កីឡា
ពង្រួលកំពង់ស្ពឺលើកពាន Slamball ដោយមិនចាញ់១ប្រកួតសោះ
ការប្រកួតពានរង្វាន់ Slamball បានបិទបញ្ចប់ហើយកាលពីយប់មិញនេះ ក្រោយពីក្រុមជើងឯកបានទៅលើពង្រួលកំពង់ស្ពឺ យកឈ្នះលើក្រុមត្រីឆ្លាំងភ្នំពេញ ៣-២។
ការប្រកួតនៅវគ្គ Grand Final នេះពិតជាស្វិតស្វាញមែនទែន។ មុនឡើងប៉ះក្រុមពង្រួលកំពង់ស្ពឺនេះក្រុមភ្នំពេញ បានយកឈ្នះលើក្រុមដំរីសៀមរាបក្នុងលទ្ធផល ៣-១ មុនទៅហើយ។ តែគួរឱ្យសោកស្ដាយការប្រកួតនៅពេលព្រឹកនេះ បានធ្វើឱ្យភ្នំពេញបាត់ស្មាត់សំខាន់ ធី ម៉េងហ៊ួង មួយរូប ក្រោយពីមានបញ្ហារបួសកជើងទៅ។ កត្ដានេះហើយ ទើបភ្នំពេញប៉ះជាមួយកំពង់ស្ពឺហាក់ដូចជាមិនពេញសាច់នោះទេ ព្រោះបាត់ស្មាត់សំខាន់ម្នាក់។
តែទោះជាយ៉ាងនេះក្ដី ជំនួបផ្ដាច់ព្រ័ត្រដណ្ដើមពានមាស អមជាមួយប្រាក់រង្វាន់៥ ០០០ដុល្លារផងនោះគឺពិតជាជក់ចិត្តមែនទែន។ កំពង់ស្ពឺជាអ្នកនាំមុខមួយសិតមុន តែក៏ត្រូវភ្នំពេញតាមទៅតាមមក ដែលអូសការប្រកួតដល់សិតទី៥ឯណោះ។ នៅសិតចុងក្រោយនេះហើយ ក្រុមកំពង់ស្ពឺ ដែលមានយន់ រាជ ចិត្រ និងទូចអង្គរក្សធ្វើបានល្អជាង និងយកឈ្នះក្នុងលទ្ធផល ១៥-១២។ ចុងបញ្ចប់ ក្រុមជើងឯកពានរង្វាន់ Slamball បានទៅលើពង្រួលកំពង់ស្ពឺ យកឈ្នះភ្នំពេញ ៣សិតទល់នឹង២សិត។
អ្វីដែលកាន់តែពិសេសថែមទៀតនោះ តាំងពីប្រកួតរយៈពេល៣ខែនិងមាន៨ក្រុមចូលរួមនេះ ក្រុមរបស់លោក ឆាស្មីត ដែលគេហៅក្រៅថាអធិរាជកំពូលឆានោះ លេងមិនដែលចាញ់ក្រុមណានោះទេ។ ពួកគេបំបាក់ជើងខ្លាំងព្រៃវែង ដែលមាន ឌូក ក្ដី ហើយឈ្នះទាំងសៀមរាប ដែលមានបន្ទាយឈើ និងអធិរាជកំពូលបាំង វ៉ា ថែមទៀត មុនមកផ្ដល់មេរៀនដល់ភ្នំពេញ ដែលជាក្រុមធី ម៉េងហ៊ួង នេះ។
សម្រាប់ប្រាក់រង្វាន់និងលើកចិត្តមានដូចខាងក្រោម៖
លេខ១ ក្រុមពង្រួលកំពង់ស្ពឺ ទទួលបានមេដាយមាស និងប្រាក់រង្វាន់ ៥ ពាន់ដុល្លារ ស្រាបៀរ Anchor White ១៥កេស និង Anchor Smooth ១៥ កេស
លេខ២ ត្រីឆ្លាំងភ្នំពេញ ទទួលបានប្រាក់រង្វាន់ ៣ ពាន់ដុល្លារ Anchor White ១០ កេស និង Anchor Smooth ១០កេស
លេខ៣ ដំរីសៀមរាប ទទួលបានប្រាក់រង្វាន់ ១ ៥០០ដុល្លារ Anchor White ៥ កេស និង Anchor Smooth ៥ កេស៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ