ព័ត៌មានអន្ដរជាតិ
ជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា
ផ្លូវជាច្រើនខ្សែនៅលើកោះត្រល់ (Phu Quoc) បានទទួលរងការជន់លិចជាខ្លាំង ដោយតំបន់ខ្លះមានកម្ពស់ទឹកដល់១ម៉ែត្រ ក្រោយភ្លៀងធ្លាក់មិនឈប់មិនឈរអស់រយៈពេល១២ម៉ោង។
ភ្លៀង បានចាប់ផ្ដើមធ្លាក់តាំងពីយប់ថ្ងៃសៅរ៍ រហូតដល់ព្រឹកថ្ងៃអាទិត្យ បណ្ដាលឲ្យភូមិចំនួន៣ជន់លិចខ្លាំង មានដូចជា ភូមិ Cay Thong Trong, ភូមិ Cay Thong Ngoai និងភូមិ Ben Tram។ ប្រជាជនមួយចំនួននៅលើកោះត្រល់ បានឲ្យដឹងថា ផ្ទះរបស់ពួកគេត្រូវបានជន់លិច ដោយនៅក្នុងផ្ទះភាគច្រើនលិចត្រឹមកម្ពស់ ២០ ទៅ ៣០សង់ទីម៉ែត្រ ព្រមទាំងមានបំផ្លិចបំផ្លាញរបស់របរប្រើប្រាស់មួយចំនួន។ ពួកគេ បានសម្ដែងក្ដីព្រួយបារម្ភថា កម្ពស់ទឹកជំនន់នេះអាចនឹងកើនឡើងថែមទៀត បើភ្លៀងនៅតែបន្តធ្លាក់។
បុរសម្នាក់ឈ្មោះ Thang ស្ថិតនៅភូមិ Ben Tram បាននិយាយថា វាជាលើកទី១ហើយដែលមានការជន់លិចខ្លាំងបែបនេះ។ លោក បានស្ដីបន្ទោសពីការសាងសង់ច្រើនហួសហេតុនៅក្នុងតំបន់ ដោយប្រើប្រាស់សុទ្ធតែបេតុង ដែលជាហេតុបង្អាក់ទឹកភ្លៀងមិនអាចជ្រាបចូលទៅក្នុងដី ហើយនិងការបង្រួមខ្សែទឹកទន្លេ និងអូរជាច្រើនកន្លែង ដែលធ្វើឲ្យមានលំហូរទឹកយឺត។
មន្ត្រីនៅលើកោះត្រល់ បាននិយាយថា នៅតំបន់ដែលជន់លិចខ្លាំង នឹងមានការជម្លៀសប្រជាជនចេញទៅកាន់កន្លែងមានសុវត្ថិភាព ដើម្បីបង្ការពីគ្រោះថ្នាក់ ហើយខាងក្រុមមន្ត្រីបានរៀបចំកងកម្លាំងដូចជា ទាហាន និងប៉ូលិស សម្រាប់បេសកកម្មនេះរួចរាល់ហើយ។
ស្ថានីយឧតុនិយមខេត្ត Kien Giang ប្រទេសវៀតណាម បានឲ្យដឹងថា គ្រោះធម្មជាតិកើតឡើងកាលពីចុងសប្ដាហ៍នេះ បណ្ដាលមកពីព្យុះត្រូពិចពីសមុទ្រខាងកើត។
សូមបញ្ជាក់ថា ក្នុងរយៈពេលប៉ុន្មានឆ្នាំថ្មីៗនេះ កោះត្រល់ទទួលបានកំណើននគរូបនីយកម្មយ៉ាងឆាប់រហ័ស ជាមួយនឹងគម្រោងសាងសង់ផ្ទះ និងបណ្ដុំអគារធំៗជាច្រើន ហើយត្រូវកាត់បន្ថយទំហំស្រះ បឹង ទន្លេ និងស្ទឹង ដែលធ្វើឲ្យបណ្តាញបង្ហូរទឹករបស់ខ្លួនមានសភាពកាន់តែតូចចង្អៀត។ អាស្រ័យហេតុនេះ ជារឿយៗ កោះត្រល់តែងតែទទួលរងនូវទឹកជំនន់នៅពេលមានភ្លៀងធ្លាក់ខ្លាំង និងធ្វើឲ្យប៉ះពាល់ដល់ការរស់នៅរបស់ប្រជាពលរដ្ឋ សេដ្ឋកិច្ច និងទេសចរណ៍៕
ដោយ៖ ឈាង
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ