ព័ត៌មានអន្ដរជាតិ

ធ្លាក់ឧទ្ធម្ភាគចក្រមួយគ្រឿងទៀត អំឡុងពេលពន្លត់ភ្លើងឆេះព្រៃនៅកូរ៉េខាងត្បូង

បានផុស

១ year មុន

នៅ

ថ្ងៃចន្ទ ៧ មេសា ២០២៥

ដោយ

Chheang

កាលពីថ្ងៃទី៦ខែមេសាឆ្នាំ២០២៥ ឧទ្ធម្ភាគចក្រពន្លត់អគ្គិភ័យមួយគ្រឿងបានធ្លាក់ខណៈពេលកំពុងប្រយុទ្ធនឹងភ្លើងឆេះព្រៃនៅទីក្រុង Daegu ភាគអាគ្នេយ៍ប្រទេសកូរ៉េខាងត្បូង ដែលបណ្តាលឲ្យអ្នកបើកម្នាក់បាត់បង់ជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧទ្ធម្ភាគចក្រនោះបានធ្លាក់ទៅលើភ្នំមួយកន្លែងស្ថិតក្នុងភាគពាយ័ព្យនៃទីក្រុង Daegu នៅម៉ោងប្រហែល៣និង៤១នាទីរសៀល(ម៉ោងក្នុងស្រុក)។ ភ្លើងត្រូវបានគ្រប់គ្រងដោយជោគជ័យក្នុងរយៈពេលមួយម៉ោងក្រោយកើតហេតុ។ អត្តសញ្ញាណអ្នកបើកឧទ្ធម្ភាគចក្រ និងមូលហេតុពិតប្រាកដនៃការធ្លាក់ មិនទាន់ត្រូវបានឲ្យដឹងនៅឡើយទេ។

ឧបទ្ទវហេតុនេះកើតឡើងបន្ទាប់ពីភ្លើងឆេះព្រៃដ៏សន្ធោសន្ធៅនៅភាគអាគ្នេយ៍ប្រទេសកូរ៉េខាងត្បូងកាលពីខែមុន ដែលមិនទាន់រលត់ដោយសារកត្តាអាកាសធាតុរាំងស្ងួត និងខ្យល់បក់ខ្លាំង។ ភ្លើងឆេះព្រៃលើកនេះ កំពុងលេបត្របាក់ផ្ទៃដីដ៏ធំសម្បើមរបស់កូរ៉េខាងត្បូង និងបណ្តាលឲ្យមានអ្នកស្លាប់ចំនួន ៣១នាក់ ក្នុងនោះមានអ្នកបើកឧទ្ទម្ភាគចក្រម្នាក់ផ្សេងទៀតដែលបានស្លាប់ស្រដៀងគ្នាទៅនឹងករណីលើកនេះដែរ ខណៈកំពុងព្យាយាមពន្លត់ភ្លើង។

រដ្ឋាភិបាលកូរ៉េខាងត្បូង បានចេញការព្រមានអំពីហានិភ័យភ្លើងឆេះព្រៃដែលអាចកើនឡើងដោយសារការព្យាករពីខ្យល់បក់ខ្លាំង និងលក្ខខណ្ឌស្ងួត ដោយជំរុញឲ្យមានការប្រុងប្រយ័ត្ន និងការត្រៀមខ្លួនខ្ពស់៕

ដោយ៖ ឈាង

ចុចអាន៖ ធ្លាក់ឧទ្ធម្ភាគចក្រពន្លត់អគ្គិភ័យនៅកូរ៉េខាងត្បូង ស្លាប់អ្នកបើកម្នាក់ ខណៈកំពុងមានភ្លើងឆេះព្រៃដ៏អាក្រក់បំផុតក្នុងប្រទេស

Related Topics:ប្រទេសកូរ៉េខាងត្បូង ភ្លើងឆេះព្រៃ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា