ឆេះ​តូបសាឡននៅ​ផ្សារ​ផេនសល បានម៉ូតូទឹកសាលាខណ្ឌដូនពេញមកជួយពន្លត់ទាន់

អគ្គីភ័យបានលេបត្របាក់តូបសាឡនមួយ នៅផ្សារផេនសលអស់គ្មានសល់បង្កជាការភ្ញាក់ផ្អើល។ ឡានទឹក៥គ្រឿងបាន​ចុះ​មកជួយអន្តរាគមន៍ តែសំណាងល្អបានម៉ូតូទឹករបស់សាលាខណ្ឌដូនពេញមកជួយបាញ់ទឹករហូតរលត់ជាស្ថាពរ។

ហេតុការណ៍បានកើតឡើងកាលពី២៣និង០០នាទីយប់ថ្ងៃទី១២ខែមីនាឆ្នាំ២០២១នៅតូបលេខស្តង់អូ ផ្លូវព្រះសុីសុវត្ថិ ភូមិ២ សង្កាត់ចតុមុខ ខណ្ឌដូនពេញ រាជធានីភ្នំពេញ។

អាជ្ញាធរខណ្ឌដូនពេញបានបញ្ជាក់មូលហេតុបណ្តាលមកពីឆ្លងចរន្តអគ្គីសនី។ ការ​ខូចខាត​មានតូប ទំហំ 02ម៉ែត្រ x 2.75ម៉ែត្រ រួមទាំងសំភារៈគ្រឿងសាឡន នៅក្នុងតូបទាំងស្រុង និង​ពុំបណ្ដាលអោយឆេះរាលដាលដល់តូបអ្នកនៅក្បែរខាងឡើយ។

ក្នុង​អគ្គិភ័យ សមត្ថកិច្ច​បាន​ប្រើប្រាស់ម៉ូតូកង់បីដឹកទឹករបស់សាលាខណ្ឌដូនពេញចំនួន03គ្រឿង គ្រប់គ្រងបានទាំងស្រុង និងរថយន្តអគ្គីភ័យមកចំនួន05គ្រឿង តែមិនបានប្រើប្រាស់នោះទេ៕

អត្ថបទ៖ រស្មី