ព័ត៌មានជាតិ
ឯកឧត្តម ឌី វិជ្ជា ជួបពិភាក្សាការងារជាមួយគណៈប្រតិភូក្រសួងសន្តិសុខសាធារណៈនៃសាធារណរដ្ឋប្រជាមានិតចិន
នៅព្រឹកថ្ងៃចន្ទ ទី២៦ ខែមិថុនា ឆ្នាំ២០២៣នេះ ឯកឧត្តមឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងជាប្រធាននាយកដ្ឋានកណ្តាលសន្តិសុខ បានអញ្ជើញជួបពិភាក្សាការងារជាមួយគណៈប្រតិភូក្រសួងសន្តិសុខសាធារណៈ នៃសាធារណរដ្ឋប្រជាមានិតចិន ដឹកនាំដោយឯកឧត្តម NIU Haifeng អគ្គនាយករងទទួលការងារសហប្រតិបត្តិការអន្តរជាតិ នៅអគ្គស្នងការដ្ឋាននគរបាលជាតិ។
គោលបំណងនៃការអញ្ជើញមកបំពេញទស្សនកិច្ចការងាររបស់គណៈប្រតិភូក្រសួងសន្តិសុខចិន នាពេលនេះ គឺអនុវត្តទៅតាមផែនការសហប្រតិបត្តិការរបស់ក្រសួងមហាផ្ទៃកម្ពុជា និងក្រសួងសន្តិសុខចិន និងដើម្បីធ្វើការពិភាក្សាផ្លាស់ប្តូរយោបល់បំពេញបន្ថែមលើដំណើរការនៃកិច្ចសហប្រតិបត្តិការអនុវត្តច្បាប់ ពិសេសកិច្ចសហការប្រយុទ្ធប្រឆាំងបទល្មើស តាមរយៈការិយាល័យសម្របសម្រួលអនុវត្តច្បាប់ រួមទាំងការជម្រុញការសាងសង់អគារទីបញ្ជាការនគរបាលជាតិ។
ជាមួយគ្នានេះដែរ ភាគីទាំងពីរកម្ពុជា-ចិន បានឯកភាពគ្នាលើការងារមួយចំនួនដូចខាងក្រោម៖
១.បន្តពង្រឹងអនុវត្តកិច្ចសហការស្របតាមខ្លឹមសារដូចមានចែងក្នុងផែនការក្រសួងទាំងពីរ។
២.កោតសរសើរ និងវាយតម្លៃខ្ពស់ចំពោះលទ្ធផល នៃកិច្ចសហការអនុវត្តច្បាប់ដែលភាគីកម្ពុជា-ចិនសម្រេចបាន និងបានខិតខំរិះរកវិធីសាស្រ្តស្របតាមគោលការណ៍ច្បាប់ និងបទបញ្ញត្តិនៃប្រទេសនីមួយ ដើម្បីដោះស្រាយនូវរាល់បញ្ហាប្រឈមដែលកើតឡើងក្នុងអំឡុងពេលប្រតិបត្តិការ។
៣.ពាក់ព័ន្ធនឹងកិច្ចសហប្រតិបត្តិការប្រយុទ្ធប្រឆាំងបទល្មើស តាមរយៈយន្តការការិយាល័យសម្របសម្រួល ភាគីទាំងពីរឯកភាពប្រកាន់ខ្ជាប់នូវស្មារតីលើកកម្ពស់កិច្ចសហប្រតិបត្តិការ ការផ្លាស់ប្តូរព័ត៌មានទាន់ពេល និងការគោរពអធិបតេយ្យភាពគ្នា ដូចមានកំណត់ក្នុងខ្លឹមសារនៃ MoU និងផែនការសហប្រតិបត្តិការក្រសួងទាំងពីរ។ ទោះយ៉ាងណា ដើម្បីបង្កើនប្រសិទ្ធភាពលើកិច្ចការនេះ ភាគីទាំងពីរពិនិត្យលទ្ធភាពបង្កើតជា SOP រួមគ្នាមួយដែលជាផែនទីបង្ហាញផ្លូវក្នុងការចាត់តាំងកិច្ចប្រតិបត្តិការ។
៤.គាំទ្រចំពោះគំនិតផ្តួចផ្តើមសម្រាប់បើកវគ្គបណ្តុះបណ្តាល ឬសិក្ខាសាលា ដើម្បីកសាងសមត្ថភាពមន្រ្តីអនុវត្តច្បាប់ បម្រើឲ្យកិច្ចប្រតិបត្តិការរវាងភាគីទាំងពីរ។ ជាមួយគ្នានោះ ភាគីចិនបានបញ្ជាក់អំពីការខិតខំដោះស្រាយសំណូមពរកម្ពុជាពាក់ព័ន្ធ និងការគាំទ្រជាមធ្យោបាយ ឧបករណ៍ សម្ភារបច្ចេកទេសបម្រើឲ្យកិច្ចប្រតិបត្តិការរក្សាសន្តិសុខ និងសណ្តាប់ធ្នាប់ ទៅតាមដំណាក់កាល និងស្ថានភាពជាក់ស្តែង។
៥.គាំទ្រឲ្យក្រុមជំនាញបច្ចេកទេសរបស់ភាគីទាំងពីរ ជួបពិភាក្សាគ្នាឲ្យបានញឹកញាប់ពាក់ព័ន្ធនឹងគម្រោងសាងសង់ទីបញ្ជាការនគរបាលជាតិ ដើម្បីជម្រុញដំណើរការសាងសង់ឲ្យបានឆាប់រហ័ស៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង