ព័ត៌មានអន្ដរជាតិ
SpaceX គ្រោងបង្កើតស្ថានីយផ្កាយរណបលើដី Starlink នៅវៀតណាម
ក្រុមហ៊ុនអវកាស SpaceX របស់លោក អេឡុន ម៉ាសក៍ កំពុងរៀបចំដីបង្កើតស្ថានីយផ្កាយរណបលើដី Starlink មួយកន្លែងនៅក្នុងប្រទេសវៀតណាម ខណៈមានគម្រោងដាក់ពង្រាយជាច្រើនកន្លែងផ្សេងទៀត។
សារព័ត៌មានរ៉យទ័រ បានរាយការណ៍ពីព័ត៌មាននេះដោយស្រង់សម្ដីប្រភព ២ រូប ដែលឱ្យដឹងថា គម្រោងនាពេលបច្ចុប្បន្ននេះ នឹងជួយសម្រួលដល់ការបើកប្រតិបត្តិការអ៊ិនធឺណិតពីផ្កាយរណបរបស់ Starlink ក៏ដូចជាជួយអាជ្ញាធរវៀតណាម ក្នុងការត្រួតពិនិត្យចរាចរណ៍អ៊ិនធឺណិត។
លទ្ធភាពនៃការវិនិយោគរបស់ SpaceX លេចចេញកាន់តែច្បាស់ឡើង ក្រោយវៀតណាមសម្រេចអនុញ្ញាតឱ្យ Starlink ប្រតិបត្តិការក្រោមកម្មវិធីសាកល្បង ៥ ឆ្នាំ ដោយទម្លាក់ចោលនឹងការរឹតបន្តឹងរបស់រដ្ឋាភិបាល ហើយបើកផ្លូវឱ្យលោក ម៉ាសក៍ មានសិទ្ធិពេញលេញក្នុងការគ្រប់គ្រងប្រតិបត្តិការក្នុងស្រុកវៀតណាម ចំពេលប្រទេសនេះមានហានិភ័យពីគោលនយោបាយគយរបស់ប្រធានាធិបតីអាមេរិក លោក ដូណាល់ ត្រាំ។ កន្លងមក ច្បាប់វៀតណាមហាមឃាត់ក្រុមហ៊ុនអ៊ិនធឺណិតបរទេស ពីការគ្រប់គ្រងប្រតិបត្តិការពេញសិទ្ធិដោយខ្លួនឯង។
វៀតណាមបានស្នើឱ្យក្រុមហ៊ុន SpaceX បង្កើតស្ថានីយផ្កាយរណបលើដីយ៉ាងហោចណាស់ ១ កន្លែង នៅក្នុងប្រទេសវៀតណាម។ នេះបើយោងតាមការសម្រេចចិត្តរបស់នាយករដ្ឋមន្ត្រីវៀតណាម ចុះថ្ងៃទី ២៣ ខែមីនា។
ស្ថានីយនោះ អាចចាប់ផ្ដើមដំណើរការបាននៅដើមខែឧសភា ឬខែមិថុនា ក្នុងទីក្រុងដាណាង នាភាគកណ្តាលរបស់ប្រទេសវៀតណាម ហើយវាអាចជាផ្នែកមួយនៃបណ្តាញស្ថានីយរហូត ១៥ កន្លែង ទូទាំងប្រទេស ក្រោមផែនការរបស់ក្រុមហ៊ុន។ នេះបើតាមសម្ដីប្រភព២រូបដដែល ដែលសុំមិនបញ្ចេញឈ្មោះ។
មកទល់ពេលនេះ គេមិនច្បាស់ទេថាតើផែនការនេះ នឹងដំណើរការទៅមុខដែរឬទេ ប្រសិនបើលោក ត្រាំ ដាក់ពន្ធលើវៀតណាមក្នុងអត្រាខ្ពស់ ខណៈពន្ធឱ្យស្មើភាពគ្នារបស់លោក ដែលកំណត់គោលដៅលើគ្រប់ប្រទេសនោះ រំពឹងនឹងចូលជាធរមាននៅថ្ងៃពុធស្អែក។
ផែនការរបស់ SpaceX ដដែល នឹងធ្វើឱ្យវៀតណាមក្លាយជាប្រទេសមួយមានបណ្តាញអ៊ិនធឺណិតដ៏ធំរបស់ Starlink ដែលមានប្រតិបត្តិការក្នុងប្រទេស និងដែនដីជាង ១០០។ ក្រុមហ៊ុនមិនបង្ហាញថាតើខ្លួនមានស្ថានីយផ្កាយរណបលើដីប៉ុន្មានទេ ហើយក៏មិនមែនគ្រប់ប្រទេសទាំងអស់សុទ្ធតែមានស្ថានីយលើដី ដើម្បីភ្ជាប់ទំនាក់ទំនងផ្កាយរណប និងបញ្ជូនទិន្នន័យទៅកាន់អ្នកប្រើប្រាស់នោះដែរ៕
តម្លៃប្រេងកើនបន្តិចពេលបញ្ចប់ការជួញដូរ ជុំំវិញកង្វល់ការចរចានុយក្លេអ៊ែរអ៊ីរ៉ង់
លោក អ៉ឹម ជីវ៉ា ហួសចិត្តខ្លាំងក្រោយផ្សាយរឿងនាយ ភូ តែត្រូវក្រុមគ្រួសារប្រតិកម្ម
សឿ សុធារ៉ា ត្អូញទុក្ខលំបាកដែលរកបាយត្រឹម ៣ពេលមិនបាន ធ្វើឱ្យអតីតស្វាមី អាណិតនិងហៅឱ្យជួបជុំគ្នាវិញ
លោក ប៉ែន កុសល្យ ណែនាំក្រុមការងារចុះមូលដ្ឋានបន្តពង្រីកសមាជិក រក្សាសាមគ្គីភាពផ្ទៃក្នុង
មន្ទីរបញ្ចកោណ ចេញមុខបញ្ជាក់អំពីរបាយការណ៍ពាក់ព័ន្ធនឹងការដកទ័ពអាមេរិកពីកូរ៉េខាងត្បូង
កូរ៉េខាងជើង យកតង់បាំងនាវាចម្បាំងដែលលិច
ធ្លាក់យន្តហោះនៅ San Diego រដ្ឋកាលីហ្វ័រញ៉ា សម្លាប់មនុស្ស៦នាក់រួមទាំងតន្ត្រីករល្បី
សម្ដេច ហ៊ុន ម៉ាណែត បញ្ជាឱ្យទប់ស្កាត់ការនាំចូលទុរេនគីមី និងផ្អាកការនាំចូលសាច់គោសិន ព្រោះជំងឺឆ្លង
អាកាសយានដ្ឋានអន្តរជាតិតេជោ លើកពេលបើកដំណើរការទៅដើមខែកញ្ញា
នគរបាលកម្ពុជាកំពុងកសាងនីតិវិធីសហការជាមួយថៃចាប់ខ្លួនសកម្មជនប្រឆាំងម្នាក់
-
ចរាចរណ៍៧ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម៥ ថ្ងៃ agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
សន្តិសុខសង្គម៣ ថ្ងៃ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ព័ត៌មានជាតិ៤ ថ្ងៃ agoអតីតភិក្ខុសង្ឃល្បីឈ្មោះ៥រូប កំពុងកាន់តំណែងជាន់ខ្ពស់ក្នុងស្ថាប័នរដ្ឋ
-
សន្តិសុខសង្គម៤ ថ្ងៃ agoកម្មករ-កម្មការិនីរោងចក្រប្រមាណ ២៥០ នាក់ តវ៉ាបិទផ្លូវ ២១៧ ខណ្ឌដង្កោ ដោយសំណូមពរ ៥ ចំណុច
-
ព័ត៌មានជាតិ៦ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
ព័ត៌មានអន្ដរជាតិ១៧ ម៉ោង agoកូរ៉េខាងជើង យកតង់បាំងនាវាចម្បាំងដែលលិច
-
កីឡា១ សប្តាហ៍ agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក