ (ធំ-តូច), ជញ្ជីងសម្រាប់ថ្លឹងគ្រឿងញៀនចំនួន ០៣, សម្ភារៈប្រើប្រាស់គ្រឿងញៀន និងថង់សម្រាប់ច្រកគ្រឿងញៀនមួយចំនួន។

កម្លាំងជំនាញការិយាល័យប្រឆាំងបទល្មើសគ្រឿងញៀន កងរាជអាវុធហត្ថរាជធានីភ្នំពេញ បានបញ្ជូនជនសង្ស័យប្រុស-ស្រី ទាំង ១៧ នាក់នោះ ទៅមណ្ឌលផ្សេងៗ គ្នា ក្នុងនោះ ១៣ នាក់ បញ្ជូនទៅតុលាការដោយសម្រេចឃុំខ្លួនបណ្ដោះអាសន្ននៅមណ្ឌលអប់រំកែប្រែទី ១ មណ្ឌលអប់រំកែប្រែអប់រំទី ២ និង ០៤ នាក់ បញ្ជូនទៅមជ្ឈមណ្ឌលព្យាបាលអ្នកញៀនគ្រឿងញៀន នៅស្រុកកណ្ដាលស្ទឹង៕

អត្ថបទ ៖ ម៉េង