ព័ត៌មានជាតិ
រាជធានីខេត្តចំនួន១៦ហើយបានបើកដំណើរការសាលារៀនឡើងវិញ
រហូតមកដល់ថ្ងៃទី២៧ ខែកញ្ញា ឆ្នាំ២០២១នេះ មានរាជធានីខេត្តចំនួន១៦ហើយបានបើកដំណើរការសាលារៀនឡើងវិញ ខណៈខេត្តចំនួន៩ទៀតនៅមិនទាន់បានកំណត់ពេលវេលាបើកនៅឡើយទេ។
រាជធានីខេត្តចំនួន១៦ដែលបើកដំណើរសាលាឡើងវិញនោះរួមមាន ខេត្តព្រះសីហនុ បើកនៅថ្ងៃទី១៣កញ្ញា រាជធានីភ្នំពេញ ខេត្តកណ្តាល ពោធិសាត់ ប៉ៃលិន ព្រៃវែង និងបន្ទាយមានជ័យបើកនៅថ្ងៃទី១៥ កញ្ញា។ តាកែវ កោះកុង កំពង់ធំ ឧត្តរមានជ័យ រតនគីរី ឧត្តរមានជ័យ បាត់ដំបង និងកំពង់ចាម បើកនៅថ្ងៃទី២០ កញ្ញា និងខេត្តស្វាយរៀង បើកនៅថ្ងៃទី២៧ កញ្ញានេះ។ រីឯខេត្តចំនួន៩ដែលនៅមិនទាន់បានបើកដំណើរការសាលារៀនឡើងវិញនោះ រួមមាន ខេត្តកែប កំពត ព្រះវិហារ ស្ទឹងត្រែង មណ្ឌលគីរី ត្បូងឃ្មុំ សៀមរាប កំពង់ស្ពឺ និងកំពង់ឆ្នាំង។ ក្នុងចំណោមខេត្តទាំងនោះ មានខេត្តសៀមរាប កំពុងទទួលរងនូវការរាតត្បាតយ៉ាងធ្ងន់ធ្ងរបង្ខំឱ្យអាជ្ញាធរខេត្តត្រូវបិទខ្ទប់តំបន់មួយចំនួនដើម្បីទប់ស្កាត់ការឆ្លងរីករាលដាលជំងឺកូវីដ១៩នេះ។
ចំណែកខេត្តព្រះវិហារ ក៏មានការឆ្លងគួរឱ្យកត់សម្គាល់ដែរ ដោយអាជ្ញាធរបានសម្រេចបិទខ្ទប់ និងកំណត់ភូមិប្រើសក្អក ជាតំបន់ក្រហម ស្ថិតនៅឃុំម្លូព្រៃពីរ ស្រុកឆែប ខេត្តព្រះវិហារ រយះពេល២សប្តាហ៍ ចាប់ពីថ្ងៃទី១៨ ខែកញ្ញា ឆ្នាំ២០២១រហូតដល់ថ្ងៃទី០១ ខែតុលា ឆ្នាំ២០២១ ។
ក្រៅពីនេះខេត្តផ្សេងៗទៀតដោយសារសាលាជាប់ធ្វើជាមណ្ឌលចត្តាឡីស័ក និងមណ្ឌលព្យាបាលជំងឺកូវីដ១៩ដែលទាមទារឱ្យអាជ្ញាធរធ្វើការបោសសំអាតនិងបាញ់ថ្នាំសម្លាប់មេរោគជាមុនសិន មុននឹងអនុញ្ញាតឱ្យសិស្សចូលរៀន។
ជាកត់សម្គាល់ក្នុងចំណោមសាលាដែលបើកដំណើរការឡើងវិញ ភាគច្រើនបើកថ្នាក់ទី៩ និងថ្នាក់ទី១២សិនទេ ព្រោះជាឆ្នាំដែលសិស្សត្រូវចូលរួមប្រឡងយកសញ្ញាប័ត្រពេលខាងមុខនេះ។ ចំពោះសាលាដែលមិនទាន់បើកត្រូវសិក្សាតាមរយៈពីចម្ងាយ ឬតាមប្រព័ន្ធអេឡិចត្រូចនិច ឬការចែកសន្លឹកកិច្ចការដល់សិស្ស ឬការសិក្សាតាមបែបចម្រុះ ។
លោក ម៉ែន វិបុល អភិបាលខេត្តស្វាយរៀង ដែលបានអញ្ជើញចុះពិនិត្យដំណើរការ ចូលរៀនឡើងវិញរបស់សិស្សានុសិស្សនៅវិទ្យាល័យ ហ៊ុន សែន ស្វាយជ្រំ នៅស្រុកស្វាយជ្រំ និងវិទ្យាល័យ ហ៊ុន សែន ចេក នៅក្រុងស្វាយរៀង នៅព្រឹកថ្ងៃទី២៧ ខែកញ្ញា ឆ្នាំ២០២១ បានណែនាំដល់លោកគ្រូអ្នកគ្រូ និងសិស្សានុសិស្សទាំងអស់ឲ្យមានការយកចិត្តទុកដាក់ខ្ពស់អំពីបញ្ហាសុខភាពគឺ ត្រូវអនុវត្តឲ្យបានខ្ជាប់ខ្ជួននូវវិធានការ “៣ការពារ ៣ កុំ” ជាពិសេសត្រូវចេះការពារខ្លួនឯងរៀងៗខ្លួនពីជំងឺកូវីដ១៩។
លោកអភិបាលខេត្តបានបន្តថា ក្នុងករណីបើមានអាការៈមិនស្រួលខ្លួន ឬមានរោគសញ្ញាសង្ស័យ ត្រូវប្រញាប់រាយការណ៍ទៅឲ្យលោកគ្រូ អ្នកគ្រូដើម្បីរៀបចំយកសំណាកធ្វើតេស្តរកមេរោគកូវីដ-១៩និងធ្វើការព្យាបាលឲ្យបានទាន់ពេលវេលាដើម្បីទប់ស្កាត់កុំឲ្យឆ្លងរាលរីកដាលទៅអ្នកដទៃទៀត។
លោកអភិបាលខេត្តបានបន្តទៀតថា ជាជំហានដំបូងនេះរដ្ឋបាលខេត្តស្វាយរៀងបានបើកសាលារៀនឡើងវិញចំនួន៦១សាលាក្នុងនោះមានអនុវិទ្យាល័យ ៤៨សាលា និងវិទ្យាល័យ ១៣សាលា ។
យ៉ាងណាក៏ដោយក្រសួងអប់រំយុវជននិងកីឡាបានណែនាំដល់គ្រប់សាលាដែលបើកដំណើរការត្រូវអនុវត្តតាមស្តង់ដារប្រតិបត្តិ (SOP)ក្នុងការទប់ស្កាត់ការឆ្លងរាលដាលនៃជំងឺកូវីដ-១៩ ដោយធ្វើការពាក់ម៉ាស់លាងដៃជាមួយអាល់កុល ឬជែល ការរក្សាគម្លាតសុវត្ថិភាពពីគ្នា និងហាមជួបជុំគ្នាជាក្រុម ដែលនាំឱ្យមានការឆ្លងមេរោគកូវីដ-១៩ដោយប្រការណាមួយ៕
អត្ថបទ៖ សំអឿន
វិសាខាប្រកាសវិលត្រឡប់មកវិញហើយ
ស្អែកនេះ លោក ថាក់ស៊ីន គ្រោងនឹងអញ្ជើញទៅស្នាក់ការបក្សភឿថៃ
អំបុកខ្មែរជិតឈានសម្រេចនាំចេញទៅលក់នៅប្រទេសថៃ
គ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ចុះពិនិត្យជំងឺជូនប្រជាពលរដ្ឋនៅតំបន់ដាច់ស្រយាលខេត្តស្ទឹងត្រែង
ធ្លាយតម្រុយទាញ អាមេរិក ជាប់ពាក់ព័ន្ធការវាយប្រហារភេរវកម្មនៅ រុស្ស៊ី
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ២ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២៣ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ agoមួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល