សេដ្ឋកិច្ច
រដ្ឋមន្ត្រីក្រសួងកសិកម្មចុះពិនិត្យនិងវាយតម្លៃលក្ខណៈសម្បត្តិក្រុមហ៊ុនចំនួន៤ត្រៀមនាំចេញស្វាយកែវរមៀតស្រស់ពីកម្ពុជាទៅចិន
លោក វេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទនិងសហការីកាលពីថ្ងៃទី១៩ ខែធ្នូឆ្នាំ២០២០ បានចុះពិនិត្យ និងវាយតម្លៃលើវឌ្ឍនភាពរបស់ក្រុមហ៊ុនចំនួន០៤ដែលកំពុងត្រៀមលក្ខណសម្បត្តិ លើការងារបច្ចេកទេសឲ្យបានត្រឹមត្រូវ ឆ្លើយតបតាមលក្ខខណ្ឌតម្រូវភូតគាមអនាម័យសម្រាប់នាំចេញស្វាយកែវរមៀតស្រស់ពីកម្ពុជាទៅកាន់សាធារណរដ្ឋប្រជាមានិតចិន។
ក្រុមហ៊ុនចំនួន៤នោះរួមមានទី១- ក្រុមហ៊ុន Green Centric Farm Co.,Ltd ស្ថិត នៅស្រុកថ្ពង ខេត្តកំពង់ស្ពឺ ដែលបច្ចុប្បន្នមានផ្ទៃដីចំការស្វាយចំនួន២៧០ហិកតា មានស្វាយចំនួនជាង៤៦ ៣៥៦ដើម និងចំនួនជាង៣០០០ហិកតាទៀត បានចុះកិច្ចសន្យាជាមួយប្រជាកសិករនៅក្នុងតំបន់នេះ។
ក្រុមហ៊ុនបានសាងសង់បន្ទប់ត្រជាក់ ឃ្លាំងត្រជាក់ បន្ទប់សម្ងួតតត្រជាក់។ល។ ហើយក្រុមហ៊ុនបានត្រៀមលក្ខណសម្បត្តិរួចរាល់ ដើម្បីធ្វើការនាំចេញទៅកាន់ទីផ្សារចិននាពេលអនាគត។
ទី២- ក្រុមហ៊ុន បឹងកេត ហ្វេសហ្រ៊ូត ឯ.ក ដែលមានទីតាំងនៅតាមបណ្តោយផ្លូវជាតិលេខ៤ គីឡូម៉ែត្រលេខ៨២ ក្នុងឃុំត្រែងត្រយឹង ស្រុកភ្នំស្រួច។ បច្ចុប្បន្នក្រុមហ៊ុនបានដំណើរការសាងសង់រោងចក្រសម្រេចបានជាង៨០% ប៉ុន្តែជាបឋមដើម្បីឲ្យទាន់រដូវប្រមូលផលស្វាយ រោងចក្របានដាក់ឲ្យដំណើរការបណ្តោះអាសន្នសិន ដោយធ្វើការប្រមូលទិញផលិតផលស្វាយពីប្រជាកសិករដែលបានចុះកិច្ចសន្យាជាមួយក្រុមហ៊ុន។ បន្ទាប់ពី់រោងចក្រសាងសង់រួច វាមានលទ្ធភាពសំរិតសំរាំងគុណភាពនិងទំហំផ្លែស្វាយបានចំនួន១៥០- ២០០ តោន/ថ្ងៃ។
ទោះជាយ៉ាងណា ក្រុមហ៊ុនកំពុងញាប់ដៃញាប់ជើងធ្វើយ៉ាងណាឲ្យដំណើរការសាងសង់រោងចក្រសម្រេចឲ្យទាន់តាមផែនការ មុនក្រុមបច្ចេកទេសអញ្ជើញមកពីអគ្គនាយកដ្ឋានគយចិនចុះមកពិនិត្យនិងវាយតម្លៃចុងក្រោយក្នុងពេលឆាប់ៗខាងមុខ។
ទី៣- ក្រុមហ៊ុន Long Wo Agriculture (Cambodia) ដែលហេដ្ឋារចនាសម្ព័ន្ធក្រុមហ៊ុននេះក៏មិនខុសពីក្រុមហ៊ុនពីរខាងដើមប៉ុន្មានដែរ ពោលគឺស្ទើរតែសាងសង់រួចរាល់ជាស្ថាពរ។ ប៉ុន្តែក្រុមហ៊ុននេះខុសពីក្រុមហ៊ុនមុនត្រង់ថាប្រព័ន្ធប្រព្រឹត្តិកម្មសម្លាប់សមាសភាពសត្វចង្រៃគឺប្រើទឹកក្តៅ(Hot Water Treatment)។ ក្រោយពេលរៀបចំតម្លើងឧបករណ៍ក្នុងរោងចក្រសព្វគ្រប់ វាអាចសំអាចស្វាយបានចំនួន១០០តោនក្នុង១ថ្ងៃ។ ក្នុងដំណាក់កាលដំបូង ឧបករណ៍និងសម្ភារភាគច្រើនត្រូវបាននាំ ចូលពីចិន ប៉ុន្តែអនាគតក្រុមហ៊ុននឹងតម្លើងរោងចក្រផលិតខ្លួនឯងដើម្បីកាត់បន្ថយថ្លៃដើមមានលទ្ធភាពប្រកួតប្រជែងក្នុងទីផ្សារ។ បច្ចុប្បន្ន ក្រុមហ៊ុនបានចុះកិច្ចសន្យាជាមួយកសិករ ប្រមូលទិញផ្លែស្វាយបាន ២៥ ០០០ដើម (ប្រហែលជាជាង ១០០ហ.ត) បន្ទាប់ពីរោងចក្រដាក់ឲ្យដំណើរការនិងបាននាំចេញទំហំផ្ទៃដីនឹងមានការកើនឡើងទ្វេដង។
ទី៤- ក្រុមហ៊ុន បាមីន អេហ្គ្រីខលឈ័រ ហាយ-ថេក ឌីវេឡុបមិន ឯ.ក ដែលមានទីតាំងស្ថិតនៅស្រុកកំពង់សិលា ខេត្តព្រះសីហនុ។ ក្រុមហ៊ុននេះមាន ៥០លានដុល្លារ ដើម្បីសង់រោងចក្រកែច្នៃវេចខ្ចប់ ឃ្លាំងស្តុក ខ្សែច្រវ៉ាក់ផលិតកម្ម និងប្រព័ន្ធសម្លាប់សមាសភាពសត្វចង្រៃដោយប្រើចំហាយទឹកក្តៅរោងតាំងផលិតផលកសិកម្ម អគារដ្ឋបាល សណ្ឋាគារសម្រាប់ភ្ញៀវរបស់ក្រុមហ៊ុន ផ្ទះស្នាក់នៅរបស់កម្មករ លើផ្ទៃដី៤ហិកតា ក្នុងចំណោមផ្ទៃដីសរុបចំនួន៥៧ហិកតា របស់ក្រុមហ៊ុន។ បច្ចុប្បន្ន ក្រុមហ៊ុនបានចុះកិច្ចសន្យាជាមួយកសិករបានចំនួន៦ ០០០ហិកតា ហើយគ្រោងដាំចំនួន១០០០០ហិកតាទៀត។ បើទោះជារោងចក្រមិនទាន់ដំណើរការ ប៉ុន្តែក្រុមហ៊ុនបាននិងកំពុងប្រមូលទិញផ្លែស្វាយពីកម្ពុជា នាំចេញទៅសម្អាត និងវេចខ្ចប់នៅប្រទេសវៀតណាម មុននាំចេញបន្តទៅប្រទេសចិន ជាមធ្យម៣០កុងតឺន័រក្នុង១ថ្ងៃ ហើយអាចឈានទៅ៥០កុងតឺន័រ នៅរដូវប្រមូលផលខាងមុខ។
ក្រោយពេលម៉ាស៊ីន VHTតម្លើងរួចមានសមត្ថភាពសម្លាប់សមាសភាពសត្វចង្រៃបានចំនួន៤០០តោនក្នុង១ថ្ងៃ។ អនាគតក្រុមហ៊ុន នឹងរៀបចំឃ្លាំងស្តុក កន្លែងតាំងបង្ហាញកសិផលនិងផ្តល់សេវាសម្លាប់សមាសភាពសត្វចង្រៃជូនអតិថិជនទូទៅ។
ដោយមើលឃើញសក្តានុពលរបស់ក្រុមហ៊ុននីមួយៗក្នុងការប្រមូលទិញ កែច្នៃ វេចខ្ចប់ និងនាំចេញផ្លែស្វាយ និងផលិតផលស្វាយលោក វេង សាខុន បានវាយតម្លៃខ្ពស់លើសមិទ្ធផលដែលក្រុម ហ៊ុនសម្រេចបាន ហើយសង្ឃឹមថារាល់កិច្ចការដែលនៅសេសសល់ក្រុមហ៊ុននឹងខិតខំអនុវត្តឲ្យបានសម្រេចទាន់ផែនការគ្រោងទុកដើម្បីឲ្យទាន់សភាពការនៃការអនុវត្តខ្លឹមសារពិធីសារ ស្តី អំពី"លក្ខខណ្ឌតម្រូវភូតគាមអនាម័យសម្រាប់ការនាំចេញផ្លែស្វាយកម្ពុជាទៅកាន់ទីផ្សារចិន"។
លោករដ្ឋមន្ត្រីមានជំនឿមុតមាំថាផលិតផលស្វាយកែវរមៀតរបស់កម្ពុជានឹងមានឱកាសបង្ហាញខ្លួននៅលើទីផ្សារចិននាពេលឆាប់ៗខាងមុខ៕
អត្ថបទ ៖ សំអឿន
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១០ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ