ព័ត៌មានអន្ដរជាតិ

តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?

បានផុស

៤ សប្តាហ៍ មុន

នៅ

ថ្ងៃពុធ ២៦ មីនា ២០២៥

ដោយ

សភាថៃបានបញ្ចប់ការជជែកចោទសួរដេញដោលរយៈពេល២ថ្ងៃតាមការគោ្រងទុកដើម្បីបោះឆ្នោតដកសេចក្តីទុកចិត្តលើនាយករដ្ឋមន្ត្រី លោកស្រី ផែថងថាន ស៊ីណាវ៉ាត្រា (Paetongtarn Shinawatra) ហើយការបោះឆ្នោតដកសេចក្តីទុកចិត្តនៅក្នុងសភានឹងរៀបចំឡើងនៅថ្ងៃទី២៦ខែមីនានេះ។

នាយករដ្ឋមន្ត្រី ផែថងថាន ស៊ីណាវ៉ាត្រា ពេលឆ្លើយសំណួរអ្នកកាសែតនៅថ្ងៃពុធនេះ។ khaosod

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លើយតបចំពោះសំណួរអ្នកសារព័ត៌មាន នៅថ្ងៃពុធនេះ នាយករដ្ឋមន្ត្រី ផែថងថាន ស៊ីណាវ៉ាត្រា បាននិយាយថា លោកស្រីធ្វើបានជោគជ័យក្នុងការឆ្លើយសំណួរទាំងអស់ដែលបានលើកឡើងក្នុងអំឡុងពេលការជជែកដេញដោលរយៈពេលពីរថ្ងៃដែលបានបញ្ចប់កាលពីយប់ថ្ងៃអង្គារ។

នៅថ្ងៃទី២៥ខែមីនាឆ្នាំ២០២៥ គឺជាថ្ងៃទី២ដែលរដ្ឋសភាថៃបានបើកកិច្ចប្រជុំលើរបៀបវារៈដើម្បីពិចារណាលើញត្តិស្នើរសុំបើកការជជែកចោទសួរដេញដោលដើម្បីដកសេចក្តីទុកចិត្តលើនាយករដ្ឋមន្ត្រីលោកស្រី ផែថងថាន ស៊ីណាវ៉ាត្រា បន្ទាប់ពីមេដឹកនាំបក្សប្រឆាំងថៃ លោក Natthaphong Ruangpanyawut បានធ្វើសេចក្តីសង្ខេបបញ្ចប់នៅម៉ោង១០និង២៥នាទីយប់ និងរង់ចាំការបោះឆ្នោតនៅថ្ងៃ២៦ខែមីនា ឆ្នាំ២០២៥នេះ។

សំណួរដែលគេទន្ទឹងរង់ចាំចម្លើយគឺថាតើ ជោគវាសនារបស់លោកស្រី ផែថងថាន នឹងត្រូវរបូតចេញពីតំណែងនាយករដ្ឋមន្ត្រី ឬក៏នៅបន្ត?