ព័ត៌មានអន្ដរជាតិ
ត្រាំ និង ពូទីន នឹងជជែកគ្នាជាលើកទីពីរ ជុំវិញបញ្ហាសង្គ្រាមនៅអ៊ុយក្រែន
ប្រធានាធិបតីអាមេរិក លោក ដូណាល់ ត្រាំ និងសមភាគីរុស្ស៊ី លោក វ៉្លាឌីមៀរ ពូទីន គ្រោងនឹងធ្វើការសន្ទនាតាមទូរសព្ទនៅសប្តាហ៍នេះ ដើម្បីពិភាក្សាអំពីសង្គ្រាមរុស្ស៊ី-អ៊ុយក្រែន ក្នុងគោលបំណងធ្វើអន្តរការីបទឈប់បាញ់។ នេះនឹងក្លាយជាការជជែកគ្នាជាសាធារណៈលើកទីពីររបស់ពួកគេ ចាប់តាំងពីលោក ត្រាំ ស្បថចូលកាន់តំណែងកាលពីខែមករាឆ្នាំ២០២៥។
បេសកជនពិសេសរបស់សហរដ្ឋអាមេរិក លោក Steve Witkoff ដែលថ្មីៗនេះបានជួបជាមួយលោក ពូទីន ក្នុងប្រទេសរុស្ស៊ី បានសម្តែងសុទិដ្ឋិនិយមអំពីការសម្រេចបាននូវកិច្ចព្រមព្រៀងបទឈប់បាញ់ក្នុងពេលឆាប់ៗខាងមុខ។ លោកបានលើកឡើងកាលពីថ្ងៃទី១៦ខែមីនាថា ការពិភាក្សាអាចនាំទៅរកសំណើបទឈប់បាញ់រយៈពេល ៣០ថ្ងៃ ដែលអ៊ុយក្រែនបានយល់ព្រម ហើយប្រធានាធិបតី ពូទីន បានទទួលយកជាបណ្តោះអាសន្ន ដោយរង់ចាំព័ត៌មានលម្អិតមួយចំនួន។
ទាក់ទងនឹងការហៅទូរសព្ទរវាងលោក ត្រាំ និងលោក ពូទីន លោក Witkoff បាននិយាយថា៖ «ខ្ញុំគិតថា ប្រធានាធិបតីទាំងពីររូបនឹងមានការពិភាក្សាដ៏ល្អ និងវិជ្ជមាននៅក្នុងសប្ដាហ៍នេះ»។
ការហៅទូរសព្ទលើកដំបូងរបស់លោក ត្រាំ ទៅកាន់លោក ពូទីន ធ្វើឡើងបន្ទាប់ពីលោក Witkoff បានធ្វើដំណើរទៅកាន់ប្រទេសរុស្ស៊ី ដើម្បីនាំយកលោក Marc Fogel ដែលជាគ្រូបង្រៀនប្រវត្តិសាស្ត្រជនជាតិអាមេរិក ត្រឡប់ទៅប្រទេសកំណើតវិញ ក្រោយការដោះលែងពីរុស្ស៊ី កាលពីថ្ងៃទី១១ខែកុម្ភៈ។
មួយថ្ងៃបន្ទាប់ លោក ត្រាំ បានប្រកាសថា លោកបាននិយាយជាមួយលោក ពូទីន ហើយប្រាប់ថា ការហៅទូរសព្ទរបស់ពួកគេមានរយៈពេល«យូរ និងមានផ្លែផ្កាល្អណាស់»។
ទោះបីជាមានការវិវឌ្ឍទាំងនេះក៏ដោយ ប្រធានាធិបតីបារាំង លោក Emmanuel Macron បានសម្តែងការសង្ស័យទាក់ទងនឹងចេតនារបស់រុស្ស៊ី ដោយជំរុញឲ្យមានការប្រុងប្រយ័ត្នក្នុងកិច្ចចរចា។ ប៉ុន្តែលោក Witkoff បានច្រានចោលការលើកឡើងរបស់លោក Macron ហើយបញ្ជាក់ថា លោកនៅតែមានសង្ឃឹម ដោយលើកឡើងពីបទពិសោធន៍ផ្ទាល់របស់លោក អំឡុងពេលជួបជាមួយមេដឹកនាំរុស្ស៊ី៕
ដោយ៖ ឈាង
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៧ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត