ព័ត៌មានជាតិ
ការស្លាប់ដោយថ្នាំជក់នៅលើពិភពលោករៀងរាល់ឆ្នាំមានចំនួន១៥ពាន់នាក់
សៀមរាប ៖ នៅសាលប្រជុំសាលាខេត្តសៀមរាប អនុគណៈកម្មាធិការត្រួតពិនិត្យផលិតផលថ្នាំជក់ខេត្ត បានធ្វើកិច្ចប្រជុំត្រួតពិនិត្យលទ្ធផល ក្រោមកិច្ចដឹកនាំរបស់ លោក ពិន ប្រាកដ អភិបាលរងខេត្ត និង ជាប្រធានអនុគណៈកម្មាធិការត្រួតពិនិត្យផលិតផលថ្នាំជក់ខេត្ត ដោយមានការអញ្ជើញចូលរួមនៃអនុគណៈកម្មាធិការ និង អង្គការដៃគូរ កាលព្រឹកថ្ងៃទី ១៩ ខែ កក្កដា ឆ្នាំ២០២២។
កិច្ចប្រជុំនេះ ធ្វើឡើងក្នុងគោលបំណង ដើម្បីជម្រាបជូនដំណឹងដល់អនុគណៈកម្មាធិការត្រួតពិនិត្យផលិតផលថ្នាំជក់ខេត្តសៀមរាប នូវទង្វើល្មើសទៅនឹងច្បាប់ ស្តីពីការត្រួតពិនិត្យផលិតផលថ្នាំជក់ និង គតិយុត្តិពាក់ព័ន្ធ និង ស្វែងរកយន្តការប្រកបដោយប្រសិទ្ធភាព និង ឆ្លើយតបទៅបទល្មើសទាំងនេះ។
មានប្រសាសន៍បើកកិច្ចប្រជុំនោះ លោក ពិន ប្រាកដ បានគូសបញ្ជាក់ថា ក្នុងមួយៗឆ្នាំនៅលើពិភពលោក អ្នករង គ្រោះស្លាប់ដោយសាថ្នាំជក់ ប្រមាណ១៥ពាន់នាក់រៀងរាល់ឆ្នាំ ដោយសារតែការប្រើប្រាស់ថ្នាំជក់ និង បន្ថែមពីលើនេះ ការប្រើប្រាស់ថ្នាំជក់បានធ្វើឲ្យខាតបង់ថវិកាជាច្រើននិងបាត់បង់ចំណូលក្នុងគ្រួសារទៀតផង។ កន្លងមករាជរដ្ឋាភិបាលកម្ពុជាបានដាក់ចេញនូវវិធានការច្បាប់ និងលិខិតបទដ្ឋានគតិយុត្តិមួយចំនួន ទាក់ទងនឹងការត្រួតពិនិត្យផលិតផលថ្នាំជក់នេះផងដែរ។
លោកបានបន្តទៀតថា ក្នុងស្ថានភាពជាក់ស្ដែង យើងពិនិត្យឃើញថា ការអនុវត្តមានភាពខ្វះចន្លោះ និងជួបប្រទះនូវបញ្ហាជាច្រើន ដូចជាមានជនឆ្លៀតឱកាសផ្សព្វផ្សាយ និងដាក់តាំងលក់ផលិតផលថ្នាំជក់ដោយពុំបានគោរពតាមច្បាប់ជាធរមាន ហើយទោះជានៅក្នុងបរិបទកូវីដ-១៩ ដែលយើងជួបប្រទះកន្លងមក ឃើញថា គឺមានការប្រើប្រាស់ ផ្សព្វផ្សាយ ផលិត និងជក់ ដែលអាចបង្កឱកាសជាច្រើនដល់ការឆ្លងកូវីដ-១៩ ដោយអ្នកជក់ ដោះម៉ាស់ចេញ ដើម្បីជក់បារី ប៉ុន្តែក្រុមហ៊ុនថ្នាំជក់មិនបានកាត់បន្ថយការលក់បារីឡើយ។ ផ្ទុយទៅវិញ បច្ចុប្បន្នក្រុមហ៊ុនថ្នាំជក់បានដាក់ចេញនូវយុទ្ធសាស្ត្រលក់ថ្មីៗសំបូរបែប ដើម្បីទាក់ទាញឲ្យមានអ្នកជក់បារី ដូចជាការទិញកញ្ចប់បារីពីអ្នកជក់វិញជាដើម ។ ជាងនេះទៅទៀត យើងឃើញថាក្រុមហ៊ុនបារីមួយចំនួនបានបង្កើនសកម្មភាពលើកតម្កើងមុខមាត់របស់ខ្លួន តាមរយៈកម្មវិធីសម្បុរសធម៌ ជួយសង្គមក្នុងពេលមានវិបត្តិ ។ លោក ពិន ប្រាកដ បានបន្តទៀតថា ក្រៅពីបញ្ហាដែលបានលើកឡើងខាងលើនេះ លោក សុំឲ្យសមាជិក សមាជិកា នៃអង្គប្រជុំទាំងអស់ ចាប់អារម្មណ៍ទៅលើបញ្ហាបារីអេឡិចត្រូនិក និងផលិតផល អេចឈ៍ ធី ភី ដែលជាផលិតផលថ្នាំជក់ប្រភេទថ្មីដ៏មានគ្រោះថ្នាក់ ហើយកម្ពុជាយើងបានហាមឃាត់ ហើយមួយរយៈក្រោយមកនេះ វាត្រូវបានចែកចាយ និងប្រើប្រាស់ក្នុងចំណោមយុវជនគួរឲ្យបារម្ភ មិនថានៅតាមទីសាធារណៈ ឬដោយលួចលាក់ ។ បញ្ហាដែលចង់ឲ្យសមាជិកអង្គប្រជុំទាំងអស់ចូលរួមពិភាក្សាឲ្យបានផុសផុលឡើងថា តើយើងគួរមានវិធានការយ៉ាងណាខ្លះដើម្បីដោះស្រាយប្រកបដោយប្រសិទ្ធភាព។ លោកអភិបាលរងខេត្ត សង្ឃឹមថា ការខិតខំប្រឹងប្រែងរបស់យើង នឹងទទួលបានផ្លែផ្កា ជាទីពេញចិត្ត! គឺសង្គមជាតិមួយដែលមាន បរិស្ថានល្អ មានសុខភាពល្អ សម្រាប់យើង និងកូនចៅ គ្រប់ៗគ្នា៕
ដោយ ៖ គឿនវេត
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore