ព័ត៌មានអន្ដរជាតិ
ត្រាំ បញ្ជាក់ថា «ពន្ធឱ្យស្មើគ្នា» នឹងដាក់លើគ្រប់ប្រទេសទាំងអស់
ប្រធានាធិបតីសហរដ្ឋអាមេរិក លោក ដូណាល់ ត្រាំ បានបញ្ជាក់ថា វិធានការពន្ធឱ្យស្មើគ្នា ឬ Reciprocal Tariff ដែលនឹងចូលជាធរមាននាថ្ងៃទី ២ មេសា ខាងស្អែកនេះ នឹងដាក់លើគ្រប់ប្រទេសទាំងអស់។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
លោក ត្រាំ ដែលហៅថ្ងៃចូលជាធរមានថាជា «ថ្ងៃរំដោះ» បានថ្លែងយ៉ាងដូច្នេះ កាលពីថ្ងៃអាទិត្យ ថា៖ «អ្នកនឹងចាប់ផ្តើមជាមួយប្រទេសទាំងអស់ ដូច្នេះសូមមើលថាតើមានអ្វីកើតឡើង។ ជាពិសេសប្រទេសដែលយើងកំពុងនិយាយ»។
ថ្មីៗនេះ ទីប្រឹក្សាសេដ្ឋកិច្ចសេតវិមាន លោក Kevin Hassett ថ្មីៗនេះបានប្រាប់ Fox Business ថាពន្ធរបស់ ត្រាំ នឹងផ្តោតលើប្រទេសពី ១០-១៥ ដែលមានអតិរេកពាណិជ្ជកម្មជាមួយអាមេរិកខ្លាំង ទោះបីជាលោកមិនបានរាយឈ្មោះប្រទេសទាំងនោះចំៗក៏ដោយ។
ការបញ្ជាក់របស់លោក ត្រាំ ចុងក្រោយនេះ ធ្វើឡើងក្រោយលោកបាននិយាយកាលពីសប្ដាហ៍ថា វិធានការពន្ធរបស់លោកអាចធូរស្រាលសម្រាប់ប្រទេសមួយចំនួន ហើយប្រទេសខ្លះអាចនឹងទទួលបានការលើកលែង ក្រោមលក្ខខណ្ឌខ្លះៗ។
គេមើលឃើញថា វិធានការពន្ធរបស់ ត្រាំ បានបង្កក្ដីបារម្ភពីជុំវិញពិភពលោក ថានឹងធ្វើឱ្យមានការធ្លាក់ចុះនៃពាណិជ្ជកម្មសកល ដោយសារតែរបាំងពាណិជ្ជកម្ម រួមទាំងវិធានការសងសឹក និងវិធានការសម្របខ្លួនទៅតាមបរិបទផ្សេងៗទៀតពីប្រទេសដទៃ៕
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៨ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ