លោកស្រីឱ វណ្ណឌីន៖ អ្នកអត់ចាក់វ៉ាក់សាំងឆ្លងវីរុសបំប្លែងថ្មីដែលតា អាចប្រឈម​ការបាត់បង់​​ជីវិត
Connect with us
Helistar Cambodia - Helicopter Charter Services

ព័ត៌មានជាតិ

លោកស្រីឱ វណ្ណឌីន៖ អ្នកអត់ចាក់វ៉ាក់សាំងឆ្លងវីរុសបំប្លែងថ្មីដែលតា អាចប្រឈម​ការបាត់បង់​​ជីវិត

បានផុស

នៅ

ភ្នំពេញ៖ លោកស្រី​វេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះ​កិច្ចចាក់វ៉ាក់សាំងកូវីដ១៩ ក្នុងក្របខ័ណ្ឌទូទាំងប្រទេសបានមានប្រសាសន៍ថា អ្នកដែលអត់បានចាក់វ៉ាក់សាំងការពារជំងឺកូវីដ១៩ហើយបានឆ្លងវីរុសបំប្លែងថ្មីដែលតា គឺមានសភាពធ្ងន់ធ្ងរ និងអាចឈានដល់បាត់បង់ជីវិតទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងប្រាប់អ្នកសារព័ត៍មានកាលពីថ្ងៃទី២៧កក្កដា លោកស្រីបន្តថា វីរុសដែលតានេះ​បើឆ្លងលើអ្នកអត់ទាន់បាន​ចាក់​វ៉ាក់សាំងទេ គឺធ្ងន់ធ្ងរឈានទៅរកសេចក្តីស្លាប់ តែបើអ្នកចាក់រួចហើយមានឆ្លងវីរុសនេះមានសភាពស្រាលជាងនិងអាចជាសះស្បើយ។

អីចឹងហើយបានជានៅលើពិភពលោកក៏ដូចជាកម្ពុជា តែងតែជំរុញឱ្យប្រជាពលរដ្ឋទៅចាក់វ៉ាក់សាំងការពារជំងឺ​កូវីដ១៩ ដោយសារវ៉ាក់សាំងនេះអាចជួយឱ្យអ្នកឆ្លងជំងឺកូវីដ១៩ពីធ្ងន់ធ្ងរមកកម្រិតស្រាល និងបង្កើតភាពស៊ាំនៅក្នុងសហគមន៍ទៀតផង។

លោកស្រីបានបន្ថែមថា ចំពោះអ្នកស្លាប់បាត់បងជីវិតដោយសារជំងឺកូវីដ១៩ភាគច្រើន ទៅលើមនុស្សដែលមានវ័យចំណាស់ អ្នកមានជំងឺប្រចាំកាយដូចជាជំងឺសួត រ៉ាំរ៉ៃ ជំងឺលើសសំពាធឈាមខ្ពស់ ជំងឺទឹកនោមផ្អែម ជំងឺបេះដូងនិងជំងឺរ៉ាំរ៉ៃផ្សេងៗទៀត។

លោកស្រីបានបញ្ជាក់ថា ក្រៅពីនេះក្នុងចំណោមអ្នកស្លាប់ទាំងនោះក៏អាចមកពីការបញ្ជួនអ្នកជំងឺទៅព្យាបាលបាន​មាន​ភាព​យឺតយ៉ាវ និងអ្នកខ្លះទៀតជាអ្នកដែលមិនទាន់បានចាក់វ៉ាក់សាំងផងដែរ។

លោកស្រីវេជ្ជបណ្ឌិត ឱវណ្ណឌីន បានណែនាំដល់ប្រជាពលរដ្ឋពិសេសគ្រួសារនីមួយៗ ត្រូវយកចិត្តទុកដាក់និង​ត្រូវ​ទទួលខុសត្រូវកុំនាំវីរុសកូវីដ១៩ទៅចម្លងដល់ឪពុកម្តាយ ប្រពន្ធកូននិងសាច់ញាតិរបស់ខ្លួន ដោយសារ​តែការសប្បាយភ្លេច​ខ្លួន មិនបានការពារខ្លួននិងកុំឱ្យមានវិប្បដិសារីទៅថ្ងៃក្រោយ។ ដូច្នេះបុគ្គលម្នាក់ៗត្រូវទទួលខុសត្រូវខ្ពស់ព្រោះថាមិនមានអ្នកណាម្នាក់ទៅការពារជំងឺកូវីដ១៩ជំនួសយើងបានទេក្រៅពីខ្លួនយើងនោះ។

គួរបញ្ជាក់ថា ចាប់ពីថ្ងៃទី៣១ខែមីនារហូតមកដល់ថ្ងៃទី២៥ខែកក្កដាឆ្នាំ២០២១ កម្ពុជាមានអ្នកឆ្លងវីរុសបំប្លែងខ្លួន​​ថ្មីដែលតាចំនួន១១៤នាក់ស្ត្រី៥៩នាក់ ភាគច្រើនឆ្លងទៅលើអ្នកដំណើរមកពីក្រៅប្រទេស៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

សមត្ថកិច្ច​ខេត្តសៀមរាប​ឃាត់ខ្លួន​មនុស្ស​៧​នាក់​ ករណី​ល្មើស​បម្រាម​កូ​វីដ១៩​និង​ប្រើប្រាស់​សារធាតុ​ញៀន

នយោបាយ៩ ម៉ោង មុន

ព្រះអង្គម្ចាស់​ក្ស​ត្រី​យ៍ នរោត្តម ម៉ា​រី បដិសេធ​មិន​ពាក់ព័ន្ធ​ជាមួយ​ការយក​ត្រា​របស់​គណបក្ស​ហ៊្វុនស៊ិនប៉ិច

ព័ត៌មានជាតិ៩ ម៉ោង មុន

ក្រុម​ឆក់​យ៉ាងសកម្ម​ជាច្រើនលើក ចំនួន​៧​នាក់ ត្រូវបាន​កម្លាំង​នគរបាល​ខេត្ត​កែប សហការ​បង្ក្រាប​និង​ឃាត់ខ្លួន

កូវីដ-១៩១០ ម៉ោង មុន

បិទ​ខ្ទប់​វត្ត​ពោធិ​លង្ការ ក្រុង​សៀមរាប ដោយសារ​ផ្ទុះ​ការឆ្លង​ជំងឺ​កូ​វីដ​-១៩ ក្នុង​មន្ត្រី​សង្ឃ​វត្ត​

ព័ត៌មានជាតិ១០ ម៉ោង មុន

ស្អែកនេះ​ ​កម្ពុជា នឹង​ផ្តល់​វ៉ាក់សាំង​ Sinovac ២០​ម៉ឺនដូស ដល់ប្រទេសឡាវ​

Sokha Hotels

ព័ត៌មានពេញនិយម

Helistar Cambodia - Helicopter Charter Services