តារាកំប្លែងល្បីឈ្មោះខ្មែរសុរិន្ទម្នាក់ស្លាប់ ពេទ្យពិនិត្យមានរលាកសួតកម្រិតធ្ងន់

មហាជន និង អ្នកគាំទ្ របានបង្ហាញការសោកស្តាយ ក្រោយទទួលដំណឹង នៃការស្លាប់របស់តារាកំប្លែងល្បីឈ្មោះខ្មែរសុរិន្ទម្នាក់ ដោយសារជំងឺមេរោគក្នុងសរសៃឈាម និង រលាកសួតកម្រិតធ្ងន់។

តារាកំប្លែងដ៏ល្បីឈ្មោះរបស់ខ្មែរសុរិន្ទរូបនេះ មានឈ្មោះ Baby boy (សុធិត អាចហានយិញ) ដោយលោកបានទទួលមរណភាព កាលពីថ្ងៃទី ២៥ ខែកក្កដា ឆ្នាំ ២០២១ កន្លងទៅ ក្នុងវ័យ ៣៤ ឆ្នាំ។

បើតាមប្រភពព័ត៌មានពីមិត្តភ័ក្ដិបានបញ្ជាក់ថា មុនពេលស្លាប់ Baby boy មានអាការឈឺនៅត្រង់ចំណុចដើមទ្រូងខ្លាំង ហើយក៏បានបញ្ជូនទៅមន្ទីពេទ្យភ្លាមៗ។ បន្ទាប់ពីពិនិត្យរួចឃើញថា សួតរបស់លោកមួយចំហៀងរលាកខ្លាំង និង រងការខូចកម្រិតធ្ងន់។

ប្រភពបានបន្ថែមថា ដោយសារតែជំងឺធ្ងន់ធ្ងរពេក ទើបក្រុមគ្រូពេទ្យមិនអាចជួយសង្គ្រោះជីវិតតារាកំប្លែងលោក Baby boy បានឡើយ។ តាមរយ:ដំណឹងនេះ បានធ្វើឲ្យមហាជនជាច្រើនសម្តែងការសោកស្តាយ និងចូលរួមរំលែកទុក្ខគ្រប់គ្នា៕

អត្ថបទ ៖ ចាន់រ៉ា