ចរាចរណ៍
បេីករថយន្ដទាក់ខ្សែភ្លើងដាច់បង្កជាអគ្គិភ័យឆេះ សន្ធោសន្ធៅ
រថយន្តមួយគ្រឿងដឹកទូផ្សព្វផ្សាយពាណិជ្ជកម្ម បេីកទាក់ខ្សែភ្លើងកាត់ទទឹងផ្លូវបង្កឲ្យឆ្លងចរន្តអគ្គិសនីឆាបឆេះសន្ធោសន្ធៅ ផ្អើលអស់ប្រជាពលរដ្ឋ និងសមត្ថកិច្ចចេញរថយន្តអន្តរាគមន៍បាញ់ពន្លត់។
ហេតុការណ៍នេះបានកេីតឡេីងនៅវេលាម៉ោង១១និង៣០នាទីយប់ថ្ងៃទី២១ ខែមីនា ឆ្នាំ២០២៥ នៅជិតផ្សារបឹងត្របែក ផ្លូវលេខ៩៩ កែងផ្លូវ៤៣៦ សង្កាត់បឹងត្របែក ខណ្ឌចំការមន រាជធានីភ្នំពេញ។
តាមប្រភពព័ត៌មានពីពលរដ្ឋបានអោយដឹងថា មុនពេលកេីតហេតុគេបានឃើញបុរសម្នាក់បេីករថយន្តម៉ាក HINO ពណ៌ ខៀវ ពាក់ស្លាកលេខ ចង្កូតស្តាំ PP.4078 ដឹកទូឈេីផ្សព្វផ្សាយពាណិជ្ជកម្មខ្ពស់ពេក ធ្វើដំណើរតាមបណ្តោយផ្លូវ៩៩ទិសដៅពីត្បូងទៅជេីង លុះមកដល់ចំណុចកេីតហេតុដែលជាផ្លូវបំបែកជាបួន ក៏ស្រាប់តែជ្រុលទាក់ខ្សែភ្លើង និងខ្សែអុបទិក អូសកាត់ទទឹងផ្លូវបណ្ដាលឲ្យទាញបង្គោលភ្លើងដែលនៅក្បែរនោះផ្ទុះឆេះចេញជាអណ្ដាតភ្លើងយ៉ាងសន្ធោសន្ធៅ
ផ្អេីលប្រជាពលរដ្ឋនៅក្បែរនាំគ្នាយកបំពង់ពន្លត់អគ្គិភ័យមកបាញ់អស់ជាច្រើនបំពង់តែមិនអាចទប់ស្កាត់បាន ទេីបរាយការណ៍ជូនកម្លាំងសមត្ថកិច្ចមូលដ្ឋានដេីម្បីសុំជំនួយរថយន្ដបង្ការពន្លត់អគ្គិភ័យអោយមកជួយអន្តរាគមន៍បាញ់ពន្លត់។
ក្នុងករណីនេះ រថយន្តពន្លត់អគ្គិភ័យ របស់ការិយាល័យនគរបាលបង្ការ ពន្លត់អគ្គិភ័យ និងសង្គោះ នៃស្នងការដ្ឋានរាជធានីភ្នំពេញ បានចេញអន្តរាគមន៍ចំនួន៣គ្រឿង និងបានសហការជាមន្ត្រីអគ្គិសនីកម្ពុជា ធ្វើការផ្តាច់ចរន្តភ្លើងបាញ់ទឹកពន្លត់អស់ទឹក១រថយន្ដទេីបរលត់ទៅវិញនៅវេលាម៉ោង១២នាទីយប់ថ្ងៃដដែល។
សមត្ថកិច្ចបានឲ្យដឹងថា ហេតុការណ៍នេះមិនបង្កអោយគ្រោះថ្នាក់ដល់មនុស្សណាម្នាក់ និងរាលដាលដល់ផ្ទះប្រជាពលរដ្ឋណានោះទេ គឺគ្រាន់តែខូចប្រអប់ភ្លើង ខ្សែភ្លើងក៏ដូចជាខ្សែអុបទិកអស់មួយចំនួនធំតែប៉ុណ្ណោះ ចំណែករថយន្ដបង្កក៏មិនមានការខូចខាតអ្វីនោះដែរ តែអ្នកបេីកបរគេចខ្លួនបាត់។
ក្រោយកេីតហេតុរថយន្ដត្រូវសមត្ថកិច្ចជំនាញចរាចរណ៍យកទៅរក្សាទុកនៅការិយាល័យនគរបាលចរាចរណ៍ផ្លូវគោក ដេីម្បីរង់ចាំដំណោះស្រាយ៕
អត្ថបទ៖ សុខា
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ