អូស្ត្រាលី បញ្ឈប់​ការ​អភិវឌ្ឍ​វ៉ាក់សាំង​កូវីដ ​ដោយសារ​បញ្ហា​ធំ​មួយ

ប្រទេសអូស្រ្តាលីបានលុបចោលការអភិវឌ្ឍន៍វ៉ាក់សាំងផលិតក្នុងស្រុកប្រឆាំងនឹងជំងឺកូវីដ១៩បន្ទាប់ពីការសាកល្បងបង្ហាញថា វាអាចរំខានដល់ការធ្វើរោគវិនិច្ឆ័យរកមេរោគអេដស៏។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកផលិតបាននិយាយថា អង់ទីគ័រដែលបង្កឡើងដោយវ៉ាក់សាំងដែលត្រូវបានបង្កើតដោយសាកលវិទ្យាល័យ Queensland (UQ) និងក្រុមហ៊ុនជីវបច្ចេកវិទ្យា CSL ត្រូវបានគេរកឃើញថា នាំទៅរកការធ្វើតេស្តវីរុស HIV វិជ្ជមានដែលមិនពិត។

ពួកគេបាននិយាយថា ខណៈដែលវ៉ាក់សាំងនេះមានប្រតិកម្មភាពស៊ាំខ្លាំងចំពោះវីរុស SARS-COV-2 ដោយមិនមានផលប៉ះពាល់ធ្ងន់ធ្ងរនៅក្នុងការធ្វើតេស្តដំណាក់កាលទី១ដែលមានអ្នកចូលរួមចំនួន២១៦នាក់នោះ ការកែប្រែឡើងវិញអាចនឹងចំណាយពេល១២ខែទៀត។

CSL និងរដ្ឋាភិបាលអូស្រ្តាលីបានសម្រេចរួមគ្នាបញ្ឈប់ការសាកល្បងដំណាក់កាលទី២និងដំណាក់កាលទី៣។

សាស្ត្រាចារ្យ UQ លោក Paul Young បាននិយាយថា “ដោយសារនេះគឺជាការសម្រេចចិត្តដ៏លំបាក តម្រូវការវ៉ាក់សាំងចាំបាច់ត្រូវតែជាអាទិភាពរបស់មនុស្សគ្រប់គ្នា”។

លទ្ធផលនេះបានជំរុញឲ្យរដ្ឋាភិបាលបញ្ឈប់ផែនការទិញវ៉ាក់សាំងរាប់លានដូសហើយត្រូវបង្កើនការកុម្ម៉ង់ទិញវ៉ាក់សាំងពីក្រុមហ៊ុន AstraZeneca និង Novax ជំនួសវិញ។

អូស្រ្តាលីក៏មានកិច្ចសន្យាទិញវ៉ាក់សាំងចំនួន១០លានដូសដែលកំពុងត្រូវបានបង្កើតឡើងដោយក្រុមហ៊ុន Pfizer ផងដែរខណៈការអនុម័តបទប្បញ្ញត្តិត្រូវបានគេរំពឹងទុកនៅត្រឹមខែមករាឆ្នាំ២០២១៕

ប្រែសម្រួលដោយ៖ Vann Vann

ប្រភព៖ Reuters

ចុចអាន៖ មេហ្វេសប៊ុកប្រាប់បុគ្គលិកមិនចាំបាច់ចាក់វ៉ាក់សាំងកូវីដ ហើយត្រឡប់មកធ្វើការនៅអូហ្វីសវិញ

ចុចអាន៖ ក្រុមប្រឹក្សាអាមេរិកយល់ព្រមឲ្យចាក់វ៉ាក់សាំងកូវីដរបស់ក្រុមហ៊ុន Pfizer-BioNTech