ព័ត៌មានជាតិ

វិស័យអធិការកិច្ចមានសារៈសំខាន់ណាស់ ក្នុងភារកិច្ចជាសេនាធិការឲ្យរាជរដ្ឋាភិបាល ទប់ស្កាត់ប្រឆាំងអំពើពុករលួយ

បានផុស

៣ years មុន

នៅ

ថ្ងៃចន្ទ ៦ កញ្ញា ២០២១

ដោយ

លោក ណុប ចាន់ណារិន្ទ រដ្ឋលេខាធិការ និងជាអ្នកនាំពាក្យក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បញ្ជាក់ថា វិស័យអធិការកិច្ចមានសារៈសំខាន់ណាស់ ក្នុងភារកិច្ចជាសេនាធិការឲ្យរាជរដ្ឋាភិបាលកម្ពុជា លើការងារបង្កា ទប់ស្កាត់ ប្រឆាំងអំពើពុករលួយ ការរំលោភដោយអំណាច និងបាតុភាពអសកម្មនានា ដែលមានអភិបាលកិច្ចល្អជាស្នូល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះបើយោងតាមគេហទំព័រ Facebook ផ្លូវការរបស់លោក ណុប ចាន់ណារិន្ទ ដែលធ្វើឡើងនៅព្រឹកថ្ងៃច័ន្ទ ទី៦ ខែកញ្ញា ឆ្នាំ២០២១ ក្នុងជំនួបសំណេះសំណាលជាមួយអគ្គនាយក អគ្គនាយករងទទួលបន្ទុក នៃអគ្គនាយកដ្ឋានដ្ឋានអធិការកិច្ច និងលោកប្រធាននាយកដ្ឋានអធិការកិច្ចទី២ នៃក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច រយៈពេលប្រមាណ១ម៉ោងកន្លះ។

លោក ណុប ចាន់ណារិន្ទ បានចាត់ទុកការប្រការជុំថ្ងៃនេះមានសារៈសំខាន់ ស្របពេលដែលយើងកំពុងស្ថិតនៅក្នុងបរិបទរួមគ្នាទប់ស្កាត់ជំងឺកូវីដ១៩។ ដំណាក់កាលនេះ មិនត្រូវភ្លេចយុទ្ធសាស្ត្ររបស់វីរបុរសយើងដែលបានអនុវត្តន៍ដោយជោគជ័យកាលពីក្រោយថ្ងៃរំដោះ៧មករា ១៩៧៩ គឺដៃម្ខាងការពារ និងដៃម្ខាងកសាងនោះឡើយ ។

ឯកឧត្តមបញ្ជាក់ថា ការជួបគ្នានេះបន្ទាប់ពីឯកឧត្តមត្រូវបានលោកជំទាវកិត្តិសង្គហបណ្ឌិត ម៉ែន សំអន បានផ្តល់សេចក្តីទុកចិត្តឲ្យឯកឧត្តមទទួលជួយការងារលោកជំទាវលើវិស័យអធិការកិច្ចទី២ ។

សូមបញ្ចាក់ផងដែរថា របៀបវារៈនៃកិច្ចប្រជុំរួមមាន នាព្រឹកថ្ងៃទី០៦ ខែកញ្ញានេះ ខ្លឹមសារសំខាន់ៗគឺទី១ ស្តាប់របាយការណ៍ សកម្មភាព របៀបរបបធ្វើការងារកន្លងមក។

ទី២ ពិនិត្យស្វែងយល់ពីតួនាទី ភារកិច្ចរបស់នាយកដ្ឋានអធិការកិច្ចទី២។

ទី៣ ផ្ទៀងផ្ទាត់ការងារ អធិការកិច្ចទី២ ទៅនឹងអភិក្រមទាំង៧ នៃអនុក្រឹត្យ១៦៨ និងអនុក្រឹត្យលេខ០៣ ។

ទី៤ ផែនការសកម្មភាពសម្រាប់អនុវត្តបន្ត ។

ទី៥ សេចក្តីផ្សេងៗ៕

អត្ថបទ៖ វិមាន