អាវុធហត្ថរាជធានីថ្លែងអំណរគុណចំពោះក្រុមហ៊ុន ជី ខេ អេហ្វអិកស៍(កម្ពុជា)ជួយសម្ភារៈការពារកូវីដ១៩សម្រាប់ប្រើប្រាស់ប្រចាំថ្ងៃ

ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ បានថ្លែងអំណរគុណចំពោះក្រុមហ៊ុន ជី ខេ អេហ្វអិកស៍(កម្ពុជា)ជួយសម្ភារៈការពារកូវីដ១៩សម្រាប់ប្រើប្រាស់ប្រចាំថ្ងៃ ពិសេសក្នុងយុទ្ធនាការប្រឆាំងនឹងជំងឺរាតត្បាតកូវីដ១៩ដ៏កាចសាហាវ ខណៈពេលមានអ្នកឆ្លងជាង២មុឺននាក់និងស្លាប់១៣៦នាក់ទៅហើយគិតត្រឹមថ្ងៃទី១២ ឧសភា ។

នៅបញ្ជាការដ្ឋានកងរាជអាវុធហត្ថរាជធានីភ្នំពេញ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថ​លើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ បានចាត់តំណាងទទួល ម៉ាស ចំនួន១០កេស ស្មើនឹង ២៥០០០ម៉ាស ពីលោក វ៉ែន ស៊ីដា នាយកក្រុមហ៊ុន ជី ខេ អេហ្វអិកស៍ (កម្ពុជា) ប្រគល់ជូនអាវុធហត្ថរាជធានីភ្នំពេញ សម្រាប់ប្រើប្រាស់ជាប្រយោជន៍ ក្នុងយុទ្ធនាការ បង្ការ ទប់ស្កាត់ ការរីករាលដាលជំងឺកូវីដ-១៩។

ក្នុងឱកាសនោះ ក្រុមការងារតំណាងឲ្យលោកឧត្តមសេនីយ៍ឯក រ័ត្ន ស្រ៊ាង បានសម្តែងនូវការថ្លែងអំណរគុណយ៉ាងជ្រាលជ្រៅចំពោះ លោក វ៉ែន ស៊ីដា ដែលមានចិត្តជ្រះថ្លាឧបត្ថម្ភ ម៉ាស ដល់អាវុធហត្ថរាជធានីភ្នំពេញនាពេលនេះ គឺពិតជាមានសារៈសំខាន់បំផុត សម្រាប់ប្រើប្រាស់ជាក់ស្តែងក្នុងអង្គភាពនាយុទ្ធនាការប្រឆាំងនឹងជម្ងឺរាតត្បាត​កូវីដ១៩​ដ៏កាចសាហាវនេះតែម្ដង៕

អត្ថបទ ៖ វិមាន