បុរសម្នាក់​សង្ស័យ​បែកថ្នាំ​ ចូល​ទៅ​ប៉ុស្តិ៍​ប៉ូលិស​ស្រែក​គំរាម​សម្លាប់​ប៉ូលិស​ប៉ុស្តិ៍​ចោល​ទាំងអស់ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានជាតិ

បុរសម្នាក់​សង្ស័យ​បែកថ្នាំ​ ចូល​ទៅ​ប៉ុស្តិ៍​ប៉ូលិស​ស្រែក​គំរាម​សម្លាប់​ប៉ូលិស​ប៉ុស្តិ៍​ចោល​ទាំងអស់

Published

on

កណ្តាល ​៖ បុរស​ម្នាក់​មិនដឹង​មាន​គំនុំ​រឿង​អ្វី ឬ មាន​បញ្ហា​អ្វី ទេ ស្រាប់តែ​ចូល​ទៅ​ក្នុង​ប៉ុស្តិ៍នគរបាល​រដ្ឋបាល​ដើម​ឫស ស្ថិតនៅ​ភូមិ​រលួស ឃុំ​ដើម​ឫស ស្រុក​កណ្ដាលស្ទឹង ខេត្តកណ្ដាល រួច ស្រែក​គំរាម ថា «​អញ​នឹង​សម្លាប់​ប៉ូលិស​ប៉ុស្តិ៍​ចោល​ទាំងអស់​»។

ហេតុការណ៍​នេះ កើតឡើង​កាលពី​វេលា​ម៉ោង​២០៖៣០​នាទី យប់​ថ្ងៃទី​២២ ខែតុលា ឆ្នាំ​២០២០។ យោង​តាម​របាយការណ៍​របស់​ប៉ូលិស​ស្រុក​កណ្តាល​ស្ទឹង បាន​ឲ្យ​ដឹង​ថា ជនសង្ស័យ​ឈ្មោះ ខាត់ សុខា ភេទ​ប្រុស អាយុ​៣២​ឆ្នាំ មុខរបរ​មិន​ពិតប្រាកដ មាន​ផ្ទុក​សារធាតុ​ញៀន។

នៅ​មុន​ពេល​កើតហេតុ ជនសង្ស័យ​បាន​ជិះ​ម៉ូតូ​ជាមួយ​មិត្តភក្តិ​ម្នាក់ទៀត​ឈ្មោះ ឡុង មក​ឈប់​នៅ​ជិត​ប៉ុស្តិ៍នគរបាល​រដ្ឋបាល​ឃុំ ដើម​ឫស រួច​ឈ្មោះ ឡុង បាន​ជិះ​ម៉ូតូ​ចេញទៅ​បាត់។ ចំណែក ជនសង្ស័យ​បាន​ដើរ​សំដៅ​ចូល​ទៅ​ក្នុង​ប៉ុស្តិ៍​ប៉ូលិស រួច​ស្រែ​ជេរ ឡូឡា​ថា «​អញ​នឹង​សម្លាប់​ប៉ូលិស​ប៉ុស្តិ៍​ចោល​ទាំងអស់​»។

ភ្លាម​នោះ កម្លាំង​ប៉ុស្តិ៍នគរបាល​បាល​រដ្ឋបាល​ដើម​ឫស បាន​ចេញ​មក​សួរនាំ ហើយ​ជនសង្ស័យ បាន​ស្រែក​សួរ​ថា «​អា​ធារ៉ា មេ​ប៉ុស្តិ៍​វា​ទៅណា អញ​សម្លាប់​វា​ចោល​» រួច​ជនសង្ស័យ​ក៏​ស្ទុះ​ទៅ​វាយ​កញ្ចក់​ប៉ុស្តិ៍​បែក​អស់​ចំនួន​២​ផ្ទាំង និង ស្រែក​ថា​នឹង​សម្លាប់​ប៉ូលិស​ឲ្យ​ងាប់​ទាំងអស់។

ភ្លាម​នោះ លោកនាយ​ប៉ុស្តិ៍នគរបាល​រដ្ឋ​ឃុំ​ដើម​ឫស បាន​ធ្វើការ​ឃាត់ខ្លួន​ជនសង្ស័យ​បញ្ជូនមក​អធិការដ្ឋាន​នគរបាល​ស្រុក​កណ្តាលស្ទឹង តែម្តង ដើម្បី​កសាង​សំណុំរឿង បន្ត​ចាត់ការ​តាម​នីតិវិធី​ច្បាប់៕
ដោយ ៖ មុនី

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services