ឆ្នាំ២០២០ កូរ៉េខាងជើងមានក្បាលគ្រាប់នុយក្លេអ៊ែរជាង ៦០ មីស៊ីលទំនើប ៦៥០គ្រាប់ និង​ទាហានជាង ១លាននាក់
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ឆ្នាំ២០២០ កូរ៉េខាងជើងមានក្បាលគ្រាប់នុយក្លេអ៊ែរជាង ៦០ មីស៊ីលទំនើប ៦៥០គ្រាប់ និង​ទាហានជាង ១លាននាក់

បានផុស

នៅ

កូរ៉េខាងជើង មក​ត្រឹម​ឆ្នាំ ២០២០ នេះ ត្រូវ​គេ​ជឿថា យ៉ាង​ហោចណាស់​ពួកគេ​មាន​ក្បាល​គ្រាប់នុយក្លេអ៊ែរជាង ៦០គ្រាប់ គ្រប់​គ្រាន់​អាច​គំរាម​កំហែង​ដល់​សន្តិសុខក្នុង​តំបន់។ នេះ​បើ​តាម​របាយការណ៍​ស្រាវជ្រាវ នៃសាកលវិទ្យាល័យការពារ​ជាតិ​អាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិទ្យាស្ថានសិក្សា​ពីយុទ្ធសាស្ត្រជាតិអាមេរិក នៃសកល​វិទ្យាល័យការពារ​ជាតិ បាន​បញ្ជាក់​ក្នុង​ការ​វាយ​តម្លៃ​យុទ្ធសាស្ត្រ ២០២០ រប​ស់ខ្លួន កូរ៉េខាងជើង គឺកំពុង​កាន់​កាន់​ក្បាល​គ្រាប់​នុយក្លេអ៊ែរចន្លោះពី ១៥-៦០ គ្រាប់ និង​មីស៊ី​បាលីស្ទីក យ៉ាងហោចណាស់ក៏ ៦៥០គ្រាប់​ដែរ ហើយ​មីស៊ីលទាំង​នេះ មាន​លទ្ធភាព​វាយ​ប្រហារចំគោលដៅ​គ្រប់​បណ្តាទីក្រុងសំខាន់ៗ​ទាំង​អស់​របស់​កូរ៉េខាងត្បូង ជប៉ុន ក៏​ដូច​ជាភាគ​ខាងកើត​ប្រទេស​ចិន។

ក្នុង​របាយការណ៍ដដែល​សរសេរថា “តាម​រយៈ​ការ​ផលិត​អាវុធ​ប្រល័យ​លោកធន់ធ្ងន់ អាវុធគីមី និង​ភាពអង់អាច​នៃ​កង​យោធា​កូរ៉េខាងជើង រដ្ឋឯកោមួយនេះ បាន​គំរាម​ដល់​សន្តិសុខ ស្ថិរភាពក្នុង​តំបន់ និង​សកលលោក​ទាំង​មូល”។

បន្ថែម​ពី​លើ​នេះ កូរ៉េខាងជើង ជារឿយៗបាន​បាញ់​សាកល្បង​មីស៊ីល​អន្តរទ្វីប ដែល​មាន​សមត្ថភាព​អាច​វាយ​ប្រហារ​គោលដៅ​ដល់​ទឹក​ដី​អាមេរិកថែមទៀត។

ចំណុច​សំខាន់បំផុត​ដែល​បាន​បញ្ជាក់​ក្នុង​របាយការណ៍​នេះ គឺកូរ៉េខាងជើង មាន​កងទ័ព​ប្រមាណ ១,២លាន ដាក់​ពង្រាយ​នៅ​ក្បែរតំបន់​គ្មាន​យោធា​ជាប់​ព្រំដែន​កូរ៉េខាងត្បូង ហើយ​ជាធម្មតាតែ​ងបន្ត​គំរាម​កំហែង​ទៅ​ដល់​កូរ៉េខាងត្បូង និងជប៉ុន។

ជាមួយ​គ្នា​នេះ រដ្ឋាភិបាល​ក្រុង​ព្យុងយ៉ាង ក៏​មាន​ពាក់​ព័ន្ធ​ក្នុង​ការ​លក់ និង​ដឹកជញ្ជូន​បច្ចេកវិទ្យាសម្រាប់​វិស័យ​យោធា ទៅ​កាន់​ប្រទេស​អ៊ីរ៉ង់ ដើម្បី​ជួយដល់​កម្មវិធី​អភិវឌ្ឍមីស៊ីល​អន្តរជាតិ​របស់​អ៊ីរ៉ង់។

ក្នុង​របាយការណ៍សរសេរថា ការ​ជួញដូរលុយក្លែងក្លាយ និង​គ្រឿងញៀន បាន​ជួយ​កូរ៉េខាងជើង ទទួលប្រាក់​គ្រប់​គ្រាន់ក្នុង​ការ​ដោះ​ស្រាយ​វិបត្តិហិរញ្ញវត្ថុដែល​កើត​ចេញ​ពី​ទណ្ឌកម្ម​លោក​ខាង​លិច។

ជារៀងរាល់ឆ្នាំ លុយ​ដុល្លារ​អាមេរិក​ក្លែង​ក្លាយ ​ចន្លោះ ១,២៥លានដុល្លារ ទៅ ២៥០លានដុល្លារ ត្រូវ​បាន​គេ​បញ្ចូល​ទៅ​ក្នុង​ចរន្ត​សាច់ប្រាក់​ក្រុង​ព្យុង​យ៉ាង។ លើស​ពី​នេះ កូរ៉េខាងជើង គឺកំពុង​ដំណើរ​ការ​សហគ្រាសពាណិជ្ជកម្ម​របស់​ខ្លួន​បែប​ខុសច្បាប់ ច្រើន​ជាងសហគ្រាស​ស្របច្បាប់៕

ប្រែសម្រួល៖ សុភា
ប្រភព៖ The Korea Times

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

នយោបាយ៤ ម៉ោង មុន

មាន​គណបក្ស​នយោបាយ​ចំនួន​៤ បាន​ដាក់​ពាក្យ​ចូលរួម​ប្រកួតប្រជែង នៅក្នុង​ការបោះឆ្នោត​ក្រុមប្រឹក្សា​ក្រុង​បូកគោ

ព័ត៌មានជាតិ៤ ម៉ោង មុន

អាជ្ញាធរ​នៃ​មន្ទីរ​វប្បធម៌​និង​វិចិត្រសិល្បៈ​ខេត្ត​ឧ​ត្ត​រ​មានជ័យ ​ទទួល​បាន​បុរាណវត្ថុ​ពី​ព្រះសង្ឃ​គង់នៅ​វត្ត​រួត​ចំប៉ី

ព័ត៌មានជាតិ៥ ម៉ោង មុន

រដ្ឋបាលខេត្ត​កំពង់ធំ រក​ឃើញ​អ្នក​វិជ្ជមាន​កូវីដ១៩​ថ្មី៦នាក់​ទៀត​ នៅថ្ងៃនេះ​

ព័ត៌មានជាតិ៦ ម៉ោង មុន

ក្រសួង​អប់រំ​ ផ្តល់​ឧបត្ថម្ភ​ថវិកា​ដល់​បុគ្គលិក​អប់រំ​រស់នៅ​តំបន់​ក្រហម​ចំនួន​១២៩​នាក់

ចរាចរណ៏៦ ម៉ោង មុន

ម៉ូតូ​២​គ្រឿង ​បុក​គ្នា​លាន់​ដូច​រន្ទះ​ ស្ត្រី​ម្នាក់​របួសធ្ងន់​បញ្ជូន​ទៅ​សង្គ្រោះ​នៅ​មន្ទីរពេទ្យ​មិន​ដឹង​ថា ​ស្លាប់​ ឬ រស់

Sokha Hotels

ព័ត៌មានពេញនិយម

Helistar Cambodia - Helicopter Charter Services