Connect with us

ព័ត៌មានអន្ដរជាតិ

ហេតុអ្វី គីម ជុងអ៊ុន ជូនកាដូសត្វឆ្កែមួយគូ ឲ្យលោក ពូទីន?

បានផុស

នៅ

កាលពីថ្ងៃពុធទី១៨ខែមិថុនាឆ្នាំ២០២៤ ប្រធានាធិបតីរុស្ស៊ី វ្ល៉ាឌីមៀរ ពូទីន បានមកដល់ប្រទេសកូរ៉េខាងជើង ក្នុងដំណើរទស្សនកិច្ចលើកដំបូង នារយៈពេល២៤ឆ្នាំចុងក្រោយ ដោយបានចុះហត្ថលេខាលើកិច្ចព្រមព្រៀងសំខាន់ៗជាច្រើន ហើយក៏ពាំនាំយកកាដូ ៣មុខ ជូនលោក គីម ជុងអ៊ុន ផងដែរ។

(រូបថត៖ KCNA)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាដូទាំង៣មុខដែលលោក ពូទីន ជូនលោក គីម មានដូចជារថយន្ត​ប្រណីត​១​គ្រឿង​ម៉ាក Aurus Senat, ឈុត​​​ផឹក​តែ​១​ឈុត និង​កូន​កាំបិត​​កង​ទ័ព​១​​ដើម។

ទោះបីជាយ៉ាងណាក៏ដោយ មុនពេលចាកចេញពីកូរ៉េខាងជើង ទៅវៀតណាម លោក គីម មិនឲ្យលោក ពូទីន ទៅដោយដៃទទេឡើយ ពោលមេដឹកនាំកូរ៉េខាងជើង ក៏មានកាដូជូនប្រធានាធិបតីរុស្ស៊ីវិញដែរ នោះគឺជាសត្វឆ្កែពូជ Pungsan មួយគូ។

(រូបថត៖ Explore DPRK)

ហេតុអ្វីលោក គីម ជូនសត្វឆ្កែពូជនេះទៅលោក ពូទីន?

តាមការបញ្ជាក់, Pungsan គឺជាពូជឆ្កែប្រមាញ់ ដែលមានដើមកំណើតចេញមកពីតំបន់ភាគខាងជើងនៃឧបទ្វីបកូរ៉េ ហើយសត្វឆ្កែប្រភេទនេះ គឺល្បីឈ្មោះដោយសារភាពវៃឆ្លាតនិងភាពស្មោះត្រង់របស់វា។ ជាពិសេសវាត្រូវបានចាត់ទុកថាជាសម្បត្តិជាតិរបស់ប្រទេសកូរ៉េខាងជើង ទៀតផង។

(រូបថត៖ AFP)

មូលហេតុនៅពីក្រោយកាដូមួយនេះគឺថា លោកពូទីន ជាមនុស្សស្រឡាញ់ចូលចិត្តសត្វ ជាពិសេសសត្វឆ្កែតែម្តង។ មិនមែនតែលោកគីមទេ មេដឹកនាំប្រទេសផ្សេងៗ ក៏តែងផ្តល់សត្វឆ្កែដល់គាត់ដែរ ហើយគាត់ខ្លួនឯងផ្ទាល់ ក៏ផ្តល់សត្វឆ្កែដល់ក្មេងៗតែញឹកផងដែរ ឲ្យតែមានការស្នើសុំ។

យ៉ាងណាក្តី នេះមិនមែនទើបលើកដំបូងទេ ដែលកូរ៉េខាងជើង ផ្តល់កាដូបែបនេះ ទៅឲ្យប្រមុខដឹកនាំបរទេស។ ជាក់ស្តែង កាលពីឆ្នាំ២០១៨ ទីក្រុងព្យុងយ៉ាង ក៏ជូនសត្វឆ្កែពូជ Pungsan នេះមួយគូឈ្មោះ Gomi និង Songgang ឲ្យអតីតប្រធានាធិបតីកូរ៉េខាងត្បូងលោក មូន ចេអ៊ីន ផងដែរ ខណៈពេលនោះ ទំនាក់ទំនងរវាងបងប្អូនកូរ៉េខាងទាំងពីរ ហាក់មិនយ៉ាប់យ៉ឺនខ្លាំងដូចបច្ចុប្បន្នឡើយ៕

អត្ថបទ៖ សុខ សុវណ្ណ

ចុចអាន៖ ពូទីន ធ្វើតៃកុង បើករថយន្តជូន គីម ជុងអ៊ុន ដើរកម្សាន្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៥ នាទី មុន

អ្នកឧកញ៉ា ឡេង ណាវ៉ាត្រា គោរពអរគុណដល់មេបញ្ជាការកងទ័ពជើងទឹក ដែលសម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )

ព័ត៌មានជាតិ៧ នាទី មុន

​ប្រហុក​ខ្មែរ​កែច្នៃ​កាន់តែ​ទំនើប​មួយ​ថ្ងៃ​បាន ១ តោន កំពុង​ពង្រឹង​លទ្ធភាព​នាំ​ចេញទៅ​ក្រៅ​ប្រទេស

ព័ត៌មានជាតិ៣២ នាទី មុន

លោក ផន ផល្លា បដិសេធថា មិនត្រូវបានសមត្ថកិច្ចហៅទៅ «អប់រំ»ទេ តែអាជ្ញាធរប្រកាសថាបាន«អប់រំ» និងឳ្យធ្វើ«កិច្ចសន្យា»

សេចក្ដីជូនដំណឹង២ ម៉ោង មុន

ឡេង ណា​វ៉ា​ត្រា គោរព​អរគុណ​ដល់​ក្រសួង​ដែនដី​សម្រួល​ការថត​ចម្រៀង​( ប្រាំ​សីហា​ការដ្ឋាន​ប្រវត្តិសាស្ត្រ​ហ្វូណន​តេ​ជោ

ព័ត៌មានជាតិ២ ម៉ោង មុន

កម្ពុជា-ចិន បើក​កិច្ចប្រជុំ​លើក​ទី​១១ ដើម្បី​ពង្រឹង​ការងារ​ប្រយុទ្ធប្រឆាំង​គ្រឿងញៀន

ព័ត៌មានជាតិ២ ម៉ោង មុន

សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ

ជីវិតកម្សាន្ដ៧ ម៉ោង មុន

ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់

ព័ត៌មានអន្ដរជាតិ១១ ម៉ោង មុន

ជម្លៀស​ខ្លួន​ប្រជាជននៅ​កោះត្រល់ ក្រោយ​ភ្លៀង​ធ្លាក់​ខ្លាំង​១២​ម៉ោង​ជាប់​គ្នា

ព័ត៌មានជាតិ៥ ម៉ោង មុន

បុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល

ចរាចរណ៍១៦ ម៉ោង មុន

រថយន្តធំ៣គ្រឿងបុកគ្នាពេញទំហឹង បណ្ដាលឲ្យមនុស្ស៣នាក់របួសធ្ងន់ស្រាល

Sokha Hotels

ព័ត៌មានពេញនិយម