កីឡា

អ្នកលេងគុនខ្មែរ គោរមៈ ច័ន្ទរាជ្យ ប្រាប់ហេតុផលឡើងលេងប្រភេទទម្ងន់ ៥៧គីឡូក្រាម

បានផុស

១ year មុន

នៅ

ថ្ងៃអង្គារ ១ មេសា ២០២៥

ដោយ

កូនសិស្សលោក ហ៊ុន ច័ន្ទរាជ្យ ថាបច្ចុប្បន្ននេះរូបគេឡើងទម្ងន់មកលេង ៥៧គីឡូក្រាមហើយ ព្រោះតែទម្ងន់ឡើងខ្លាំងពិបាកបញ្ចុះ និងរាងកាយកាន់តែធំទៅតាមវ័យផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គោរមៈ ច័ន្ទរាជ្យ

គោរមៈ ច័ន្ទរាជ្យ បានឲ្យដឹងថា ដោយរាងកាយកាន់តែធំ វ័យកាន់ច្រើន ដូច្នេះទម្ងន់ក៏ឡើងតាមហ្នឹងដែរ មួយវិញទៀតសម្រាកមួយរយៈពេលព្យាបាលរបួសផងនោះទើបទម្ងន់កើនឡើងខ្លាំង។ យ៉ាងណារូបគេបានបញ្ជាក់ហើយថា ឥលូវនេះគឺប្រកួតលើប្រភេទទម្ងន់ ៥៧គីឡូក្រាមទើបបានបើឲ្យបញ្ចុះមក ៥៤ ឬក្រោមនោះមិនអាចទៅរួចឡើយ។

គោរមៈ ច័ន្ទរាជ្យ

អ្នកលេងគុនខ្មែររៀនថ្នាក់ទី១២ រូបនេះបន្ថែមទៀតថា រូបគេបានប្រកួត១ដងរួចហើយលើប្រភេទទម្ងន់ ៥៧គីឡូក្រាមនេះជាមួយកីឡាករចិន។ ទម្ងន់ ៥៧គីឡូក្រាមនេះគឺមានអ្នកល្អៗច្រើន យ៉ាងណារូបគេនឹងប្រឹងប្រែងឲ្យអស់ពីសមត្ថភាពលើការហ្វឹកហាត់ និងត្រៀមប៉ះជើងខ្លាំងប្រចាំទម្ងន់នេះនៅពេលខាងមុខ។

គោរមៈ ច័ន្ទរាជ្យ

បញ្ជាក់ដែរ គោរមៈ ច័ន្ទរាជ្យ ជាកូនសិស្សលោក ហ៊ុន ច័ន្ទរាជ្យ។ រូបគេជាកីឡាករវ័យក្មេងដែលមានកេរ្តិ៍ឈ្មោះល្បីមួយរូបក្នុងប្រទេសកម្ពុជាផងដែរ និងកំពុងគ្រងខ្សែក្រវាត់៤គ្រឿង។ មួយរយៈពេលនេះមិនសូវឃើញរូបគេឡើងប្រកួតញឹកញាប់នោះឡើយ។ សប្ដាហ៍នេះអ្នកលេងគុនខ្មែរខាងលើនឹងត្រូវប្រកួតជាមួយកីឡាករជប៉ុន ហ៊ីការ៉ា ហ្វូរ៉ូម៉ូរ៉ា លើប្រភេទទម្ងន់ ៥៧គីឡូក្រាមនៅសង្វៀនថោន៕