កូវីដ-១៩
អត្រាឆ្លងជំងឺកូវីដនៅស្រុកស្រែអំបិល ថយចុះច្រើន ក្រោយវិធានការទប់ស្កាត់
ស្ថានភាពនៃការរកឃើញករណីថ្មីឆ្លងកូវីដនៅក្នុងឃុំចំនួន៣ បានថយចុះច្រើនគួរឱ្យកត់សម្គាល់ បន្ទាប់ពីមានវិធានការទប់ស្កាត់បានទាន់ពេលវេលាជាង១០ថ្ងៃមកនេះ។ តាមការបញ្ជាក់របស់លោកអភិបាលរង និងមន្ត្រីសុខាភិបាលស្រុកស្រែអំបិល។
ប្រាប់កម្ពុជាថ្មីរសៀលថ្ងៃទី១ ខែមិថុនា ឆ្នាំ២០២១លោក ហុង ប្រុស អភិបាលរងស្រុកស្រែអំបិល និងលោកវេជ្ជបណ្ឌិត ហូ សុខហួន ប្រធានមន្ទីរពេទ្យបង្អែកស្រុក លើកឡើងស្រដៀងគ្នាថា ២ថ្ងៃនេះ អ្នកជំងឺកូវីដទាំង៩៨នាក់ មានអាការៈសុខភាពមិនធ្ងន់ធ្ងរអ្វីទេ ដោយអាចគ្រប់គ្រងពិនិត្យព្យាបាលបានយ៉ាងយកចិត្តទុកដាក់ខ្ពស់បំផុតពីក្រុមគ្រូពេទ្យ។ លោកវេជ្ជបណ្ឌិត ហូ សុខហួន និយាយទៀតថា មិនយូរនោះទេ ក្នុងចំណោមអ្នកជំងឺខាងលើអាចថាស្អែកអ្នកជំងឺកូវីដចំនួន១៣នឹងប្រកាសជាសះស្បើយ និងអនុញ្ញាតឱ្យវិលត្រឡប់ទៅលំនៅឋានវិញ ក៏ប៉ុន្តែតែទាមទារឱ្យអនុវត្តវិធានការសុខាភិបាលបន្ថែម។
ទីតាំងព្យាបាលអ្នកកូវីដនៅស្រុកស្រែអំបិល មានចំនួន២កន្លែង គឺទី១នៅមន្ទីរពេទ្យបង្អែកស្រុក និងទីនៅមណ្ឌលព្យាបាលវិទ្យាល័យចំនួន២អគារ។ ចំណែកលោក ហុង ប្រុស អភិបាលរងស្រុកស្រែអំបិល គូសបញ្ជាក់ដែរថា ទោះបីជាស្ថានភាពនៃការរកឃើញអ្នកឆ្លងថយចុះ២ថ្ងៃក៏ដោយ ប៉ុន្តែអាជ្ញាធរនៅតែបង្កើនណែនាំទប់ស្កាត់អំពីវិធីបង្ការខ្លួន ដើមជៀសផុតពីជំងឺដ៏កាចសាហាវមួយនេះបន្តទៀត។ កន្លងទៅ រដ្ឋបាលស្រុក សហការជាមួយក្រុមមន្ត្រីជំនាញ ក៏បានយកនូវគ្រឿងឧបរិភោគមួយចំនួនចែកជូនពលរដ្ឋធ្វើចត្តាឡីស័កនៅតាមខ្នងផ្ទះ
ក្នុងកិច្ចប្រជុំកែសម្រួលតំបន់ប្រឈមឆ្លងរីករាលដាលជំងឺកូវីដ១៩នៅស្រុកស្រែអំបិល ត្រូវបានលោក ទូ សាវុធ អភិបាលរងខេត្តកោះកុង នៅតែបន្តបិទរាំងខ្ទប់មិនឱ្យចរាចរណ៍ចេញចូលក្នុងភូមិចំនួន៣នៅស្រុកស្រែអំបិល ទោះបីជាអត្រារកឃើញអ្នកឆ្លងជំងឺកូវីដថយចុះក៏ដោយ។
ដំណើរបិទចរាចរណ៍នេះដែរ ធ្វើឡើងរយៈពេល១៤ថ្ងៃចាប់ថ្ងៃទី១ ខែមិថុនាតទៅ ហើយគឺបិទតែចំណុចតូចៗដែលប្រឈមប៉ុណ្ណោះពុំមែនបិទទាំងមូលឡើយ ស្របពេលអាជ្ញាធរគ្រប់គ្រងស្ថានការណ៍ទប់ស្កាត់ល្អប្រសើរ។ ដោយឡែកភូមិ ភូមិសារាយ ភូមិត្រពាំង ភូមិជ្រោយស្វាយ នៅតែរឹតបន្តឹងការពិនិត្យធ្វើចត្តាឡីស័កតាមវិធានការសុខាភិបាល។ រាល់ការបើកឱ្យចេញចូលភូមិដូចធម្មតាលុះ លោក ទូ សាវុធ អះអាងទៀតថា លុះត្រាអ្នកជំងឺជាសះស្បើយ និងលែងរកឃើញអ្នកឆ្លងថ្មី ទើបជូនដំណឹងតាមក្រោយ៕
អត្តបទ៖ សិរីវឌ្ឍនៈ
សូមចុចអាន៖ ខេត្តប៉ៃលិនត្រៀមទីតាំងបូជាសពសម្រាប់អ្នកស្លាប់ដោយជំងឺកូវីដ-១៩រួចរាល់ហើយ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ