តារា​ថៃច្រើននាក់ រត់ប្រាសអាយុចេញពី​ខុនដូ ​ បន្ទាប់ពីគ្រោះ​រញ្ជួយ​ដី​វាយប្រហារអគារខ្ពស់​ៗ​

ការរញ្ជួយដីកម្រិត ៧,៧​រ៉ិចទ័រ បានវាយប្រហារ​ចំ​កណ្តាលប្រទេសមីយ៉ាន់ម៉ា កាលពីថ្ងៃទី​២៨ ខែមីនា ​ឆ្នាំ​២០២៥ នៅ​វេលា​ម៉ោង ១ និង ២០ នាទី​រសៀល ដែលបណ្តាល​ឲ្យ​មានការបាត់បង់អាយុ​​ជីវិត​​មនុស្ស​យ៉ាងច្រើន និងការបំផ្លិចបំផ្លាញ​ដ៏​សម្បើម។ ​មិនតែបុណ្ណោះ ថៃក៍រងផល​ប៉ះពាល់ដែលបណ្ដាលឲ្យបាក់រលំអគារ​ខ្ពស់​ៗ​ក្នុង​ទីក្រុង​បាងកក និង​តំបន់​ជុំវិញ​ ដោយក្នុងហេតុការណ៍​ដ៏​គួរ​ឲ្យ​រន្ធត់​នេះធ្វើឲ្យសិល្បករថៃជាច្រើននាក់ រត់ប្រាស់អាយុចេញពី​ខុនដូស្ទើតែមិនទាន់។

​តាមរយៈវីដេអូឃ្លិប និងការចែករំលែកអំពីសកម្មភាពរបស់តារាប្រុស-ស្រីល្បីៗជាច្រើននាក់បានរត់ចេញពីអគារ​ខ្ពស់​ៗក្នុងទីក្រុងបាងកក ដែលពួកគេរស់នៅដែលមានរួមមាន ពិធីករដ៏ល្បីល្បាញប្រចាំប្រទេសថៃលោក ​Noom Kanchai បានសរសរលើបណ្ដាញសង្គមផ្ទាល់​ខ្លួនថា លោកគិតថា​លោកនឹងស្លាប់ អ្វីដែលលោកនឹកដល់មុនគេនោះគឺប្រពន្ធនឹងកូនៗ ខណៈពេលដែលលោកជាប់គាំងនៅក្នុងស្ទីតឌីយូដោយមិនអាចទៅណាបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកឯតារាសម្ដែងស្រីនាង Pim Pimprapa រត់ចុះពីលើខុនដូកម្ពស់២០ជាន់! នៅ​ក្នុង​បន្ទប់​ នាង​បាន​ឮ​សំឡេង​ខ្លាំង​ដូច​ជា​មាន​អ្វី​មួយ​ធ្លាក់​មក​លើ​ពិដាន។ ក្រឡេក​ទៅ​ក្រៅ​បង្អួច ​នាងស្រាប់តែឃើញ​កម្ទេចកម្ទី និង​ទឹក​ធ្លាក់​ពេញ​កន្លែង។ អគារ​នេះ​មាន​សភាព​ទ្រុឌទ្រោម​យ៉ាង​ខ្លាំង ដែល​វា​មិន​អាច​រក្សា​លំនឹង​បាន​។ ដោយមិនគិតយូរ នាងបានរត់​ចេញ​ដោយ​មិន​បាន​គិត​ពី​ជីវិត​របស់​ខ្លួន​ឡើយ ក្នុងពេលដែលបំណែក​នៃ​ពិដាន​បាន​បន្ត​ធ្លាក់​ចុះ​ដូច​ក្នុង​កុន​ភាគ។

មិនតែប៉ុណ្ណោះ តួស្រីរូបនេះបានបញ្ចាក់ទៀតថា អ្វីដែលនាងគិតមុនគេគឺរត់ដោយជើងទទេរ ដោយមិនខ្វល់ពីសំលៀកបំពាក់ជាប់ខ្លួនយ៉ាងម៉េច។ មិនថាតែរូបនាងទេ សូម្បីតែអ្នកជិតខាងបន្ទប់ពេលឮ​ដំណឹង​រញ្ជួយ​ដី គ្រប់​គ្នា​ប្រញាប់​ចេញ​ពី​អគារ​មក​រង់ចាំ​ក្បែរ​ផ្លូវ​រថភ្លើង ដែលមើលទៅមាន​សុវត្ថិភាពមួយមុខគត់។

ដោយឡែក ងាកមកកាន់តារាស្រី Kwan Usamanee​​ ឧប្បត្តិហេតុនេះបានកើតឡើង​ ខណៈពេលដែលរូបនាងកំពុងផ្សាយផ្ទាល់ការផាត់មុខ។ ភ្លាមៗនោះ ជញ្ចាំងនិងពិដានក្នុងបន្ទប់នាងស្រាប់រង្គើ ធ្វើឲ្យតួថៃប្រញាប់ឈប់ស្ងៀមមួយកន្លែងរង់ចាំហេតុការណ៍មកប្រក្រតីឡើងវិញ។

អ្នកចុងក្រោយគេ គឺតារាសម្ដែងរៀមច្បង Aom Phiyada ក៏ជួបហេតុការណ៍រន្ធត់មិនខុសពីអ្នកខាងលើដែរ នៅថ្ងៃរញ្ចួយដីនាងកំពុងបើកកិច្ចប្រជុំជាមួយតារាសិល្បៈដូចគ្នា។ នាពេលនោះ បន្ទប់ទាំងមូលស្រាប់តែរង្គើឡើងមក ដោយមិនអាចទប់ស្ថានការណ៍បាន ម្នាក់ៗបានត្រឹមនៅស្ងៀម រង់ចាំឲ្យសភាពការណ៍ត្រលប់មកវិញប៉ុណ្ណោះ៕

អត្ថបទ៖ សាង ស្រីល័ក្ខ

ចុចអាន៖បងប្រុស Sulli សុំ Kim Soo Hyun ពន្យល់ពីមូលហេតុ បង្ខំបងស្រីសម្ដែងក្នុងឈុតស្រាត