ព័ត៌មានអន្ដរជាតិ
លោក Elon Musk បំបាក់មេ Amazon ក្លាយជាអ្នកមានបំផុតនៅលើពិភពលោក
នាយកប្រតិបត្តិក្រុមហ៊ុនផលិតរថយន្តអគ្គិសនីអាមេរិក Tesla លោក Elon Musk កាលពីថ្ងៃព្រហស្បតិ៍បានយកឈ្នះស្ថាបនិក និងនាយកប្រតិបត្តិក្រុមហ៊ុន Amazon លោក Jeff Bezos ដើម្បីក្លាយជាអ្នកមានបំផុតនៅលើពិភពលោក ។
ខណៈតម្លៃហ៊ុនរបស់ក្រុមហ៊ុន Tesla បានកើនឡើងដល់កម្រិតខ្ពស់បំផុតពោលគឺ ៨០៨.៦៦ ដុល្លារក្នុងមួយហ៊ុន ទ្រព្យសម្បត្តិសុទ្ធរបស់លោក Musk បានកើនឡើងដល់ ១៨៥ ពាន់លានដុល្លារ ។

វាបានធ្វើឲ្យលោក Musk មានទឹកប្រាក់លើសលោក Bezos ដែលមាន ១៨៤ ពាន់លានដុល្លារ បន្ទាប់ពីបានក្លាយជាអ្នកមានជាងគេបំផុតនៅលើពិភពលោកចាប់តាំងពីឆ្នាំ ២០១៧ មកម៉្លេះ ។
បើយោងតាមតួលេខផ្លូវការបានឲ្យដឹងថា ការកើនឡើងនូវទ្រព្យសម្បត្តិយ៉ាងច្រើនរបស់លោក Musk គឺដោយសារតែការកើនឡើងមិនធ្លាប់មានពីមុនមកនៃតម្លៃហ៊ុនរបស់ក្រុមហ៊ុន Tesla ពោលកើនឡើង ៧៦២ ភាគរយចាប់តាំងពីថ្ងៃតែមួយកាលពីឆ្នាំមុននៅពេលដែលហ៊ុនរបស់ក្រុមហ៊ុន Tesla កំពុងជួញដូរក្នុងតម្លៃ ៩៣.៨១ ដុល្លារ ។
លោក Bezos បានឃើញហ៊ុនរបស់ក្រុមហ៊ុន Amazon កើនឡើងក្នុងកអំឡុងពេលជំងឺរាតត្បាតកូវីដ ១៩ នៅពេលដែលពិភពលោកភាគច្រើនត្រូវបានបិទប្រទេស ។ ទោះយ៉ាងណាក្រុមហ៊ុនពាណិជ្ជកម្មអេឡិចត្រូនិករបស់គាត់មិនអាចរក្សាតម្លៃទីផ្សាររបស់ខ្លួនបាន ១.៦១ លានលានដុល្លារនោះទេ ។

ទោះបីជាការធ្វើមូលធនកម្មទីផ្សារ ៧៦១ ពាន់លានដុល្លាររបស់ក្រុមហ៊ុន Tesla នៅពីក្រោយក្រុមហ៊ុន Amazon ក៏ដោយក៏វិនិយោគិនជឿជាក់ថា ក្រុមហ៊ុនផលិតរថយន្តអគ្គិសនីនេះនឹងមានការរីកចម្រើនថែមទៀត ខណៈដែលពិភពលោកនឹងងាកចេញពីឥន្ធនៈហ្វូស៊ីលទៅជារថយន្តអគ្គិសនីនៅទសវត្សរ៍ក្រោយ ។
គួរបញ្ជាក់ថា បន្ទាប់ពីបានយកឈ្នះលើមហាសេដ្ឋីជំនួញលោក Warren Buffett កាលពីខែកក្កដាដើម្បីក្លាយជាអ្នកមានបំផុតទី ៧ នៅលើពិភពលោក លោក Musk ក៏បានយកឈ្នះលើសហស្ថាបនិកក្រុមហ៊ុន Microsoft កាលពីខែវិច្ឆិកាដើម្បីក្លាយជាអ្នកមានបំផុតទី ២ នៅលើពិភពលោកផងដែរ ៕

ប្រែសម្រួលដោយ ៖ ជីវ័ន្ត
ប្រភព ៖ Anadolu
-
ព័ត៌មានជាតិ១ សប្តាហ៍ មុន
កូនប្រសារសម្ដេច ហេង សំរិន កំពុងកាន់តំណែងនៅរដ្ឋសភា រាជរដ្ឋាភិបាល និងជាអភិបាលខេត្ត
-
ព័ត៌មានជាតិ៦ ថ្ងៃ មុន
៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
ព័ត៌មានជាតិ៥ ថ្ងៃ មុន
លោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
ព័ត៌មានអន្ដរជាតិ១ សប្តាហ៍ មុន
មេទ័ពអាមេរិក ថា សល់ពេល ៣០ ថ្ងៃទៀតប៉ុណ្ណោះ បើអ៊ុយក្រែន វាយរុស្ស៊ី មិនបែក នោះពិបាកហើយ
-
ព័ត៌មានជាតិ៦ ថ្ងៃ មុន
ថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
សន្តិសុខសង្គម៣ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
សន្តិសុខសង្គម៤ ថ្ងៃ មុន
អគ្គិភ័យឆេះផ្ទះតារាចម្រៀងលោក ណូយ វ៉ាន់ណេត ខូចខាតសម្ភារៈមួយចំនួន
-
ព័ត៌មានអន្ដរជាតិ៣ ថ្ងៃ មុន
តើពិតជាមានមនុស្សក្រៅភពមែនឬ? ពេលនេះ អង្គការ NASA បញ្ចេញរបាយការណ៍ហើយ