Connect with us

កីឡា

ការប្រកួតពូល B របស់កម្ពុជា ក្នុងស៊ីហ្គេម នៅវៀតណាម នឹងបើកឱ្យចូលទស្សនាដោយឥតគិតថ្លៃ

បានផុស

នៅ

អ្នកទស្សនា​នឹង​រីករាយ​ជាមួយ​សំបុត្រ​ឥតគិតថ្លៃ សម្រាប់​ការប្រកួត​បាល់​ទា​ត់បុរ​ស ក្នុង​ព្រឹត្តិការណ៍​កីឡា​អាស៊ីអាគ្នេយ៍​លើក​ទី​៣១ នៅ​កីឡដ្ឋាន Thien Truong សម្រាប់​ពូ​ល B ដែល​កម្ពុជា​ស្ថិតនៅ​។ នេះ​បើ​យោងតាម​ការចេញផ្សាយ​ដោយ​គេហទំព័រ​ផ្លូវការ​ស៊ី​ហ្គេម​២០២២ របស់​វៀតណាម​។

គណៈកម្មាធិការ​ខេត្ត ស្នើឱ្យ​មន្ទីរ​វប្បធម៌ កីឡា និង​ទេសចរណ៍ សម្របសម្រួល​ជាមួយ​មន្ទីរ អង្គភាព​នានា ដើម្បី​រៀបចំ​ផែន​ការធានា​សន្តិសុខ សុវត្ថិភាព និង​វិធាន​ការបង្ការ និង​ទប់ស្កាត់​ជំងឺ​កូ​វីដ​-១៩​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកទស្សនា​នឹង​ត្រួតពិនិត្យ​សីតុណ្ហភាព​របស់​ពួកគេ នៅពេល​ពួកគេ​មកដល់​កីឡដ្ឋាន ធ្វើ​អនាម័យ​ដៃ និង​ពាក់​ម៉ាស់​ក្នុងអំឡុងពេល​ប្រកួត​។

​កីឡដ្ឋាន Thien Truong ដែល​អាច​ផ្ទុក​មនុស្ស​បាន​ជាង ២០,០០០​នាក់ គឺជា​កន្លែង​សម្រាប់​ការប្រកួត​ក្នុង​ពូ​ល B ដែល​រួមមាន ថៃ ម៉ាឡេស៊ី សិង្ហ​បុរី កម្ពុជា និង​ឡាវ​។ ក្នុងការ​ប្រកួត​ដំបូង​នៃ​ពូ​ល​នេះ គឺ​នៅ​ថ្ងៃទី​០៧ ខែឧសភា សិង្ហ​បុរី ត្រូវ​ប៉ះ ឡាវ ហើយ​ថៃ ត្រូវ​ជួប ម៉ាឡេស៊ី ដោយឡែក​កម្ពុជា បើកឆាក​នៅ​ថ្ងៃទី​០៩​។

​ចំពោះ​ពូ​ល​របស់​ម្ចាស់ផ្ទះ​វៀតណាម តម្លៃ​សំបុត្រ​សម្រាប់​ការប្រកួត​បាល់ទាត់​វគ្គ​ចែក​ពូ​ល​នៃ​ស៊ី​ហ្គេម ត្រូវបាន​គេ​ទម្លាយ​ឲ្យ​ដឹង​ហើយនឹង​មានការ​កើនឡើង​ជា​ដំណាក់កាល ដោយ​អ្នកទស្សនា​នឹងត្រូវ ចំណាយ​ប្រាក់​ចំនួន ២០០,០០០​ដុង (​ប្រហាក់ប្រហែល ៨.៧១​ដុល្លារ​) ៣០០,០០០​ដុង (​ប្រហាក់ប្រហែល ១៣​ដុល្លារ​) ឬ ៥០០,០០០​ដុង (​ប្រហាក់ប្រហែល ២១.៧៧​ដុល្លារ​) ដើម្បី​ទស្សនា​ការប្រកួត​វគ្គ​ចែក​ពូ​ល​។ ដោយឡែក​ក្នុង​វគ្គ​ពាក់កណ្តាល​ផ្តាច់ព្រ័ត្រ តម្លៃ​សំបុត្រ​នឹងមាន​ដល់​ចំនួន ៣០០,០០០​ដុង​, ៤០០,០០០​ដុង និង ៦០០,០០០​ដុង (​ប្រហាក់ប្រហែល ២៦​ដុល្លារ​)។

អ្នកគាំទ្រ​កម្ពុជា ដែល​ស្នាក់ ធ្វើការ និង​រៀនសូត្រ នៅ​ប្រទេស​វៀតណាម អាច​ចូល​ទស្សនា​បាន​ដោយ​ឥតគិតថ្លៃ​តាម​ថ្ងៃ​ប្រកួត​ដូចជា ថ្ងៃទី​០៩ ជួប​ឡាវ ម៉ោង ៤​រសៀល​, ថ្ងៃទី​១១ ជួប​សិង្ហ​បុរី ម៉ោង ៤ រសៀល​, ថ្ងៃទី​១៤ ជួប​ថៃ ម៉ោង ៧​ល្ងាច និង​ថ្ងៃទី​១៦ ជួប​ម៉ាឡេស៊ី ម៉ោង ៤​រសៀល​៕

អត្ថបទ ​៖ មន្នី​រ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤០ នាទី មុន

អតីតសេដ្ឋិនី វៀតណាម ដែលរងការកាត់ទោសប្រហារជីវិត អង្វរតុលាការសុំ​ដកអគារមួយខ្នងទុកឲ្យកូនស្រី

ព័ត៌មានអន្ដរជាតិ៥២ នាទី មុន

កូនស្រីមហាសេដ្ឋីកាស៊ីណូ ហុងកុង ទម្លាយទាំងតូចចិត្តថា បានមរតកតិចជាងបងប្អូនផ្សេងទៀត

ជីវិតកម្សាន្ដ១ ម៉ោង មុន

ធ្លាយចចាមអារ៉ាមថា មេ MU ថៃ ត្រូវតុលាការចេញដីកាចាប់ខ្លួនពីបទឆបោក

ព័ត៌មានជាតិ២ ម៉ោង មុន

ទៅ​លេង​សៀមរាប​ ចាយត្រឹម ៥ ដុល្លារ ទទួល​​បទ​ពិសោធន៍​​ជិះ​កន្រ្តក​វិល​ខ្ពស់​បំផុត​ទី ៣ នៅ​អាស៊ាន

ព័ត៌មានជាតិ២ ម៉ោង មុន

គិត​ត្រឹម​ឆ្នាំ ២០២២ កម្ពុជាសម្រេចសាងសង់ផ្លូវសរុបបា​ន​ប្រវែងប្រមាណ ៦៦ ៧២៣​ គីឡូម៉ែត្រ

Sokha Hotels

ព័ត៌មានពេញនិយម