KPT+
កន្លែងលក់ម្ហូបអាហារ ៥កន្លែងនៅខេត្តសៀមរាប សម្រាប់ភ្ញៀវទេសចរមិនគួរមើលរំលង
នៅសល់តែប៉ុន្មានថ្ងៃទៀតប៉ុណ្ណោះ នឹងឈានដល់ថ្ងៃឆ្លងឆ្នាំថ្មី ចូលឆ្នាំ២០២៣ហើយ។ កំឡុងពេលនេះ ច្បាស់ជាមានមនុស្សមួយចំនួនបានរៀបចំគម្រោងការដើរលេងនៅខេត្តសៀមរាបបណ្តើរៗ។ តើសម្រាប់អ្នកទៅលេងខេត្តសៀមរាប គួរទៅបរិភោគអាហារនៅកន្លែងណាដែលប្លែក ឆ្ងាញ់ និងទទួលបានបរិយាកាសថ្មីខុសពីទីក្រុង?
![](https://www.kampucheathmey.com/wp-content/uploads/2022/12/image-1043-1024x683.png)
ខាងក្រោមនេះ គឺជាភោជនីយដ្ឋាន៥កន្លែងនៅក្នុងខេត្តសៀមរាប ដែលទទួលបានការគាំទ្រ និងមានប្រជាប្រិយភាពខ្លាំងពីសំណាក់អ្នកទៅកន្សាន្តនៅទីនោះ៖
១.ផ្ទះក្បឿងសៀមរាប
គ្រាន់តែលឺឈ្មោះ លោកអ្នកអាចនឹងឆ្ងល់ថា តើផ្ទះក្បឿងសៀមរាបលក់ម្ហូបអ្វីទៅ? នៅទីនេះ មុខម្ហូបដែលទទួលបានការចាប់អារម្មណ៍ គឺសាច់អាំងនៅលើក្បឿង។ សាច់អាំងនៅលើអំបែងក្បឿង មួយឈុតត្រឹមតែ២ម៉ឺនរៀលប៉ុណ្ណោះ បានទាំងតម្លៃធូរថ្លៃ និងម្ហូបឆ្ងាញ់ទៀតផង។ នៅផ្ទះក្បឿងសៀមរាប មិនត្រឹមតែមានសាច់អាំងមួយមុខនេះទេ គឺមានម្ហូបជាច្រើនមុខផ្សេងទៀត មានទាំងម្ហូបបែបខ្មែរ និងម្ហូបគ្រឿងសមុទ្រជាដើម។ ដើម្បីរកហាង ផ្ទះក្បឿងខ្មែរ លោកអ្នកគ្រាន់តែជិះលើបណ្តោយផ្លូវជាតិលេខ៦ រួចបត់ចូលតាមរបងផ្លូវសាលារៀនកេសសារារាម ខេត្តសៀមរាប។
![](https://www.kampucheathmey.com/wp-content/uploads/2022/12/image-1042.png)
២.លៀសហាលអ៉ីទុំ ខេត្តសៀមរាប
លៀសហាលអ៉ីទុំ ខេត្តសៀមរាប គឺជាហាងមួយកន្លែងដែលមានលក់មុខម្ហូបជាច្រើនមុខ សុទ្ធតែជាមានរសជាតិឆ្ងាញ់ និងមានការគាំទ្រខ្លាំងពីសំណាក់យុវជននៅតំបន់នោះ និងភ្ញៀវទេចរផងដែរ។ មុខម្ហូបដែលទទួលបានការចាប់អារម្មណ៍នោះ គឺលៀសអប់ លៀសហាល លៀសឆា ខ្យង ខ្ចៅ ជាដើម។ លៀសនៅទីនោះ ម្ចាស់ហាងអាចលក់អស់មួយថ្ងៃ ១០០គីឡូឯណោះ។ ទីតាំងរបស់ហាង លៀសហាលអ៊ីទុំ គឺនៅខាងក្រោយវិទ្យាល័យ អង្គរតែម្តង។
![](https://www.kampucheathmey.com/wp-content/uploads/2022/12/image-1044-920x1024.png)
៣.មាន់អាំងយាយ លន់
មាន់អាំង គឺជាមុខម្ហូបមួយមុខដែលមានប្រជាប្រិយភាពខ្លាំងណាស់នៅខេត្តសៀមរាប។ ប្រសិនជាលោកអ្នកធ្វើដំណើរចេញពីសៀមរាបប្រមាណត្រឹមតែ ៣០គីឡូម៉ែត្រ ភ្ញៀវទេសចរគ្រប់រូបអាចឃើញនូវកន្លែងលក់មាន់អាំង យាយ លន់ ដែលមានមនុស្សឈប់ទិញជាច្រើន ដោយសារតែរសជាតិរបស់មាន់នោះ។ មាន់អាំង យាយ លន់ មានទីតាំងស្ថិតនៅ ឃុំសសរស្តម្ភ ស្រុកពួក ខេត្តសៀមរាប បើកលក់ពីម៉ោង៩ព្រឹក ដល់ម៉ោង៩យប់។
![](https://www.kampucheathmey.com/wp-content/uploads/2022/12/image-1045-768x1024.png)
៤.នំបញ្ចុកទឹកប្រហុក ខេត្តសៀមរាប
![](https://www.kampucheathmey.com/wp-content/uploads/2022/12/image-1047-1024x991.png)
ហាងនំបញ្ចុកទឹកប្រហុក ចែ សំណាង នៅក្នុងខេត្តសៀមរាប គឺមានរសជាតិឆ្ងាញ់ប្លែក ត្រូវជាមួយនឹងអ្នកដែលចូលចិត្តទទួលទានប្រហុកខ្មែរខ្លាំងណាស់។ នៅទីនោះ គឺគេធ្វើការរោយនំបញ្ចុកថ្មីៗ ជាមួយនឹងទឹកប្រហុករសជាតិឆ្ងាញ់របស់ខ្មែរ និងត្រីអាំង ផ្ទាប់ជាមួយបន្លែស្រុះ ធ្វើឱ្យរសជាតិឆ្ងាញ់មិនអាចបំភ្លេចបាន។ នំបញ្ចុកនេះ មានទីតាំងស្ថិតនៅមុខអង្គរទក្សិណខាងជើង ផ្លូវទៅភ្នំបាក់ខែង ហួសអង្គរតូចប្រហែលប្រហែល ១៥០ម៉ែត្រ ប៉ុណ្ណោះ។
![](https://www.kampucheathmey.com/wp-content/uploads/2022/12/image-1046.png)
៥.អាហារដ្ឋាន ប្រហុក
![](https://www.kampucheathmey.com/wp-content/uploads/2022/12/image-1048.png)
សម្រាប់អ្នកដែលចង់ទទួលទានអាហារខ្មែរចំតែម្តង អាចសាកល្បងនៅអាហាដ្ឋាន ប្រហុក ដែលមានទីតាំងជិតតំបន់អង្គរ។ អាហារដ្ឋាន ប្រហុក មានលក់ជាម្ហូបខ្មែរដូចជាប្រហុកអាំងជ្រុញ កង្កែបបោក ត្រីអាំង មាន់អាំង ម៉ាំ និងម្ហូបខ្មែរជាច្រើនមុខទៀត។ ម្ហូបនៅអាហារដ្ឋានមួយនេះ មានរសជាតិឆ្ងាញ់ ហើយក៏មានអ្នកគាំទ្រមិនតិចដែរ។ អាហារដ្ឋាន ប្រហុក មានទីតាំងស្ថិតនៅខាងត្បូងប្រាសាទអង្គរតូច៕
![](https://www.kampucheathmey.com/wp-content/uploads/2022/12/image-1049.png)
![](https://www.kampucheathmey.com/wp-content/uploads/2022/12/image-1050.png)
ដោយ៖ អុន ស្រីមាន
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ៧ ថ្ងៃ ago
អ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ១ សប្តាហ៍ ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
សេដ្ឋកិច្ច៦ ថ្ងៃ ago
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានជាតិ៥ ថ្ងៃ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានអន្ដរជាតិ១ សប្តាហ៍ ago
ជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា
-
ព័ត៌មានជាតិ៥ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានជាតិ១ សប្តាហ៍ ago
បុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល