កីឡា
ប៊ុន សុធា បង្ហើរអារម្មណ៍តាមហ្វេសបុកបញ្ជាក់ពីការមិនសប្បាយចិត្តចំពោះអ្នកគាំទ្រមួយចំនួន
អ្នកលេងគុនខ្មែរ ប៊ុន សុធា បង្ហាញការមិនពេញចិត្តចំពោះអ្នកគាំទ្រមួយចំនួនដែលរិះគន់មិនមែនក្នុងន័យស្ថាបនានៅពេលឈ្នះអបអរសាទរ ចាញ់បន្ទោស មានបញ្ហាច្រើន ដែលនាំឲ្យគេលែងហ៊ានចង់ចេញទៅប្រកួតនៅក្រៅប្រទេសបន្តទៀត។
ការបង្ហោះរបស់ ប៊ុន សុធា
កីឡាករ ប៊ុន សុធា បានបង្ហោះសារនៅហ្វេសបុករបស់ខ្លួនថា៖
៣ដងចេញក្រៅប្រទេសមេរៀនដ៏ជូរចត់បន្តិច ស្ទើរតែលែងហ៊ានចេញក្រៅប្រទេសទៀត ឈ្នះសរសើរ ចាញ់មកវិញបញ្ហាច្រើន អ្នកខ្លះថាខ្លាំងបានតែក្នុងស្រុក កង្កែបក្នុងអណ្ដូង នេះពាក្យលើកទឹកចិត្ត ខ្ញុំប្រឹងណាស់ ជាន់…តម្លៃខ្លួនមិនលើសនៅខ្មែរ # ចិត្តមួយទៀតចង់បន្តទៅព្រោះខឹងចិត្តខ្លួនឯង។
ចិត្តកូនប្រុស
– ធ្លាប់សាកល្បង ធ្លាប់បរាជ័យគ្មានបញ្ហា
– អត់ធ្មត់ ចិត្តធ្ងន់ មិនបោះបង់
– ខកចិត្ត ចាញ់គេរក្សាជំហរ មិនបាក់ទឹកចិត្ត
– បាត់ភាពកក់ក្ដៅតែមិនបាត់ក្ដីសង្ឃឹម
– ក្រទ្រព្យបានតែកុំឲ្យក្រសន្តានចិត្ត
– ច្បាស់លាស់ និងស្មោះត្រង់ជាមួយមនុស្សជុំវិញខ្លួន រឿងខ្លះកុំទាន់បោះបង់ កុំទាន់បាក់ទឹកចិត្ត យឺតខ្លះ លឿនខ្លះ កែតម្រូវបន្តិចម្ដងៗរហូតដល់យើងអាចរកឃើញសមត្ថភាពពិសេសរបស់ខ្លួនឯង។ ខ្លាសខេត្តកំពង់ចាម ប៊ុន សុធា
ប៊ុន សុធា (រូបភាពផេក ប៊ុន សុធា)
បើមើលតាមសំណេរនេះកូនសិស្សលោក ធន់ សុភា រូបនេះហាក់អន់ចិត្ត និងបាក់ទឹកចិត្តចំពោះការស្ដីបន្ទោសរបស់អ្នកគាំទ្រមួយចំនួនពិសេសលើកឡើងពីការបរាជ័យទាំង៣លើករបស់ខ្លួននៅឯក្រៅប្រទេស។ មួយទៀតគឺការមិនពេញចិត្តចំពោះសមត្ថភាពខ្លួនឯងដែលធ្វើមិនទាន់បានល្អក្នុងការប្រកួត។
ប៉ុន្តែចំណុចល្អមួយដែល ប៊ុន សុធា ដាក់នៅឃ្លាខាងក្រោមគេនោះគឺការលើកទឹកចិត្តខ្លួនឲ្យបន្តខំប្រឹងប្រែងតស៊ូមិនទៅណាចោលគុនខ្មែរ បន្តស្វែងរកភាពជោគជ័យឲ្យបានពិសេសការពង្រឹងសមត្ថភាព និងរកឃើញនូវភាពខ្លាំងពិតប្រាកដរបស់ខ្លួនឯងឲ្យបាន។
ប៊ុន សុធា (រូបភាពផេក ប៊ុន សុធា)
បញ្ជាក់ដែរថា ប៊ុន សុធា ជាកីឡាករប្រដាល់គុនខ្មែរដែលប្រឡូកក្នុងវិស័យប្រដាល់នេះយូរឆ្នាំដែរហើយ។ រូបគេឈ្នះខ្សែក្រវាត់ ឈ្នះពាន និងមេដាយថ្នាក់ជាតិក៏បានច្រើនគ្រឿងរួចមកហើយដែរ។ ប៉ុន្តែការចេញទៅប្រកួតនៅឯក្រៅប្រទេសប៉ុន្មានដងមកនេះហាក់មិនជោគជ័យនោះឡើយដូចជាការប្រកួតធំនៅអេស្ប៉ាញ ខណៈបច្ចុប្បន្នការរិះគន់ ឬបញ្ចេញមតិផ្សេងៗលើបណ្ដាញសង្គមមានការផុសផុលជាខ្លាំងពីសំណាក់អ្នកតាមដានគុនខ្មែរ៕
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៨ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម