ប៉ូលិសខេត្តព្រះវិហារ​ដាក់កម្លាំងការពារតំបន់បិទខ្ទប់​​ហាមការចេញ-ចូល ​រយៈពេល​១៤​ថ្ងៃ​
Connect with us
Helistar Cambodia - Helicopter Charter Services

ព័ត៌មានជាតិ

ប៉ូលិសខេត្តព្រះវិហារ​ដាក់កម្លាំងការពារតំបន់បិទខ្ទប់​​ហាមការចេញ-ចូល ​រយៈពេល​១៤​ថ្ងៃ​

បានផុស

នៅ

លោក​ឧត្តមសេនីយ៍ទោ​ សួ​ស​ សុខ​ដា​រ៉ា​ ស្នងការ​នគរបាល​ខេត្តព្រះវិហារ​ បាន​បញ្ជា​ទៅ​លោក​វរសេនីយ៍ទោ​ លី​ តៃ​ឈ​ន់​ អធិការ​នគរបាល​ក្រុង​ព្រះ​វិហារ​ ដឹកនាំ​កម្លាំង​ចុះ​អនុវត្ត​បិទ​ខ្ទប់​តំបន់​ផ្នែក​ខាងត្បូង​ភូមិ​គោក​បេង​ ស្ថិត​ក្នុង​សង្កាត់​កំពង់​ប្រណាក​ និង​តំបន់​ផ្នែក​ខាងកើត​ភូមិ​ភារកិច្ច​ សង្កាត់​ប៉ា​លហាល​ ក្រុង​ព្រះ​វិហារ​ ខេត្តព្រះវិហារ​ ដែល​ជា​តំបន់​ឆ្លង​រាល​ដាល​ជំងឺ​កូ​វី​ដ​-១៩​ ជា​បណ្តោះអាសន្ន​រយៈពេល​ ១៤​ថ្ងៃ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាម​រដ្ឋបាល​ខេត្តព្រះវិហារ​ បាន​បញ្ជាក់​ថា​ ការ​សម្រេច​បិទ​ខ្ទប់​តំបន់​ទាំង​ពីរ​ខាងលើ​ជា​បណ្តោះអាសន្ន​ ក្នុង​រយៈពេល​ពី​រស​ប្តា​ហ៍​នោះ​ គឺ​ក្នុង​គោលបំណង​ធានា​ដល់​ការ​ទប់ស្កាត់​ ការ​ឆ្លង​រាលដាល​ជំងឺ​កូ​វី​ដ​-១៩​ នៅ​ក្នុងភូមិ​សាស្ត្រ​ដែល​ត្រូវ​បាន​បិទ​ខ្ទប់​ និង​ការ​ទប់ស្កាត់​មិន​ឲ្យ​ឆ្លង​រាលដាល​តំបន់​ផ្សេងៗ​ទៀត​ រហូត​មានការ​សម្រេច​សារ​ជា​ថ្មី​។​

នៅ​ក្នុង​កំឡុង​ពេល​ នៃ​ការ​អនុវត្តន៍​ការ​បិទ​ខ្ទប់​ បុគ្គល​គ្រប់​រូប​ត្រូវ​បាន​ហាមឃាត់​ការ​ធ្វើ​ដំណើរ​ចេញ​-​ចូល​ លើកលែងតែ​ក្នុង​ករណី​ចាំបាច់​ ដូច​ជា​ ការ​ធ្វើ​ដំណើរ​ទៅ​បង្ហាញខ្លួន​ឲ្យ​មន្ត្រី​សុខាភិបាល​យក​សំណាក​ទៅ​វិភាគ​រក​មេរោគ​កូ​វី​ដ​-១៩​ តាម​​ការ​កំណត់​ និង​នៅ​ក្នុងភូមិ​សាស្ត្រ​ដែល​ត្រូវ​បាន​បិទ​ខ្ទប់​,​ការ​ធ្វើ​ដំណើរ​របស់​បុគ្គលិក​ក្រុម​គ្រូពេទ្យ​ទាំង​រដ្ឋ​ និង​ឯកជន​ មន្ត្រីរាជការ​ ក្រុម​ពន្លត់អគ្គីភ័យ​ កងកម្លាំងប្រដាប់អាវុធ​គ្រប់​ប្រភេទ​ ដើម្បី​បំពេញបេសកកម្ម​ជូន​ស្ថាប័ន​ ឬ​អង្គភាព​ និង​ក៏​នៅ​មាន​ប្រការ​ជា​ច្រើន​ទៀត​ផង​ដែរ​។​

ជាមួយគ្នានេះដែរ នៅ​ក្នុង​កំឡុង​ពេល​ នៃ​ការ​អនុវត្តន៍​វិធានការ​បិទ​ខ្ទប់​ ត្រូវ​បាន​ហាមឃាត់​ការ​ជួបជុំ​មនុស្ស​ លើកលែងតែ​ក្នុង​ករណី​ចាំបាច់​។

គួរបញ្ជាក់ថា ការបិទខ្ទប់តំបន់ទាំងពីរខាងលើជាបណ្តោះអាសន្ន ក្នុងរយៈពេលពីរសប្តាហ៍នេះគឺចាប់អនុវត្តពីថ្ងៃទី១៥ ខែកក្កដា ដល់ថ្ងៃទី២៨ ខែកក្កដា ឆ្នាំ២០២១ខាងមុខនេះ៕ អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services