កីឡា

សហព័ន្ធវ៉ូវីណាមចុះMOUជាមួយសមាគមសេដ្ឋកិច្ចចិន-ខ្មែរដើម្បីអភិវឌ្ឍវិស័យកីឡាវ៉ូវីណាមនៅកម្ពុជា

បានផុស

២ ខែ មុន

នៅ

ថ្ងៃសៅរ៍ ៤ ធ្នូ ២០២១

ដោយ

សហព័ន្ធកីឡាវ៉ូវីណាមកម្ពុជា កាលពីយប់ថ្ងៃទី៣ ខែធ្នូ ឆ្នាំ២០២១ បានចុះហត្ថលេខាលើអនុស្សរណៈ“MOU”នៃការយោគយល់គ្នាលើកិច្ចសហប្រតិបត្តិការជាមួយសមាគមសេដ្ឋកិច្ចចិន- ខ្មែរ គ័ងតុង ដើម្បីអភិឌ្ឍវ័ស័យកីឡាវ៉ូវិណាមនៅកម្ពុជា ដើម្បីគោលដៅដំណើរឆ្ពោះរកមេដាយ មាសក្នុងព្រឹត្តិការណ៍ការប្រកួតកីឡា SEA GAMES 2021លើកទី៣១ នៅប្រទេសវៀតណាម និង SEA GAMES 2023 លើកទី៣២ ដែលប្រទេសកម្ពុជាធ្វើម្ចាស់ផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ូ រតនា ប្រធានសហព័ន្ធកីឡាវ៉ូវីណាមកម្ពុជាបានមានប្រសាសន៍តាមអនឡាញថា ចុះ ហត្ថលេខាលើអនុស្សរណៈ “MOU” លើកិច្ចសហប្រតិបត្តិការរវាងសហព័ន្ធ និងសមាគមសេដ្ឋកិច្ចចិន-ខ្មែរ គ័ងតុងមានរយៈពេល៣ឆ្នាំ ហើយលោកនឹងជួយឧបត្ថម្ភដល់សហព័ន្ធទៅតាមសមត្ថភាពដែលអាចធ្វើទៅតាម។ កិច្ចសហប្រតិបត្តិការនេះ ចាប់ពីឆ្នាំ២០២២រហូតដល់ឆ្នាំ ២០២៥ ដើម្បីអភិវឌ្ឍវិស័យកីឡាវ៉ូវិណាមនៅកម្ពុជា និងពង្រឹងសមត្ថភាពក្រុមកីឡាករ-កីឡា ការិនីវ៉ូវិណាមកម្ពុជាទៀត។

លោកប្រធានបន្តថា សម្រាប់កិច្ចសហប្រតិបត្តិការនេះ សមាគមសេដ្ឋកិច្ចចិន-ខ្មែរ គ័ងតុងឧបត្ថម្ភលើកទឹកចិត្តដល់ក្រុមកីឡាករ-កីឡាការិនីវ៉ូវិណាម និងជួយឧបត្ថម្ភដល់ព្រឹត្តិការណ៍ការប្រកួតជ្រើសរើសកីឡាវ៉ូវីណាមផ្សេងៗ ដោយមិនប្រើ ប្រាស់ថវិការបស់ក្រសួងអប់រំ យុវជន និងកីឡា និងគណៈកម្មការជាតិរៀបចំការប្រកួត SEA GAMES 2023។

លោក ឆាយ ជីញអ៊ី ប្រធានសហគមសេដ្ឋកិច្ចចិនខ្មែរ គ័ងតុង បានមានប្រសាសន៍ថា ក្នុង នាមសមាគមសេដ្ឋកិច្ចចិន ខ្មែរ គ័ងតុង ដែលមានអ្នកវិនិយោគចិន កំពុងរកស៊ីនៅកម្ពុជាជាសមាជិកសមាគម យើងមានមោទនភាព ដែលមាន ឱកាសជាចំណែកមួយ ដើម្បីជួយដល់សហព័ន្ធវ៉ូវីណាមកម្ពុជា ជាកីឡាដែលមានសក្តានុពល ក្នុងការដណ្តើមមេដាយជូនប្រទេសនាពេលកន្លងមកនិងអនាគត។ ក្រោមទំនាក់ទំនងល្អ ជាបងប្អូន រវាងកម្ពុជា ចិន កន្លងមក រដ្ឋាភិបាលចិនបានជួយកម្ពុជាលើគ្រប់វិស័យក្នុងនោះ រួមទាំងវិស័យកីឡាផងដែរ សមាគមប្តេជ្ញាចិត្តក្នុងការជួយ ឧបត្ថម្ភគាំទ្រដល់សហព័ន្ធវ៉ូវីណាម ដើម្បីសម្រេចបានទិសដៅនាពេលខាងមុខ៕

ដោយ ៖ វិសិទ្ធ