ព័ត៌មានអន្ដរជាតិ
ម៉ាឡេស៊ី ផ្អាកការរុករកយន្តហោះ MH370 បណ្ដោះអាសន្ន
រដ្ឋមន្ត្រីដឹកជញ្ជូនម៉ាឡេស៊ី បានប្រាប់ថា ប្រតិបត្តិការរុករកយន្តហោះ MH370 ម្ដងទៀតត្រូវបានផ្អាកជាបណ្ដោះអាសន្នសិន ក្រោយជើងហោះហើររបស់ក្រុមហ៊ុនអាកាសចរណ៍ម៉ាឡេស៊ីអ៊ែរឡាញនេះបានបាត់ដំណឹងអស់រយៈពេលជាងមួយទសវត្សរ៍កន្លងមក។
លោក Anthony Loke បាននិយាយនៅថ្ងៃព្រហស្បតិ៍ថ្ងៃទី៣ខែមេសាថា៖ «ពួកគេបានបញ្ឈប់ប្រតិបត្តិការនៅពេលនេះ។ ពួកគេនឹងបន្តការស្វែងរកនៅចុងឆ្នាំ» ដោយបន្ថែមថា ឥឡូវនេះមិនមែនជាពេលវេលាល្អនោះឡើយ ព្រោះតែកត្តាបម្រែបម្រួលអាកាសធាតុ។
យន្តហោះ MH370 ដែលដឹកមនុស្ស ២៣៩នាក់ បានបាត់ពីប្រព័ន្ធរ៉ាដា កាលពីថ្ងៃទី៨ខែមីនាឆ្នាំ២០១៤ ខណៈពេលដែលកំពុងធ្វើដំណើរពីទីក្រុងកូឡាឡាំពួរទៅកាន់ទីក្រុងប៉េកាំង។
ទោះបីជាមានការស្វែងរកដ៏ធំបំផុតក្នុងប្រវត្តិសាស្ត្រអាកាសចរណ៍ក៏ដោយ យន្តហោះនេះមិនត្រូវបានរកឃើញទេ។
កាលពីខែកុម្ភៈ លោក Loke បានប្រាប់អ្នកសារព័ត៌មានថា ក្រុមហ៊ុន Ocean Infinity នឹងដាក់ពង្រាយកប៉ាល់រុករកយន្តហោះ MH370។ ការស្វែងរកថ្មីធ្វើឡើងលើគោលការណ៍ «រកមិនឃើញ មិនគិតលុយ» ដូចគ្នានឹងការស្វែងរកពីមុនរបស់ក្រុមហ៊ុន Ocean Infinity ដោយរដ្ឋាភិបាលម៉ាឡេស៊ីនឹងចំណាយប្រាក់លុះត្រាណាទាល់តែរកឃើញយន្តហោះ MH370។
ម៉ាឡេស៊ីនឹងបង់ប្រាក់ចំនួន ៧០លានដុល្លារដល់ក្រុមហ៊ុន បើយន្តហោះត្រូវបានរកឃើញ។
Ocean Infinity ដែលមានមូលដ្ឋាននៅចក្រភពអង់គ្លេស និងសហរដ្ឋអាមេរិក បានធ្វើការស្វែងរក MH370 មិនបានសម្រេចក្នុងឆ្នាំ២០១៨។ កិច្ចខិតខំប្រឹងប្រែងដំបូងរបស់ក្រុមហ៊ុន បានធ្វើឡើងបន្ទាប់ពីការស្វែងរកដ៏ធំដែលដឹកនាំដោយអូស្ត្រាលីដែលមានរយៈពេលរហូតដល់៣ឆ្នាំ មុនពេលត្រូវផ្អាកនៅក្នុងខែមករាឆ្នាំ២០១៧។
ការស្វែងរកដែលដឹកនាំដោយអូស្ត្រាលី បានគ្របដណ្តប់លើផ្ទៃដី ១២ម៉ឺនគីឡូម៉ែត្រការ៉េ នៅក្នុងមហាសមុទ្រឥណ្ឌា ប៉ុន្តែស្ទើរតែមិនបានរកឃើញដាននៃយន្តហោះនោះទេ ដោយមានតែបំណែកកម្ទេចកម្ទីខ្លះប៉ុណ្ណោះដែលរើសបាន៕
ដោយ៖ ឈាង
ចុចអាន៖ ១១ឆ្នាំក្រោយបាត់ដំណឹង ប្រតិបត្តិការរុករកយន្តហោះ MH370 បានចាប់ផ្ដើមម្ដងទៀតហើយ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ