ព័ត៌មានជាតិ
បុរសចំណាស់ម្នាក់កើតជំងឺកូវីដ១៩ ស្លាប់លើរថយន្ត ពេលកូនចៅដឹកទៅកាន់មន្ទីរពេទ្យ
បុរសវ័យ ៦៤ឆ្នាំម្នាក់កើតជំងឺកូវីដ១៩ បានស្លាប់ពេលសាច់ញាតិដឹកទៅកាន់មន្ទីរពេទ្យ នៅថ្ងៃទី ១០ ខែមិថុនានេះ ។
នេះជាករណីស្លាប់លើកដំបូងនៅក្នុងខេត្តកោះកុង ហើយត្រូវបានមន្ត្រីសុខាភិបាលដឹកជញ្ជូនទៅបូជានៅវត្តព្រែកស្វាយ សង្កាត់ស្ទឹងវែង ក្រុងខេមរភូមិន្ទ។ ក្រុមគ្រូពេទ្យរកឃើញថា សាច់ញាតិសាកសពក្នុងចំណោម ៦ នាក់ មាន២នាក់វិជ្ជមានកូវីដ១៩។
ប្រធានមន្ទីរសុខាភិបាលខេត្តកោះកុង លោក ទៅ ម៉ឹង បានឱ្យដឹងថា បុរសវ័យ ៦៤ ឆ្នាំ ឈ្មោះ ចាន់ លី បានស្លាប់នៅលើរថយន្តពេលសាច់ញាតិដឹកទៅកាន់មន្ទីរពេទ្យនៅវេលាម៉ោង ៧៖៣០ នាទីព្រឹកថ្ងៃទី ១០ ខែមិថុនា ដោយសារជំងឺកូវីដ។
បើតាមប្រធានមន្ទីរសុខាភិបាលខេត្ត មន្រ្តីសុខាភិបាល កំពុងដុតដៃដុតជើងតាមដានរកអ្នកដែលជាប់ពាក់ព័ន្ធនឹងអ្នកស្លាប់ជាច្រើននៅតំបន់វង់កាថៈ ឃុំប៉ាក់ខ្លង ស្រុកមណ្ឌលសីមា។ ជាពិសេស មនុស្សប៉ះពាល់ផ្ទាល់ ឬប្រយោលក្នុងតំបន់សេដ្ឋកិច្ចពិសេសខេត្តកោះកុង គ្រាដែលកូនប្រសារបុរសវ័យចំណាស់ដែលស្លាប់បម្រើការងារនៅការិយាល័យរដ្ឋបាលនៅរោងចក្រKKN។
សពបុរសចំណាស់ឈ្មោះ ចាន់ លី ត្រូវបានយកទៅបូជានៅវត្តព្រែកស្វាយ សង្កាត់ស្ទឹងវែង ក្រុងខេមរភូមិន្ទ រសៀលនេះហើយ។ ដោយឡែកក្រុមគ្រួសារសាច់ញាតិដែលរកមិនឃើញវិជ្ជមានកូវីដចំនួន៥នាក់ តម្រូវឱ្យធ្វើចត្តាឡីស័កនៅចម្ការរបស់ពួកគេនៅតំបន់វង់កាថៈ។
ប្រវត្តិរបស់អ្នកជំងឺគឺធ្វើដំណើរមកពីរាជធានីភ្នំពេញរយៈពេល៤ថ្ងៃហើយដោយបានមកសម្រាកលេងជាមួយកូនរបស់គាត់ដែលជាអ្នកចាំចម្ការឱ្យគេនៅចំណុចវង់កាថៈ ភូមិចាំយាម ឃុំប៉ាក់ខ្លង។ នេះបើតាម ការលើកឡើងរបស់លោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យបង្អែកខេត្តកោះកុង។
ថ្នាក់ដឹកនាំមន្ទីរពេទ្យខេត្តរូបនេះ ពន្យល់ដែរថា អំឡុងពេល៤ថ្ងៃកន្លងទៅ បុរសដែលបាត់បង់ជីវិតគឺមានអាការៈដកដង្ហើមដង្ហក់ខ្លាំង ទើបក្រុមគ្រួសារដឹកមកពិនិត្យព្យាបាលនៅមន្ទីរពេទ្យ ប៉ុន្តែដោយសារមើលនូវស្ថានភាពរបស់អ្នកជំងឺធ្ងន់ធ្ងរខ្លាំង ក្រុមគ្រូពេទ្យក៏ផ្តើមស្រាវជ្រាវជាបន្ទាន់មួយមិនអនុញ្ញាតឱ្យយកទៅធ្វើបុណ្យនៅផ្ទះឡើយចៀសវាងការឆ្លងរីករាលដាលដល់សហគមន៍បន្ថែម៕ អត្ថបទ៖ សិរីវឌ្ឍនៈ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១០ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៧ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)