ក្រុមហ៊ុន ទ្រូ​ម៉ាន់​នី ពង្រីក​សេវា​ទូទាត់​អគ្គិសនី ដោយ​មិន​គិតថ្លៃ​សេវា​ដល់​៧ ខេត្ត / រាជធានី​
Connect with us
Helistar Cambodia - Helicopter Charter Services

ព័ត៌មានជាតិ

ក្រុមហ៊ុន ទ្រូ​ម៉ាន់​នី ពង្រីក​សេវា​ទូទាត់​អគ្គិសនី ដោយ​មិន​គិតថ្លៃ​សេវា​ដល់​៧ ខេត្ត / រាជធានី​

បានផុស

នៅ

​ក្រុមហ៊ុន ទ្រូ​ម៉ាន់​នី ដែលជា​ក្រុមហ៊ុន​បច្ចេកវិទ្យា​ហិរញ្ញវត្ថុ​ដ៏​ល្បីឈ្មោះ​មួយ​នៅ​កម្ពុជា កំពុង​ពង្រីក​ការផ្តល់ជូន​សេវា​បង់ថ្លៃ​អគ្គិសនី​ដោយ​មិន​គិតថ្លៃ​សេវា​របស់ខ្លួន​រហូតដល់​៧ ខេត្ត​/​រាជធានី ដើម្បីឱ្យ​អតិថិជន​កាន់​តែមាន​ភាពងាយស្រួល​ក្នុងការ​ទូទាត់​ថ្លៃ​អគ្គិសនី​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​អ្នកប្រើប្រាស់​សេវា​របស់​ក្រុមហ៊ុន ទ្រូ​ម៉ាន់​នី ក្នុង​ខេត្តកំពង់ស្ពឺ កំពត បាត់ដំបង សៀមរាប បន្ទាយមានជ័យ រាជធានី​ភ្នំពេញ និង​ខេត្តកណ្តាល អាចធ្វើ​ការទូទាត់​ថ្លៃ​អគ្គិសនី​ជូន​អគ្គិសនី​កម្ពុជា (EDC) ដោយ​មិន​គិតថ្លៃ​សេវា​គិត​ចាប់ពី​ថ្ងៃទី​១ ខែកក្កដា ឆ្នាំ​២០២១ រហូតដល់​ដំណាច់​ខែកញ្ញា ឆ្នាំ​២០២១​។ ការផ្តល់ជូន​សេវា​ទូទាត់​ថ្លៃ​អគ្គិសនី “​ដោយ​មិន​គិតថ្លៃ​សេវា​” នេះ មាន​សុពលភាព​សម្រាប់​អ្នក​ដែល​ទូទាត់​ថ្លៃ​អគ្គិសនី​ជូន EDC តាមរយៈ​ភ្នាក់ងារ​របស់​ក្រុមហ៊ុន ទ្រូ​ម៉ាន់​នី តែប៉ុណ្ណោះ​។​

​លោកស្រី ឃួន ហ្វ្រ​ង់​តារា អគ្គនាយិកា​ផ្នែក​យុទ្ធសាស្ត្រ​របស់​ក្រុមហ៊ុន ទ្រូ​ម៉ាន់​នី (​ខេ​ម​បូ​ឌា​) បាន​ថ្លែងថា “​ដោយសារ​ការ​រាតត្បាត​ជំងឺ​កូ​វីដ​-១៩ អ្នកខ្លះ​បាន​ជួប​បញ្ហា​ប្រឈម​ក្នុង​ការធ្វើ​ប្រតិបត្តិការ​ហិរញ្ញវត្ថុ​ប្រចាំថ្ងៃ​របស់​ពួកគេ​។ តាមរយៈ​ការផ្តល់ជូន​សេវា​បែបនេះ យើង​សង្ឃឹមថានឹង​ធ្វើឱ្យ​ជីវិត​ប្រចាំថ្ងៃ​របស់​អតិថិជន​យើង​មាន​ភាព​កាន់តែ​ងាយស្រួល​ខ្លាំង និង​ចំណាយ​កាន់តែ​តិច​ផងដែរ​ដោយសារ​ការលើកលែង​ថ្លៃ​សេវា​លើ​ការទូទាត់​ថ្លៃ​អគ្គិសនី​”​។​

​អតិថិជន​របស់​ក្រុមហ៊ុន ទ្រូ​ម៉ាន់​នី បានទទួល​បានការ​លើក​លែង​ថ្លៃ​សេវា​នេះ​រួចហើយ​សម្រាប់​ការទូទាត់​ថ្លៃ​អគ្គិសនី​ជូន EDC កាលពី​ឆ្នាំមុន​នៅ​រាជធានី​ភ្នំពេញ និង​ខេត្តកណ្តាល​។ គំនិត​ផ្តួចផ្តើម​ចុងក្រោយ​បំផុត​នេះ បានដាក់​បញ្ចូល​ខេត្ត​ចំនួន​៥ បន្ថែមទៀត​ទៅក្នុង​ការ​ផ្តល់ជូន​ការលើកលែង​សេវា​ថ្លៃ​ទូទាត់​អគ្គិសនី​នេះ​។​

​លោកស្រី ឃួន ហ្វ្រ​ង់​តារា បាន​បន្ថែមថា “​ក្រុមហ៊ុន ទ្រូ​ម៉ាន់​នី គឺជា​ផ្នែក​ដ៏​សំខាន់​មួយ​រួចហើយ​នៃ​ជីវិត​ប្រចាំថ្ងៃ​របស់​ប្រជាជន​កម្ពុជា​។ តាមរយៈ​ការផ្តល់ជូន​ការទូទាត់​នេះ ក្រុមហ៊ុន ទ្រូ​ម៉ាន់​នី កំពុង​ពង្រីក​សេវា​របស់ខ្លួន​ដល់​អតិថិជន​កាន់តែច្រើន​ថែមទៀត​នៅ​ទូទាំងប្រទេស​កម្ពុជា​”​។​

​ចាប់តាំងពី​ចាប់ផ្តើម​ប្រតិបត្តិការ​ក្នុងប្រទេស​កម្ពុជា​ក្នុង​ឆ្នាំ​២០១៦ មក ក្រុមហ៊ុន ទ្រូ​ម៉ាន់​នី បាន​បង្កើត​បណ្តាញ​ភ្នាក់ងារ​បច្ចេកវិទ្យា​ហិរញ្ញវត្ថុ​ធំ​បំផុត​នៅក្នុង​ប្រទេស​កម្ពុជា​។​

​យោងតាម​ក្រុមហ៊ុន ទ្រូ​ម៉ាន់​នី ក្រុមហ៊ុន​មាន​បណ្តាញ​ភ្នាក់ងារ​ជាង ១​ម៉ឺន​ភ្នាក់ងារ ដែល​ផ្តល់​សេវា​ហិរញ្ញវត្ថុ​ដល់​អ្នកប្រើប្រាស់​នៅ​គ្រប់​ទីកន្លែង​ទាំងអស់​នៅ​កម្ពុជា​ដែល​មិនទាន់មាន​សេវា​ធនាគារ​។ ពេលបច្ចុប្បន្ន ក្រុមហ៊ុន ទ្រូ​ម៉ាន់​នី កំពុងផ្តល់​សេវា​ទូទាត់​ប្រាក់​ជាច្រើន​ប្រភេទ​ដូចជា សេវា​ផ្ទេរប្រាក់​ក្នុងស្រុក ទូទាត់​វិក្កយបត្រ បញ្ចូល​លុយ​ទូរស័ព្ទ បង់ប្រាក់​កម្ចី និង​បើក​ប្រាក់ខែ​តាម​ទូរស័ព្ទ​ស្មា​ត​ហ្វ៊ូ​ន និង​តាម​ភ្នាក់ងារ​។​

​សូមបញ្ជាក់ថា ទ្រូ​ម៉ាន់​នី គឺជា​ក្រុមហ៊ុន​បច្ចេកវិទ្យា​ហិរញ្ញវត្ថុ​អន្តរជាតិ​ឈានមុខ​គេ និង​ជា​ផ្នែក​មួយ​នៃ​ក្រុមហ៊ុន Ascend Money ដែលជា​ក្រុមហ៊ុន​ផ្ដល់​សេវា​ហិរញ្ញវត្ថុ​ឌីជីថល​បុត្រ​សម្ព័ន្ធ​របស់​ក្រុមហ៊ុន Charoen Pokphand Group (CP Group) និង​ក្រុមហ៊ុន Ant Financial (Alibaba) ដែលជា​ក្រុមហ៊ុន​ពីរ​ធំជាងគេ​បំផុត​នៅ​តំបន់​អាស៊ី​។ TrueMoney Group គឺជា​ផ្លែ​ត​ហ្វ​ម​ហិរញ្ញវត្ថុ​ដ៏​ពេញនិយម​បំផុត​មួយ​នៅ​អាស៊ីអាគ្នេយ៍ នាពេល​បច្ចុប្បន្ន​។ ទ្រូ​ម៉ាន់​នី បាន​ពង្រីក​វត្តមាន​ក្នុង​ទីផ្សារ​របស់ខ្លួន​ពី ១​ប្រទេស​ទៅជា ៦​ប្រទេស ក្នុង​រយៈពេល​ដ៏​ខ្លី​បំផុត​។​

​បច្ចុប្បន្ន ទ្រូ​ម៉ាន់​នី មាន​ប្រតិបត្តិការ​យ៉ាងរឹងមាំ​នៅក្នុង​ប្រទេស​ថៃ កម្ពុជា មី​យ៉ាន់​ម៉ា ឥណ្ឌូនេស៊ី វៀតណាម និង​ហ្វីលីពីន​។ បច្ចុប្បន្ន ទ្រូ​ម៉ាន់​នី មាន​បណ្ដាញ​ភ្នាក់ងារ​ធំជាងគេ​បង្អស់​ក្នុង​តំបន់​អាស៊ីអាគ្នេយ៍ ដោយមាន ៦៥.០០០ ភ្នាក់ងារ និង​មាន​បរិមាណ​ទូទាត់​ប្រាក់​ច្រើនជាងគេបង្អស់ ពោលគឺ​ចំនួន ៨ ពាន់​លាន​ដុល្លារ​អាមេរិក ក្នុង​ឆ្នាំ​២០១៩​។ លើសពីនេះ កម្មវិធី​ទូរស័ព្ទ TrueMoney Wallet ឈរ​នៅ​លំដាប់​ទី​១ នៃ​កម្មវិធី E-wallet ទាំងអស់​ក្នុងប្រទេស​ថៃ​៕​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ក្រុង​ប៉ោយ​ប៉ែត​រង​ការជន់លិច​ ក្រោយ​ភ្លៀង​ជាង​៤​ម៉ោង​

ព័ត៌មានជាតិ៣ ម៉ោង មុន

ចៅ​ហ្វាយ​ស្រុក​បន្ទាយ​ស្រី​បញ្ជាក់​ពី​កា​រភាន់​ច្រឡំថា​ អ្នក ឧកញ៉ា ឡេង ណាវ៉ាត្រាទិញ​ដី​មិន​ស្រប​ច្បាប់​

ព័ត៌មានជាតិ៤ ម៉ោង មុន

ចៅ​អធិការ​វត្ត​មួយ​ក្នុង​ស្រុក​បាទី​​ឆ្លងកូវីដ១៩ ​គ្រូពេទ្យ​ចុះ​​តេស្ត​ព្រះសង្ឃ​​តា​ជី​យាយ​ជី​​ ៥១​ អង្គ/នាក់​​​​​

ព័ត៌មានជាតិ៥ ម៉ោង មុន

កងរាជអាវុធហត្ថ ស្ទាក់ចាប់រថយន្តសាំយ៉ុង២គ្រឿង ដឹកធ្យូង និងឈើគ្រញូង

ជីវិតកម្សាន្ដ៥ ម៉ោង មុន

ទោះបីបាត់បង់ជីវិត តែតារាកំប្លែង ៥ដួងនេះបានបន្សល់ទុកកេរ្តិ៍ឈ្មោះល្បីរន្ធឺសម្រាប់អ្នកគាំទ្រ

Sokha Hotels

ព័ត៌មានពេញនិយម

Helistar Cambodia - Helicopter Charter Services