កាប់២កាំបិត រួច​គេចខ្លួនបាត់ ដោយសារ​ផឹកស្រវឹង​ស្មាន​តែ​គេ​លួច​ជេរ

ខេត្តបន្ទាយមានជ័យ៖ យុវជនម្នាក់ស្រែហៅរកប្រពន្ធ ស្រាប់​តែ​ជនបង្កកំពុងផឹកស្រាស្មានតែស្រែកជេរដាក់ខ្លួនទាញកាំបិតកាប់២កាំបិតរួចគេចខ្លួនបាត់ នៅវេលាម៉ោង៦យប់ថ្ងៃទី ២៥ ខែវិច្ឆិកា ឆ្នាំ២០២០ នៅក្នុងភូមិអូរប្រាសាទឃុំ អូរប្រាសាទ ស្រុកមង្គលបូរី ខេត្តបន្ទាយមានជ័យ។

នគរបាលមូលដ្ឋានបានឲ្យដឹងថា ជនដៃដល់មានឈ្មោះ ហុង ហួច ភេទប្រុសអាយុឆ្នាំ៣៧ រស់នៅភូមិអូរប្រាសាទឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ។ ចំណែកជនរងគ្រោះឈ្មោះ ទូច ផង់ ភេទប្រុសអាយុ២៥ឆ្នាំ នៅភូមិជាមួយគ្នា។

នគរបាលមូលដ្ឋានបានឲ្យដឹងបន្តទៀតថា តាមការឲ្យដឹងពីជនរងគ្រោះ នៅមុនពេលកើតហេតុ ខ្លួនបានដើរស្រែកហៅរកប្រពន្ធពីចម្ងាយ ជនបង្កឈ្មោះហុង ហួច កំពុងតែផឹកស្រាស្មានតែស្រែកជេរខ្លួន ក៏ទាញកាំបិតហាន់ដើមចេកប្រវែងកន្លះម៉ែត្រ កាប់សំដៅមកលើខ្លួនត្រូវចំក្បាលលើសៀតថ្កាខាងឆ្វេង១កាំបិតនិង ស្មា១កាំបិតរងរបួសធ្ងន់ ត្រូវបានសាច់ញាតិដឹកបញ្ជូនមកព្យាបាលនៅមន្ទីរពេទ្យបង្អែកមិត្តភាពកម្ពុជា ជប៉ុន នៅស្រុកមង្គលបូរី ។

នគរបាលមូលដ្ឋានបានបញ្ជាក់ឲ្យដឹងទៀតថា ក្រោយពីធ្វើសកម្មភាពរួច ជនដៃដល់បានរត់គេចខ្លួន នៅពេលនេះសមត្ថកិច្ចកំពុងស្រាវជ្រាវ ចាប់ជនដៃដល់ដើម្បីយកមកចាត់ការតាមនិតិវិធីច្បាប់ហើយ៕

អត្ថបទ៖ វ៉ាន់ ណាង