ម្ចាស់ហាង «គោលដៅចាស់» អាចរួចផុតពីសំណាញ់ច្បាប់ដែរទេ ខណៈកំពុងមានការអន្តរាគមន៍ឲ្យមាន​ការដោះលែង
Connect with us
Helistar Cambodia - Helicopter Charter Services

ព័ត៌មានជាតិ

ម្ចាស់ហាង «គោលដៅចាស់» អាចរួចផុតពីសំណាញ់ច្បាប់ដែរទេ ខណៈកំពុងមានការអន្តរាគមន៍ឲ្យមាន​ការដោះលែង

បានផុស

នៅ

លោក ឡៅ អ៊ូ អាយុ​៣៥​ឆ្នាំ ជាម្ចាស់​ហាង «​គោលដៅ​ចាស់​» ស្ថិតនៅ​សង្កាត់​តាខ្មៅ ក្រុង​តាខ្មៅ ខេត្ត​កណ្តាល និងមនុស្ស​ចំនួន​១៣​នាក់​ផ្សេងទៀត ត្រូវបាន​សមត្ថកិច្ច​ឃាត់ខ្លួន កាលពី​ព្រលប់​ថ្ងៃទី​៤ ខែសីហា ឆ្នាំ​២០២១ ពាក់ព័ន្ធ​ករណីបើកហាងផឹកស៊ី ក្នុង​បរិបទ​នៃ​ការរីក​រាលដាល​ជំងឺ​កូ​វីដ​១៩ ពិសេស គឺប្រឆាំងនឹង​បទបញ្ជា​របស់​រាជរដ្ឋាភិបាល។

ការចុះ​បង្ក្រាបនេះ គឺបន្ទាប់ពី​មាន​បទបញ្ជា​ដ៏​ម៉ឺងម៉ាត់​ពីលោក​ឧ​ត្ត​ម​សេនីយ៍​ទោ ឈឿន សុចិ​ត្ត ស្នងការ​នគរបាល​ខេត្តកណ្តាល និងចូលរួម​បង្ក្រាប​ផ្ទាល់​ពី​លោក​វរសេនីយ៍ឯក ឡាក់ ម៉េង​ធី នាយការិយាល័យ​ព្រហ្មទណ្ឌ​កម្រិត​ស្រាល ព្រមទាំង​លោក​វរសេនីយ៍ឯក យី វណ្ណដា អធិការនគរបាល​ក្រុង​តាខ្មៅ ។

តាម​ប្រភពព័ត៌មាន​ច្បាស់​ការណ៍​បានអោយដឹងនៅថ្ងៃទី​៥ ខែសីហា ឆ្នាំ​២០២១នេះថា ពេលនេះកំពុងមាន​ការអន្តរាគមន៍ ដើម្បីអោយ​មានការ​អប់រំ ធ្វើ​កិច្ចសន្យា និងដោះលែង​ម្ចាស់​ហាង «​គោលដៅ​ចាស់​» និង មនុស្ស​ជាង​១០​ទៀត ដោយ​មិនចាំបាច់​បញ្ជូនទៅ​តុលាការនោះទេ ។

ហាង «​គោលដៅ​ចាស់​» នេះ មិនមែន​ទើបតែ​សមត្ថកិច្ច​ចុះ​អប់រំ និងបង្ក្រាប​ជា​លើក​ទី​១នោះទេ ពោលគឺ ជាច្រើន​ដង​ច្រើនសារ​មកហើយ តែ​ហាក់​ព្រហើន និងផ្គើនបទបញ្ជា​របស់​រាជរដ្ឋាភិបាលយ៉ាងខ្លាំង ។

ពេលនេះ មជ្ឈដ្ឋាន​មួយចំនួន​រង់ចាំ​មើលថា តើ​ម្ចាស់​ហាង «​គោលដៅ​ចាស់​» និងមនុស្ស​ជាង​១០​នាក់ទៀត អាច​រួច​ផុតពី​សំណាញ់​ច្បាប់​ដែរឬទេ ? ខណៈ​ព្រហើន​បើកហាង​ផឹកស៊ីក្នុង​បរិបទ​កូ​វីដ​១៩ ។

សូមបញ្ជាក់ថា រដ្ឋបាល​ខេត្តកណ្តាល បានដាក់​ចេញ​នូវ​វិធានការ​រដ្ឋបាល​សម្រាប់​រយៈពេល​១៤​ថ្ងៃ គិត​ចាប់ពី​ម៉ោង​២៣និង៥៩​នាទី នា​ថ្ងៃទី​២៩ ខែកក្កដា ឆ្នាំ​២០២១ រហូតដល់​ថ្ងៃទី​១២ ខែសីហា ឆ្នាំ​២០២១ ដើម្បី​ប្រយុទ្ធ​និង​ទប់ស្កាត់​ការឆ្លង​រាលដាល​នៃ​ជំងឺ​កូ​វីដ​១៩ នៅក្នុង​ភូមិសាស្ត្រ​ខេត្តកណ្តាល ។

នេះ​បើ​យោងតាម​សេចក្ដីសម្រេច​របស់លោក គង់ សោ​ភ័​ណ្ឌ អភិបាលខេត្ត​កណ្តាល កាលពី​ថ្ងៃទី​២៩ ខែ​កក្កដា ឆ្នាំ​២០២១ ថ្មីៗ​នេះ ៕

អត្ថបទ ៖ ឆៃ យ៉ា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៤ នាទី មុន

តើសមត្ថកិច្ចអាចស៊ើបអង្កេតករណីតារាកំប្លែង ខ្ញុង អំពាវនាវឲ្យមហាជន ជួយដោះបំណុលរបស់ខ្លួនទេ?

KPT+១៦ នាទី មុន

សម្ដីមុតស្រួច ៦ឃ្លា មិនគួរប្រើជាមួយគូស្នេហ៍ អាចធ្វើឱ្យគេស្លាប់ចិត្តបាន

ព័ត៌មានជាតិ១៧ នាទី មុន

អ្នកនាំពាក្យស្នងការរាជធានី ប្រតិកម្មការចុះផ្សាយរបស់សារព័ត៌មានមួយ ដែលយករូបលោកស្នងការ ទៅផ្សព្វ​ផ្សាយមិនត្រឹមត្រូវ

ព័ត៌មានជាតិ២៥ នាទី មុន

ឃុំអ្នកលឿង មានកុមារអាយុក្រោម២ឆ្នាំ និងស្ត្រីមានផ្ទៃពោះ គ្រួសារស្លាប់ដោយកូវីដបន្តទទួលសាច់ប្រាក់​រាជរដ្ឋាភិបាល​

បច្ចេកវិទ្យា២៨ នាទី មុន

បង្ហោះលេខកុងធនាគារជាសាធារណៈ ប្រយ័ត្នអស់លុយគ្មានសល់

Sokha Hotels

ព័ត៌មានពេញនិយម

Helistar Cambodia - Helicopter Charter Services