ព័ត៌មានជាតិ

ក្រុមការងារស្រាវជ្រាវអំពាវនាវដល់ពលរដ្ឋធ្លាប់ចេញចូលបន្ទប់ពិគ្រោះព្យាបាលជំងឺទូទៅ វេជ្ជបណ្ឌិត ហ៊រ សុណ្ណាប្រញាប់ទៅធ្វើតេស្តជាបន្ទាន់

បានផុស

១ ខែ មុន

នៅ

ថ្ងៃសុក្រ ២៥ មិថុនា ២០២១

ដោយ

ក្រុមការងារស្រាវជ្រាវ និងតាមដានបុគ្គលសង្ស័យថា មានផ្ទុកជំងឺកូវីដ-១៩ ខេត្តស្វាយរៀងសូមអំពាវនាវដល់បងប្អូនប្រជាពលរដ្ឋ អាជីវករ កម្មករ កម្មការិនីដែលពាក់ព័ន្ធជាមួយអ្នកជំងឺកូវីដ-១៩

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឈ្មោះ អ៊ូ ចាន់ឌីណា ភេទប្រុស អាយុ ២៩ឆ្នាំ កម្មកររោងចក្រឈីងដាវរ៉យនី រស់នៅភូមិថ្នា ឃុំគោកព្រីង ស្រុកស្វាយជ្រំ និងធ្លាប់ចេញចូលបន្ទប់ពិគ្រោះព្យាបាលជំងឺទូទៅ វេជ្ជ ហ៊រ សុណ្ណា ស្ថិតនៅភូមិស្វាយ សង្កាត់ចេក ក្រុងស្វាយរៀងចាប់ពីថ្ងៃទី២០ ខែមិថុនា ឆ្នាំ២០២១ សូមប្រញាប់ទៅធ្វើតេស្តរកជំងឺកូវីដ១៩ជាបន្ទាន់។

ក្រុមការងារស្រាវជ្រាវ បានឲ្យដឹងថា «សូមបងប្អូនដែលពាក់ព័ន្ធទាំងផ្ទាល់ និងប្រយោល សូមធ្វើចត្តាឡីស័កតាមដានសុខភាព អនុវត្តតាមវិធានការណែនាំរបស់ក្រសួងសុខាភិបាល និងវិធានការ ៣ការពារ ៣កុំ របស់សម្ដេចតេជោហ៊ុនសែន»។

ក្រុមការងារស្រាវជ្រាវ បានបន្តទៀតថា ប្រសិនបើមានរោគសញ្ញាដូចជា គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ ទៅធ្វើតេស្តរកមេរោគកូវីដ១៩ ឬផ្ដល់ព័ត៌មានទៅអាជ្ញាធរមូលដ្ឋាន ឬទំនាក់ទំនងមកក្រុមការងារស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ-១៩ ខេត្ត088 783 6666 ឬ 097 503 4567 ដើម្បីមានវិធានការណ៍បន្ត។

ក្រុមការងារស្រាវជ្រាវ បានបន្ថែមថា សម្រាប់អ្នកដែលមានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ។

គួរបញ្ជាក់ថា គិតត្រឹមថ្ងៃទី២៤មិថុនានេះ ខេត្តស្វាយរៀងមានអ្នកឆ្លងជំងឺកូវីដ១៩ចំនួន១៨០០នាក់ស្រី១០៥១នាក់ អ្នកជាសះស្បើយចំនួន១១៥៣នាក់ស្រី៦៥២នាក់កំពុងសម្រាកព្យាបាលជំងឺចំនួន៦៣១នាក់ស្រី៣៩១នាក់និងអ្នកស្លាប់ចំនួន១៤នាក់ស្រី៧នាក់៕

ដោយ ៖ សំអឿន