ព័ត៌មានអន្ដរជាតិ
សិង្ហបុរីបើកការនាំចូលសត្វល្អិតផ្សេងៗ ដូចជាចង្រិត ដើម្បីជំរុញសន្ដិសុខស្បៀង
សិង្ហបុរីធ្វើពិពិធកម្មប្រភពចំណីអាហាររបស់ខ្លួន ដើម្បីជួយជំរុញសន្តិសុខស្បៀងរបស់ប្រទេស ដោយអនុម័តលើការនាំចូលសត្វល្អិតដែលអាចបរិភោគបានចំនួន ១៦ មុខ ដូចជា ចង្រិត កណ្តូប ដង្កូវឬស្ស៊ី និងឃ្មុំជាដើម។ នេះបើតាមការចុះផ្សាយរបស់កាសែត Nikkei Asia។
ទីភ្នាក់ងារចំណីអាហារសិង្ហបុរី (SFA) បាននិយាយក្នុងសារាចរចេញផ្សាយកាលពីថ្ងៃចន្ទថា៖ «ដោយចូលជាធរមាន ភ្លាមៗ SFA នឹងអនុញ្ញាតឱ្យមានការនាំចូលសត្វល្អិត និងផលិតផលសត្វល្អិត ដែលមានការវាយតម្លៃថា ជាប្រភេទសត្វជាប់ការព្រួយបារម្ភទាបក្នុងបទប្បញ្ញត្តិ»។ សត្វល្អិតទាំងអស់នោះ អាចនាំចូលក្នុងទម្រង់ជាគ្រឿងផ្សំ ឬផលិតផលសម្រេច ដូចជាអាហារសម្រន់ចៀន និងម្សៅប្រូតេអ៊ីនសត្វល្អិតជាដើម។
យ៉ាងណាមិញ ដើម្បីធានាបាននូវសុវត្ថិភាព គោលការណ៍ណែនាំថ្មីចែងថា ពាណិជ្ជករត្រូវតែបញ្ជាក់ថា សត្វល្អិតនាំចូលទាំងនោះ មិនបានប្រមូលមកពីព្រៃនោះទេ ហើយចំណីអាហារដែលចិញ្ចឹមសត្វល្អិតទាំងនោះ ត្រូវតែមិនមែនជាលាមកសត្វ សារធាតុសរីរាង្គងាប់ ឬសត្វ ឬត្រីឈឺ។ សត្វល្អិតទាំងនោះត្រូវតែឆ្លងកាត់ដំណើការកម្ដៅ ឬកម្ចាត់បាក់តេរីសម្លាប់មេរោគណាមួយ។
ខណៈការបរិភោគសត្វល្អិត គឺជារឿងថ្មីសម្រាប់សិង្ហបុរី វាជារឿងធម្មតាទៅហើយក្នុងប្រទេសអាស៊ីមួយចំនួន រួមទាំងប្រទេសក្នុងតំបន់ដូចជាកម្ពុជា ថៃ ហ្វីលីពីន ម៉ាឡេស៊ី និងឥណ្ឌូណេស៊ីជាដើម។
អង្គការស្បៀងអាហារ និងកសិកម្មរបស់អង្គការសហប្រជាជាតិ បានចាត់ទុកសត្វល្អិតដែលអាចបរិភោគបាន ថាជាប្រភពប្រូតេអ៊ីនល្អជាងសត្វចិញ្ចឹមបែបប្រពៃណីតាមកសិដ្ឋាន ដោយសត្វល្អិតទាំងនោះមានផ្ទុកអាហារូបត្ថម្ភសំខាន់ៗ និងល្អដល់របបអាហាររបស់មនុស្ស។
គេមើលឃើញថា ការបើកឱ្យនាំចូលនូវសត្វល្អិតធ្វើជាចំណីអាហារនាពេលនេះ ធ្វើឡើង ខណៈសិង្ហបុរី ដែលជាប្រទេសតូចខ្វះដីធ្វើកសិកម្ម និងកំពុងស្វែងរកការពង្រឹងសន្តិសុខស្បៀងរបស់ខ្លួន។ ការព្រួយបារម្ភលើបញ្ហានេះ មានកាន់តែខ្លាំងឡើងៗក្នុងរយៈពេលប៉ុន្មានឆ្នាំថ្មីៗនេះ ដោយសារតែបញ្ហាសកល ដូចជាភាពតានតឹងភូមិសាស្ត្រនយោបាយ និងការប្រែប្រួលអាកាសធាតុ ដែលធ្វើឱ្យរំខានដល់ខ្សែសង្វាក់ផ្គត់ផ្គង់។
កន្លងមក មន្រ្តីសិង្ហបុរីបានលើកឡើងថា ប្រទេសត្រូវតែធ្វើពិពិធកម្មប្រភពចំណីអាហារ ដើម្បីឆ្លើយតបទៅនឹងការរំខានផ្នែកផ្គត់ផ្គង់ណាមួយ។ ឧទាហរណ៍ ជាផ្នែកមួយនៃកិច្ចខិតខំប្រឹងប្រែងនេះ សិង្ហបុរីបានចាប់ផ្តើមនាំចូលមាន់រស់ពី កសិដ្ឋានឥណ្ឌូណេស៊ីកាលពីឆ្នាំមុន។ លើសពីនេះ ប្រទេសនេះក៏បានដាក់គោលដៅផលិតចំណីអាហារក្នុងស្រុក ឱ្យបាន ៣០ ភាគរយនៃតម្រូវការអាហារូបត្ថម្ភរបស់ខ្លួននៅឆ្នាំ ២០៣០ ដែលច្រើនជាង៣ដងនៃតម្រូវការបច្ចុប្បន្ន៕
តារាថៃច្រើននាក់ រត់ប្រាស់អាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ