កីឡា
Mascherano ថា Messi ល្អបំផុតក្នុងលោក ទោះទៅលេងការពារ ក៏ល្អដាច់គេដែរ
អតីតខ្សែការពារ Barcelona និងបច្ចុប្បន្នជាអ្នកចាត់ការក្រុម Inter Miami លោក Javier Mascherano បានបង្ហាញទស្សនៈផ្ទាល់ខ្លួន ក្នុងការជ្រើសរើសកីឡាករល្អបំផុត រវាង Lionel Messi និង Cristiano Ronaldo។
លោក Mascherano បានឆ្លើយដោយមិនលាក់លាម ដោយលោកបានជ្រើសរើសយក Leo Messi ជាកីឡាករល្អបំផុតក្នុងប្រវត្តិសាស្ត្របាល់ទាត់ ហើយលោកក៏បានលើកជាឧទាហរណ៍មួយយ៉ាងភ្ញាក់ផ្អើលផងដែរ ថាបើខ្សែប្រយុទ្ធវ័យ ៣៧ ឆ្នាំរូបនេះ ទៅលេងជាខ្សែការពារវិញ ក៏គាត់អាចក្លាយជាខ្សែការពារល្អដាច់គេដែរ។
ទាក់ទងនឹងរឿងខាងលើ នៅក្នុងកិច្ចសម្ភាសន៍មួយជាមួយ ESPN លោក Mascherano ត្រូវបានគេឱ្យជ្រើសរើសម្នាក់ រវាង Messi និង Ronaldo ថានរណាជាកីឡាករល្អបំផុតក្នុងប្រវត្តិសាស្ត្របាល់ទាត់។ ភ្លាមនោះលោកបានឆ្លើយតបទៅវិញយ៉ាងដូច្នេះថា៖ «អ្នកមិនចាំបាច់សួរអំពីរឿងនេះទេ។ ខ្ញុំគិតថា Messi គឺជាកីឡាករដ៏អស្ចារ្យបំផុតក្នុងប្រវត្តិសាស្ត្រ។ វាគ្មានកីឡាករណា អាចធ្វើបានដូចគាត់ឡើយ។ វាគឺមិនអាចទៅរួចទេ។ រយៈពេល ២០ ឆ្នាំ ដែលគាត់ឈរជាអ្នកស៊ុតបញ្ចូលទីកំពូល និងការលេង។ គាត់គឺជាកីឡាករមានទាំងព្រម។ គាត់អាចលេងទាំងជាខ្សែប្រយុទ្ធ ជាខ្សែបម្រើ។ ប្រសិនបើអ្នកដាក់គាត់លេងជាខ្សែការពារ គាត់នឹងក្លាយជាខ្សែការពារល្អបំផុតថែមទៀត ខ្ញុំអាចធានាជូនអ្នកបាន»៕
ប្រែសម្រួលអត្ថបទ៖ សេម កុសល
ប្រភព៖ Sportskeeda
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៧ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ