ព័ត៌មានជាតិ
ប្រឡងឌីប្លូមខាងមុខ ក្រសួងអប់រំចេញគោលការណ៍ ឲ្យគ្រប់បុគ្គលិកអប់រំត្រូវអនុវត្ត
ក្រសួងអប់រំយុវជននិងកីឡា បានហាមបុគ្គលិកអប់រំ ដែលមិនទាន់បានចាក់វ៉ាក់សាំងឬមិនមានកាតចាក់វ៉ាក់សាំង មិនទាន់អនុញ្ញាតឱ្យចូលរួមការប្រឡង សញ្ញាបត្រមធ្យមសិក្សាបឋមភូមិឬឌីសប្លូមឡើយ។
យោងតាមសេចក្តីណែនាំរបស់ក្រសួងអប់រំយុវជននិងកីឡាពីកម្មវិធីប្រឡងសញ្ញាបត្រមធ្យមសិក្សាបឋមភូមិ សម័យប្រឡង ១៥ វិច្ឆិកា២០២១ ចុះថ្ងៃទី២៨តុលាបានឱ្យដឹងថា បុគ្គលិកអប់រំ ដែលមិនទាន់បានចាក់វ៉ាក់សាំង ឬមិនមានកាតចាក់វ៉ាក់សាំង មិនទាន់អនុញ្ញាតឱ្យចូលបន្ទប់ប្រឡងឡើយ និងត្រូវបានជំរុញ ឬលើកទឹកចិត្តឱ្យទៅទទួលវ៉ាក់សាំងការពារជំងឺកូវឹង-១៥ នៅតាមទីតាំង ដែលក្រសួងសុខាភិបាលបានកំណត់។
ក្រសួងបានបន្តថា លើកលែងចំពោះករណីដែលគ្រូពេទ្យមិនអនុញ្ញាតឱ្យចាក់វ៉ាក់សាំងបុគ្គលិកអប់រំ នៅតែអាចចូលរួមជាគណៈមេប្រយោគបាន ប៉ុន្តែត្រូវមានវិធានការការពារ ឬប្រើប្រាស់ថ្នាំព្យាបាល ដើម្បីកុំឱ្យមានការចម្លងនៅក្នុងគ្រឹះស្ថានសិក្សា។ ការអនុវត្តបែបនេះដើម្បីបង្ការជំងឺ និងគ្រោះថ្នាក់ផ្សេងៗ និងការថែទាំសុខភាពអំឡុងពេលប្រឡង ក្នុងបរិបទកូវីដ-១៩ ក្នុងន័យលើកកម្ពស់សុខភាពសិក្សា ឆ្លើយតបទៅនឹង បរិបទថ្មីដែលកំពុងវិវត្តន៍ឥតឈប់ឈរ និងមិនអាចប៉ាន់ស្មានបាន។
ក្រសួងបានណែនាំដល់នាយក នាយិកាគ្រឹះស្ថានមធ្យមសិក្សាសាធារណៈទាំងអស់ដែលមានសិស្សថ្នាក់ទី៩ ត្រូវបានកំណត់ជាមណ្ឌលត្រូវសម្អាតទីធ្លាធ្វើអនាម័យអគារ បន្ទប់ប្រឡងឱ្យបានស្អាត និងរៀបចំតុសម្រាប់បេក្ខជនចំនួន ២៥នាក់គ្រប់បន្ទប់ប្រឡងលើកលែងតែបន្ទប់ចុងក្រោយ ឬគ្រឹះស្ថានមធ្យមសិក្សាដែលមានសិស្សតិចជាង ២៥នាក់។ចំពោះគ្រឹះស្ថានមធ្យមសិក្សាដែលមានបេក្ខជនត្រឹមចំនួនមួយបន្ទប់ត្រូវយកទៅបញ្ចូលជាមួយ មណ្ឌលប្រឡងនៅជិត និងមានបេក្ខជនចំនួនច្រើន។ ករណីពិសេស ក្រសួងអនុញ្ញាតឱ្យយក គ្រឹះស្ថានមធ្យមសិក្សាសាធារណៈនោះធ្វើជាមណ្ឌលប្រឡងបាន ដោយមិនចាំបាច់ទៅចូលរួមជាមួយគ្រឹះស្ថានសិក្សាដទៃឡើយ ដើម្បីកុំឱ្យបេក្ខជនធ្វើដំណើរឆ្ងាយ។
ការប្រឡងសញ្ញាបត្រមធ្យមសិក្សាបឋមភូមិ សម្រាប់ឆ្នាំសិក្សា ២០២០-២០២១នេះ ក្រសួងអប់រំនៅតែបន្តប្រគល់សិទ្ធិអំណាច និងការទទួលខុសត្រូវទាំងស្រុងជូនគ្រឹះស្ថានមធ្យមសិក្សានីមួយៗរៀបចំ ការប្រឡង ចាប់តាំងពីការរៀបចំវិញ្ញាសា ដំណើរការសំណេរ កំណែ ស្រង់ បូកពិន្ទុ និងប្រកាសលទ្ធផល នៅតាមគ្រឹះស្ថានមធ្យមសិក្សានីមួយៗ។
គួរបញ្ជាក់ថា ការប្រឡងសញ្ញាបត្រមធ្យមសិក្សាបឋមភូមិនៅឆ្នាំនេះនឹងប្រព្រឹត្តិទៅនៅថ្ងៃទី១៥ខែ វិច្ឆិកា ២០២១និងប្រកាសលទ្ធផលប្រឡងនៅ ថ្ងៃទី២២ ខែវិច្ឆិកា ឆ្នាំ២០២១។
ចំពោះរបបពិន្ទុដែលបេក្ខជនទទួលបានជាអតិបរមាមានចំនួន៤៤៥ពិន្ទុនិងរបបពិន្ទុប្រចាំឆ្នាំ១០០ពិន្ទុសរុបពិន្ទុទាំងអស់៥៤៥ពិន្ទុ។ប៉ុន្តែដោយសារភាសាបរទេសជាវិញ្ញាសាស្ម័គ្រ។ដូចនេះពិន្ទុប្រលងជាប់គឺ៥៤៥ដក២៥រួចចែកនឹង២ស្មើនឹង២៦០ពិន្ទុសំរាប់បេក្ខជនចំណេះទូទៅនិងបំពេញវិជ្ចា។ចំពោះបេក្ខជនស្វ័យរិនពិន្ទុជាប់៤៤៥ដក២៥ចែកនឹង២ស្មើនឹង២១០ពិន្ទុ៕
អត្ថបទ៖ សំអឿន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១១ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ