Connect with us

ព័ត៌មានជាតិ

ជនសង្ស័យ៥នាក់ មានទាំងអ្នក ជក់ និងអ្នកលក់គ្រឿងញៀនត្រូវបានកម្លាំងសមត្ថកិច្ចបង្រ្កាប

បានផុស

នៅ

ខេត្តបន្ទាយមានជ័យ៖ កម្លាំងនគរបាលការិយាល័យ ប្រឆាំងគ្រឿងញៀនរៀបចំសំណុំរឿង បញ្ជូន ជនសង្ស័យទាំង៥នាក់ និងវត្ថុតាង ទៅសាលាដំបូងខេត្តបន្ទាយមានជ័យ ដើម្បីចាត់ការតាមនិតិវិធីច្បាប់ នៅថ្ងៃទី២០ ខែកក្កដាឆ្នាំ២០២១ នេះ។ ជនសង្ស័យ៥នាក់ក្នុងនោះមានទាំងអ្នកជក់ និងអ្នកលក់ជាទ្រង់ទ្រាយធំត្រូវកម្លាំង​នគរបាល​ស្រុក​មង្គលបូរីបង្រ្កាបបាននៅ ត្រង់ចំណុចផ្លូវលំ ក្នុងភូមិនាងកេត ឃុំប្ញស្សីក្រោក និង ឃុំបន្ទាយនាង ស្រុកមង្គលបូរី ខេត្តបន្ទាយមានជ័យ នៅថ្ងៃទី១៨ ខែកក្កដានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ស៊ិន ណារ៉ាក់ អធិការនគរបាល ស្រុកមង្គលបូរី បានឱ្យដឹងថា ការឃាត់ខ្លួនជនសង្ស័យ ទាំង៥នាក់ក្នុងនោះមានអ្នកជក់ និងអ្នកលក់ ជាទ្រង់ទ្រាយធំនោះ អនុវត្តតាមបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ទើបកម្លាំងនរបាលជំនាញប្រឆាំងបទល្មើសគ្រឿងញៀន នៃអធិការដ្ឋាននគរបាលស្រុកមង្គលបូរីចុះ បង្រ្កាបជនសង្ស័យបានជាបន្តបន្ទាប់បានចំនួន៥នាក់។

ក្នុងនោះមាន ទី១ ឈ្មោះពៅ កំពត ហៅ ប៊ូ ភេទប្រុស អាយុ១៩ឆ្នាំ នៅភូមិភ្នំ ឃុំបន្ទាយនាង ស្រុកមង្គលបូរី ខេត្តបន្ទាយមានជ័យ ជាមុខអ្នកលក់ថ្នាំញៀន ទី២ ឈ្មោះ ទូច ពេជ្រ ភេទប្រុស អាយុ២៥ឆ្នាំ នៅភូមិចំកាតតាដោក ឃុំប្ញស្សីក្រោក ស្រុកមង្គលបូរី ខេត្តបន្ទាយមានជ័យ ទី៣ ឈ្មោះ ហឿយ សេងហាក់ ភេទប្រុស អាយុ១៥ឆ្នាំ នៅភូមិចំកាតតាដោក ឃុំប្ញស្សីក្រោក ស្រុកមង្គលបូរី ខេត្តបន្ទាយមានជ័យ ទាំង២នាក់នេះជាអ្នកជក់ ចំណែកទី៤ ឈ្មោះ ថន នឿន ហៅ ហាន ភេទប្រុស អាយុ៣៤ឆ្នាំ នៅភូមិនាងកេត ឃុំប្ញស្សីក្រោក ស្រុកមង្គលបូរី ខេត្តបន្ទាយមានជ័យ ជាអ្នកលក់ថ្នាំញៀនធ្លាប់ជាប់ពន្ធនាគារចំនួន១លើក និងទី៥ ឈ្មោះ ថន អ៊ុនតាក់ ភេទប្រុស អាយុ២៨ឆ្នាំ នៅភូមិនាងកេត ឃុំប្ញស្សីក្រោក ស្រុកមង្គលបូរី ខេត្តបន្ទាយមានជ័យ អ្នកផ្សំគំនិតក្នុងករណីលក់ថ្នាំញៀន។

ក្នុងនោះសមត្ថកិច្ចបានធ្វើការដកហូតវត្ថុតាងថ្នាំញៀនម្សៅក្រាមពណ៌សថ្លា ចំនួន៥កូនថង់ មានទម្ងន់១០៧.០៤ក្រាម ថ្លឹងទាំងសំបក ប្រាក់ខ្មែរចំនួន១២ម៉ឺនរៀល និងទូរស័ព្ទដៃ១គ្រឿង។

លោកអធិការបានបញ្ជាក់ថា នៅចំពោះមុខសមត្ថកិច្ចជនសង្ស័យទាំង៥នាក់ បានសារភាពថា ពួកខ្លួនពិតជាអ្នកលក់ថ្នាំញៀន និងអ្នកជក់ផងដែរ៕

អត្ថបទ៖ វ៉ាន់ ណាង​​​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ នាទី មុន

កុំ​ភ្លេច​ត្រៀម CV! ស្អែក​នេះ ឱកាស​ការងារ​ថ្មី​បន្ថែមទៀត​ជិត ៥០០ កន្លែង​ក្នុង​វេទិកា​ការងារ​របស់ NEA

ព័ត៌មានជាតិ៣១ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​ស្តីពី​សុវត្ថិភាព​អគ្គិភ័យ​នៅតាម​សហគ្រាស គ្រឹះស្ថាន

ព័ត៌មានជាតិ៣ ម៉ោង មុន

រដ្ឋមន្ត្រីពាណិជ្ជកម្មកូរ៉េ សរសើរថាកម្ពុជារីកចម្រើនឆាប់រហ័ស និងបង្ហាញបំណងពង្រីក បណ្តាក់ទុនវិនិយោគបន្ថែម

បច្ចេកវិទ្យា៣ ម៉ោង មុន

អ្នកជំនាញនិយាយថា “យុគមាសរបស់ Apple នៅក្នុងប្រទេសចិនបានបញ្ចប់ហើយ”

សេចក្ដីជូនដំណឹង៤ ម៉ោង មុន

ការលក់សំបុត្រថ្ងៃសុក្ររបស់ក្រុមហ៊ុន Vietjet មានតម្លៃកាន់តែទាបសម្រាប់ការធ្វើដំណើរទៅប្រទេសវៀតណាម និងគោលដៅធ្វើដំណើរផ្សេងៗទៀតពេញមួយឆ្នាំ

Sokha Hotels

ព័ត៌មានពេញនិយម