បូទី ស្រាយ​ចម្ងល់ខ្សឹបខ្សៀវថារៀបការពីរខែស្រាប់តែភរិយាឆ្លងទន្លេ

តារាចម្រៀង និងជាអ្នកនិពន្ធចម្រៀងលោក បូទី កាលពីពេលថ្មីៗកន្លងទៅបានប្រកាសអាពាហ៍ពិពាហ៍ជាមួយគូរស្នេហ៍ដែលជាជនជាតិអូទ្រីសឈ្មោះ Sonya ខណៈចំណងស្នេហារបស់ពួកគេមានភាពផ្អែមល្ហែមគួរឲ្យសរសើរចំពោះភ្នែកមហាជន។

ទន្ទឹមគ្នាដែលចំណងស្នេហារបស់លោក បូទី និងភរិយាជនជាតិអ៊ឺរ៉ុបកាន់តែមានភាពរឹងមាំ និងផ្អែមល្ហែមនោះគឺស្រាប់តែថ្មីៗនេះលោកក៏បានប្រកាសនូវដំណឹងល្អនៃការទទួលបានចំណងដៃកូនស្រីដ៏គួរឲ្យស្រលាញ់ម្នាក់។

ប៉ុន្តែរឿងដែលគេចាប់អារម្មណ៍ទៀតនោះស្រាប់តែមានចម្ងល់ថា ហេតុអ្វីទើបរៀបការបានប្រមាណពីរខែបែរជាភរិយាសម្រាលកូនលឿនបែបនេះទៅវិញ។

ជាការស្រាយចម្ងល់នេះតារាប្រុសលោក បូទី បានរៀបរាប់ថា ខែមករា ឆ្នាំ២០១៥ កូនក្រមុំអត់ចេះពាក់ស្បែកជើងកែងទេកុំឲ្យបងប្អូនយល់ច្រឡំរៀបការបាន២ខែមានកូន។

ជនជាតិអឺរ៉ុបភាគច្រើននៅជាមួយគ្នាច្រើនឆ្នាំសិនស្គាល់ចរិតគ្នាឲ្យច្បាស់សិនបានគេសម្រេចចិត្តរៀបការទាល់តែច្បាស់ថា បុរស-នារីម្នាក់ហ្នឹងគេអាចបង្កើតគ្រួសារជាមួយគ្នាបានអត់តាមពិតទៅពួកយើងមិនត្រូវរៀបការម្តងទៀតទេតែដោយសារការរៀបការនៅស្រុកខ្មែរយើងប្រទេសនេះមិនទទួលស្គាល់នោះទេ។

លោកបញ្ជាក់បន្ថែមថា «បើចង់មានអុីតាសុីវិលបញ្ជាក់មកពីណាក៏ដោយទើបពួកយើងរៀបការនៅប្រទេសនេះម្តងទៀតដើម្បីឲ្យប្រទេសនេះទទួលស្គាល់ ខ្ញុំបាទ និងសន្យាស្រលាញ់គ្នា៨ឆ្នាំរួចមកហើយបងប្អូន»។

សូមជម្រាបថាលោក បូ ទី គឺជា អ្នកនិពន្ធមួយរូបដែលទទួលបានការគាំទ្រ និងមានប្រជាប្រិយភាពយូរឆ្នាំមកហើយ​ខណៈដែលលោកបានស្រលាញ់គ្នាជាមួយគូរស្នេហ៍ជាជនជាតិអូទ្រីសគឺអ្នកនាង Sonya ដែលចំណងស្នេហា របស់ អ្នកទាំងពីរមានរយៈពេល៨ឆ្នាំមកហើយ៕

អត្ថបទ៖ ចាន់រ៉ា