កីឡា
ឈ្នះមេដាយមាសពាន RTNK កញ្ញា លឿង ម៉ាលីនិច ចង់ឃើញក្រុមហ៊ុនឯកជនចូលរួមឧបត្ថម្ភកីឡាវាយសីកាន់តែច្រើន
ការប្រកួតកីឡាវាយសីពានរង្វាន់ RTNK ត្រូវបានកីឡាការិនី លឿង ម៉ាលីនិច ម្ចាស់មេដាយមាស និងអ្នកស្រី ជា ខេង ម្តាយរបស់កីឡាការិនី នីតា ជូលី ម្ចាស់មេដាយប្រាក់ចាត់ទុកជាកម្មវិធីប្រកួតដ៏សំខាន់មួយដែលរួមចំណែកជួយជំរុញកីឡាវាយសីនៅកម្ពុជា ប៉ុន្តែអ្នកទាំងពីរចង់ឃើញក្រុមហ៊ុនឯកជនចូលឧបត្ថម្ភគាំទ្រកាន់តែច្រើន។
កីឡាការិនី លឿង ម៉ាលីនិច ដែលបានឈ្នះមេដាយមាសលើវិវិញ្ញាសាវាយគូបុរស-នារី កាលពីថ្ងៃអាទិត្យ ទី៣០ ខែមីនា ឆ្នាំ២០២៥ បានលើកឡើងថា កញ្ញាដែលបានហ្វឹកហាត់កីឡាវាយសីរយៈពេល៨ឆ្នាំបានសម្លឹងឃើញយុវជនជាច្រើនចូលចិត្តលេងកីឡាវាយសី។ ប្រការនេះចាត់ទុកថា កម្ពុជាមានធនធានកីឡាករ កីឡាការិនីច្រើន។
ម៉ាលីនិច បានលើកឡើងថា ការបង្កើតមានកម្មវិធីប្រកួតច្រើនគឺជារឿងសំខាន់ដែលផ្តល់ឱកាសឲ្យយុវជនទទួលបានឱកាសបង្កើនសមត្ថភាព ហើយជៀសឆ្ងាយពីអំពើមិនល្អផ្សេងៗ។ នៅពេលពួកគាត់បានចូលរួមប្រកួតគឺជាពេលដែលពួកគាត់ដឹងពី សមត្ថភាពខ្លួនឯង បើទោះបីជាពួកគាត់មិនទាន់ក្លាយជាអ្នកលេងអាជីព ប៉ុន្តែក៏ជាផ្នែកមួយជួយបង្កើនធន់ធានអ្នកលេងកីឡាវាយសីកាន់តែច្រើន។
កីឡាការិនីបាននិយាយថា ៖«នៅកម្ពុជាយើង ការហ្វឹកហាត់នៅមានកម្រិតទាបជាងនៅក្រៅប្រទេស ដូច្នេះហើយបានជាពេលយើងចេញទៅប្រកួតនៅក្រៅប្រទេសគឺជួបការលំបាកក្នុងការទប់ទល់ជាមួយសមត្ថភាពរបស់គេ។ យើងខ្វះខាតច្រើនគឺ ខ្វះខាតអ្នកជំនាញ ធនធាន និងថវិកា»។
ជាមួយគ្នានេះ អ្នកស្រី ជា ខេង ដែលជាម្តាយរបស់កីឡាការិនី នីតា ជូលី បានប្រាប់សារព័ត៌មាន«កម្ពុជាថ្មី»ដែរថា សព្វថ្ងៃនេះ កម្ពុជាមានអ្នកចូលចិត្តលេងកីឡាវាយសីច្រើនចាប់តាំងពីវ័យក្មេងរហូតដល់មនុស្សធំពេញវ័យ តែគុណភាពកីឡាវាយសីកម្ពុជាទាបជាងបណ្តាប្រទេសនៅក្នុងតំបន់។
អ្នកស្រីបានលើកឡើងថា ៖«យើងសំបូរធនធានហើយ តែមិនសូវមានកម្មវិធីប្រកួតផ្លូវការច្រើនទេ។ យើងឃើញកីឡាប្រដាល់គុនខ្មែរសំបូរក្រុមហ៊ុនឯកជនឧបត្ថម្ភគាំទ្រច្រើនណាស់។ ប្រសិនបើមានក្រុមហ៊ុនឯកជនចូលរួមឧបត្ថម្ភ រៀបចំការប្រកួតកីឡាវាយសីច្រើន នោះកីឡានេះនឹងខ្លាំងប្រកួតប្រជែងឈានដល់កម្រិតអន្តរជាតិបាន»។
ការប្រកួតកីឡាវាយសីពានរង្វាន់ RTNK លើកទី១ពីថ្ងៃទី២៩-៣០ ខែមីនា ឆ្នាំ២០២៥ មានកីឡាករ កីឡាការិនីចំនួន៥០ក្រុមបានចូលរួមប្រកួតប្រជែងលើ៤វិញ្ញាសាគឺ ១. វិញ្ញាសាវាយគូក្រោមអាយុ១៦ឆ្នាំ, ២. វិញ្ញាសាវាយគូក្រោមអាយុ២៥ឆ្នាំ ៣. វិញ្ញាសាគូបុរស-នារី និង៤.វិញ្ញាសាវាយគូអាយុ២៥ឆ្នាំឡើង។
ជ័យលាភីលេខ១ទទួលបានមេដាយមាស រ៉ាកែត និងប្រាក់រង្វាន់១លានរៀល។ ជ័យលាភីលេខ២ទទួលបានមេដាយប្រាក់ ស្បែកជើងម្នាក់១គូ និងប្រាក់រង្វាន់៨ម៉ឺនរៀល និងជ័យលាភីលេខ៣ទទួលបានមេដាយសំរិទ្ធ កាបូបម្នាក់១ និងប្រាក់រង្វាន់៦០ម៉ឺនរៀល ព្រមទាំងមានមេដាយសំរិទ្ធស្ទួនទាំង៤វិញ្ញាសាផងដែរដែលពិធីបិទ-បំពាក់មេដាយក្រោមអធិបតីភាពលោកឧកញ៉ា ឈៀង សុវណ្ណរតនៈ អ្នកបង្កើតឲ្យមានកម្មវិធីប្រកួតពានរង្វាន់នេះឡើង៕
អត្ថបទ៖ វីរបុត្រ
ទិវាចងចាំនឹងប្រារព្ធឡើង ក្នុងកម្រិតធំជាងឆ្នាំមុន ដោយមានអង្គទូត និង ពលរដ្ឋចូលរួមជិត១ម៉ឺននាក់
កូនស្វាដ៏កម្រ ស្ទើរផុតពូជ៣ក្បាល ត្រូវពលរដ្ឋសង្រ្គោះរួចប្រគល់ជូនជំនាញមន្ទីរបរិស្ថាន
ដំណើរជិះកង់សប្បុរសធម៌ តារារិទ្ធ ត្រូវចាត់ទុកជាបេសកកម្មដ៏មានតម្លៃ និងបានការយកចិត្តទុកដាក់ពីរដ្ឋមន្ត្រីព័ត៌មាន
ខេត្តភូកេតប្រទេសថៃប្រកាសអាសន្នទឹកជំនន់
ប៉ូលិសថៃចាប់ខ្លួនស្ត្រីឡាវនៅព្រំដែនពីបទរត់ពន្ធថ្នាំញៀន១៤ម៉ឺនគ្រាប់
រតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
រថយន្តក្រុងរដ្ឋដឹកអ្នកដំណើរជាង៥០នាក់ ធ្លាក់ចូលជ្រលងភ្នំនៅស្រីលង្កា មិនទាន់ដឹងមូលហេតុ
ហ្សេលេនស្គី ព្រមជួបពូទីន ទល់មុខ នៅតួកគី តែមានលក្ខខណ្ឌមួយ
ពលរដ្ឋ ថា ទុរេនមួនថងវៀតណាម លក់ជាច្រើនកន្លែងក្នុងខេត្តត្បូងឃ្មុំ តែគ្មានការត្រួតពិនិត្យ
រុស្ស៊ីប្រើដ្រូនជាង១០០គ្រឿងវាយអ៊ុយក្រែន មិនខ្វល់ពីការគំរាមនិងបទឈប់បាញ់អឺរ៉ុប
-
ព័ត៌មានអន្ដរជាតិ៦ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ជីវិតកម្សាន្ដ២ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ព័ត៌មានជាតិ៤ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានអន្ដរជាតិ៦ ថ្ងៃ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ៥ ថ្ងៃ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៧ ថ្ងៃ agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានអន្ដរជាតិ៤ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
-
ព័ត៌មានអន្ដរជាតិ៥ ថ្ងៃ agoរឿងកាន់តែធំ! ប៉ាគីស្ថាន ថា ជនស៊ីវិលស្លាប់កើនដល់៣១នាក់ ខណៈយន្តហោះមួយគ្រឿងធ្លាក់នៅ ឥណ្ឌា