ជីវិតកម្សាន្ដ

អេន ជី លក់សំលៀកបំពាក់ផ្ទាល់ខ្លួនយកប្រាក់បរិច្ចាគដល់ មន្ទីរពេទ្យ សង្គ្រោះកុមារ២នៅកម្ពុជា

បានផុស

២ years មុន

នៅ

ថ្ងៃព្រហស្បតិ៍ ២១ តុលា ២០២១

ដោយ

មហាជនផ្ទុះការសរសើរ និងគាំទ្រអតីតតារាចម្រៀងអ្នកនាង អេន ជី ដែលបានសម្រេចបរិច្ចាគថវិកាបានមកពីការលក់សំលៀកបំពាក់មួយទឹកជិត២ពាន់ដុល្លារជួយដល់មន្ទីរពេទ្យសង្គ្រោះកុមារ២ នៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទង្វើរនេះត្រូវបានទស្សនិកជន និងអ្នកប្រើប្រាស់បណ្តាញសង្គមហ្វេសប៊ុកចាត់ទុកថា ជាសកម្មភាពមនុស្សធម៌ដ៏គំរូល្អមួយក្នុងការងារចូលរួមចំណែកជួយដល់សង្គម។ ពិសេសគឺការជួយសង្គ្រោះជីវិតកុមាររាប់ពាន់នាក់ដែលពឹងផ្នែកលើសេវាព្យាបាលរបស់មន្ទីរពេទ្យទាំងពីរនេះ។

មន្ទីរពេទ្យ ចំនួន២ដែលអតីតតារាចម្រៀង អេន ជី បរិច្ចាគថវិការជួយនោះ គឺមន្ទីរពេទ្យគន្ធបុប្ផា និងមន្ទីរពេទ្យកុមារអង្គរ ខេត្តសៀមរាប។ អ្នកនាង អេន ជី បានលើកឡើងថា ទឹកប្រាក់១១១១ដុល្លារ សម្រាប់មន្ទីរពេទ្យគន្ធបុប្ផា និង៥៥៥ដុល្លារ សម្រាប់មន្ទីរពេទ្យកុមារអង្គរ។

អ្នកនាង អេន ជី បាននិយាយថា នេះជាទឹកចិត្តបន្តិចបន្តូចពីនាងខ្ញុំ និងក្រុមគ្រួសារដើម្បីចូលរួមរក្សានិរន្តភាពនៃកិច្ចដំណើរការបស់មន្ទីរពេទ្យគន្ធបុប្ផា នឹងមន្ទីរពេទ្យកុមារអង្គររបស់ព្រះរាជាណាចក្រកម្ពុជាក្នុងគោលដៅរួមតែមួយ គឺក្នុងការជួយសង្គ្រោះកុមារនៅកម្ពុជា៕

អត្ថបទ៖ ចាន់រ៉ា