រតនគិរី រកឃើញអ្នកវិជ្ជមានកូវីដ ២៧ នាក់បន្ថែមទៀត កើនដល់ ៥៣២ ករណី និងស្លាប់ ៤ នាក់

រដ្ឋបាលខេត្ត រតនគិរី បានចេញសេចក្តីប្រកាសព័ត៌មាន បញ្ជាក់អំពីករណីរកឃើញអ្នកឆ្លងជំងឺកូវីដ ១៩ ចំនួន ២៧នាក់ នៅថ្ងៃទី២ ខែកក្កដា ឆ្នាំ២០២១។ នេះបើតាមរដ្ឋបាលខេត្តរតនគិរីចេញសេចក្តីប្រកាសព័ត៌មាន នៅថ្ងៃទី​ ៣ ខែកក្កដា ឆ្នាំ ២០២១ ដែលកម្ពុជាថ្មី ទទួលបាននៅព្រឹកថ្ងៃដដែលនេះ។

ក្រុមការងារឆ្លើយតបបន្ទាន់ មន្ទីរសុខាភិបាលនៃរដ្ឋបាលខេត្តរតនគិរី បានខិតខំបន្តស្រាវជ្រាវនិងរកឃើញអ្នកវិជ្ជមានកូវីដ១៩ ចំនួន ២៧ នាក់ថ្មីបន្ថែមទៀត។

អ្នកវិជ្ជមានខាងលើធ្លាប់បានប៉ះពាល់ផ្ទាល់ជាមួយអ្នកវិជ្ជមាន ដែលបានរកឃើញកន្លងមក ដោយតម្រូវឲ្យបុគ្គលទាំងនោះធ្វើតេស្តសំណាក់និងមួយចំនួនទៀតមានអាការមិនស្រួលខ្លួន បានស្ម័គ្រចិត្តធ្វើតេស្តសំណាក (Rapid Test) ជាលទ្ធផលក្នុងចំណោមសំណាកចំនួន ៥៧០ នាក់ រកឃើញវិជ្ជមានកូវីដ ១៩ ចំនួន ២៧ នាក់។

គិតត្រឹមថ្ងៃទី៣ ខែកក្កដា ឆ្នាំ ២០២១ នៅក្នុងខេត្តរតនគិរី រកឃើញអ្នកវិជ្ជាមានជំងឺ សរុប ៥៣២ នាក់ ព្យាបាលជាសះស្បើយ ៦១ នាក់ និងស្លាប់ ៤ នាក់៕

អត្ថបទ៖ វុទ្ធឦសាន