ព័ត៌មានជាតិ
លោកស្រី ឱ វណ្ណឌីន៖ ប្រជាពលរដ្ឋ និងកុមារ ចាក់វ៉ាក់សាំងដូសទី១ បានជាង ១៣ លាននាក់
លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល មានប្រសាសន៍ថា គិតត្រឹមថ្ងៃទី១០ ខែតុលា ឆ្នាំ២០២១នេះ ក្រុមការងារបានចាក់វ៉ាក់សាំងកូវីដ-១៩ ជូនប្រជាពលរដ្ឋ និងកុមារ សម្រាប់ដូសទី១ បានចំនួន ជាង ១៣ លាននាក់ ក្នុងនោះស្រីជាង ៦ លាននាក់ ដោយនៅរាជធានីភ្នំពេញ ចាក់បានចំនួនជាង ២លាននាក់។
ការបញ្ជាក់របស់លោកស្រី វេជ្ជបណ្ឌិត ឱ វណ្ណឌិន ខាងលើនេះ បានធ្វើឡើងកាលពីព្រឹកថ្ងៃទី១១ ខែតុលានេះ ខណៈដែលលោកស្រីបានអញ្ជើញចូលរួម ក្នុងពិធីបើកយុទ្ធនាការចាក់វ៉ាក់សាំងដួសទី៣ នៅបរិវេណបញ្ជាការដ្ឋានកងពលលេខ៧០ (ចោមចៅ) ក្រោមអធិបតីភាពដ៏ខ្ពង់ខ្ពស់របស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ។
លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធាន គណៈកម្មការចំពោះកិច្ចចាក់វ៉ាក់សាំងកូវីដ-១៩ បានបញ្ជាក់ឱ្យដឹងថា អនុវត្តតាមអនុសាសន៍ដ៏ខ្ពង់ខ្ពស់របស់ សម្ដេចអគ្គមហាសេនាបតីតេជោ ហ៊ុន សែន គិតត្រឹមថ្ងៃទី១០ ខែតុលា ឆ្នាំ២០២១នេះ ក្រុមការងារនៃការចាក់វ៉ាក់សាំងបានចាក់វ៉ាក់សាំងដុសទី១ ជូនដល់បុគ្គលិកស្ថានទូត មន្ត្រីរាជការ មន្ត្រីជាប់កិច្ចសន្យា កម្មករ កម្មការិនី ប្រជាពលរដ្ឋ និងកុមារ សរុប បានចំនួន ១៣.៤៩២.៤០៦ នាក់ ក្នុងនោះស្រីចំនួន ៦.៧៦៦.២៣៦ នាក់។
លោកស្រីវេជ្ជបណ្ឌិត ឱ វណ្ណឌីន មានប្រសាសន៍បន្តថា សម្រាប់រាជធានីភ្នំពេញមានចំនួន ២.១៧៥.៧៩៦ នាក់ ដោយក្នុងចំនួននេះមានប្រជាពលរដ្ឋដែលមានអាយុចាប់ពី១៨ឆ្នាំឡើង បានចាក់វ៉ាក់សាំងដុសទី១ បានចំនួន ៩.៩១៦.៩១១ នាក់ ចាក់វ៉ាក់សាំងគ្រប់ដុសបានចំនួន ៩.៥៣៥.៨១៩ នាក់ ស្រី៤.៧៩៣.៧៦១ នាក់ ចាក់ដុសជម្រុញ ៩២៣.២៥៩ នាក់ ស្រី ៣៤១.៦១៨ នាក់ ក្នុងនោះក្រុមគ្រូពេទ្យក្រសួងការពារជាតិ ចាក់វ៉ាក់សាំងដុសទី១បានចំនួនសរុប ២.៧៥៩.៨៤៤ នាក់ ស្រី ១.៤០២.៧២៨ នាក់។
លោកស្រីបញ្ជាក់ថា បច្ចុប្បន្ននេះកងទ័ពបាន និងកំពុងចាក់សាំងជូនប្រជាពលរដ្ឋចាប់ពីអាយុ ៦ ឆ្នាំដល់ក្រោម ១៨ ឆ្នាំគិតត្រឹមថ្ងៃទី១០ ខែតុលានេះ បានចំនួនសរុប ៣.៥៧២.៤៩៥ នាក់ ភ្នំពេញមានចំនួន ៤៣៦.២៦៨ នាក់៕
ស្រីរ័ត្ន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ