ក្រុងបាត់ដំបងរយៈពេល១០ថ្ងៃចាក់វ៉ាក់សាំងកូវីដ-១៩បានជាង ៨ ម៉ឺននាក់
Connect with us
Helistar Cambodia - Helicopter Charter Services

ព័ត៌មានជាតិ

ក្រុងបាត់ដំបងរយៈពេល១០ថ្ងៃចាក់វ៉ាក់សាំងកូវីដ-១៩បានជាង ៨ ម៉ឺននាក់

បានផុស

នៅ

បាត់ដំបង៖ រដ្ឋបាលក្រុងបាត់ដំបងបានប្រកាសឱ្យដឹងថា គិតមកដល់ថ្ងៃទី២២ ខែកក្កដា ឆ្នាំ២០២១​នេះ ដំណើរការចាក់វ៉ាក់សាំងជូនប្រជាពលរដ្ឋ អាជីវករ ពាណិជ្ជករ និងព្រះសង្ឃ តាជី យាយជី ទូទាំងក្រុងបាត់ដំបងសម្រេចបានជាង ៨ ម៉ឺននាក់ហើយ ក្នុងចំណោមប្រជាពលរដ្ឋ ១០ ម៉ឺននាក់ ដែលជាគោលដៅចាក់វ៉ាក់សាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លាង វាសនា អភិបាលរងក្រុងបាត់បានឱ្យដឹងថា រដ្ឋបាលក្រុងបាត់ដំបងបានបើកយុទ្ធនាការចា់វ៉ាក់សាំងបង្ការជំងឺឆ្លងកូវីដ-១៩ នៅសង្កាត់ទាំង១០ ក្នុងក្រុងបាត់ដំបង ដោយចែកចេញជា ៨ មណ្ឌលទៅតាមសង្កាត់នីមួយៗ ដោយដំណើរការព្រមៗគ្នា។ គោលដៅប្រជាពលរដ្ឋដែលត្រូវចាក់វ៉ាក់សាំងនេះមានចំនួនប្រមាណ ១០ ម៉ឺននាក់ ដែលមាន អាជីវករ ពាណិជ្ជករ និង ព្រះសង្ឃ តាជី យាយជី ព្រមទាំងជនបរទេសដែលកំពុងស្នាក់នៅ និងធ្វើការនៅក្នុងក្រុងបាត់ដំបង។

លោក លាង វាសនា បានបញ្ជាក់ថា គិតចាប់ពីថ្ងៃទី១២ ដែលជាថ្ងៃចាប់ផ្តើមបើកយុទ្ធនាការចាក់វ៉ាក់សាំងរហូត ដល់ថ្ងៃ ២២ ខែកក្កដានេះ ក្រុមគ្រូពេទ្យ យុវជន ស.ស.យ.ក ក្រុង សង្កាត់ យុវជនស្ម័គ្រចិត្ត កងកម្លាំងប្រដាប់អាវុធទាំងបីប្រភេទ ពិសេសអាជ្ញាធរសង្កាត់ និងក្រុងបានបែងចែកកម្លាំងគ្នាចុះតាមមណ្ឌលដើម្បី រៀបចំដំណើរការចាក់វ៉ាក់សាំងដូសទី១ ប្រព្រឹត្តដោយរលូន និង បង្កលក្ខណៈងាយស្រួលដល់បងប្អូនប្រជាពលរដ្ឋមកទទួលវ៉ាក់សាំង ដោយគោរពទៅតាមវិធាន របស់ក្រសួងសុខាភិបាល ពាក់ម៉ាស់ រក្សាគម្លាត និង បាញ់អាលកុល។

គិតត្រឹមថ្ងៃទី២២ ខែកក្កដា ឆ្នាំ២០២១នេះ ក្រុមគ្រូពេទ្យចាក់វ៉ាក់សាំងជូប្រជាពលរដ្ឋសរុបបានប្រមាណជាង៨ម៉ឺននាក់ អាចបញ្ចប់ការចាក់វ៉ាក់សាំងដូសទី១ រយៈពេល២ ឬ៣ថ្ងៃទៀតប៉ុណ្ណោះ។ បន្ទាប់មករយៈ ២១ ថ្ងៃក្រោយការចាក់ដូសទី១ រដ្ឋបាលក្រុងនឹងបន្តចាក់វ៉ាក់សាំងដូសទី២ ជូនពលរដ្ឋបន្តទៀត​​។ ដើម្បីសម្រួល ដល់ពលរដ្ឋដែលមិនទាន់បានចាក់វ៉ាក់សាំងដូសទី១ រដ្ឋបាលក្រុងសម្រេចរក្សាទុកមណ្ឌលចត្តាឡីស័កមួយគឺមណ្ឌលចត្តាឡីស័កស្វាយប៉ោ សម្រាប់ទុកចាក់វ៉ាក់សាំងបន្តរហូតដល់ពេលចាក់វ៉ាក់សាំងដូសទី២ បានបញ្ចប់រួចរាល់៕

អត្ថបទ៖ ណារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services