ព័ត៌មានជាតិ
ក្រសួងមហាផ្ទៃសម្រេចមិនចុះបញ្ជីឲ្យ “គណបក្សបេះដូងជាតិ” នឹងដាក់ពាក្យប្ដឹងតំណាងស្ថាបនិកទៅតុលាការ
ក្រសួងមហាផ្ទៃសម្រេចមិនចុះបញ្ជីឲ្យ “គណបក្សបេះដូងជាតិ” ក្រោយពីរកឃើញភាពមិនប្រក្រតីមួយចំនួន ហើយសម្រេចដាក់ពាក្យប្ដឹងតំណាងស្ថាបនិកគណបក្សនេះទៅតុលាការ ដើម្បីចាត់វិធានការតាមផ្លូវច្បាប់ ទាក់ទងទៅនឹងការប្រើប្រាស់ឯកសារក្លែងមួយចំនួន។
នេះបើយោងតាមលិខិតរបស់សម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ដែលដាក់ជូនសម្ដេចអគ្គមហាសេនាបតីតេជោ ហ៊ុន សែននាយករដ្ឋមន្ត្រី នៃព្រះរាជាណាចក្រកម្ពុជា ដែលការិយាល័យយើង ទើបទទួលបាននៅថ្ងៃទី១២ ខែវិច្ឆិកា ឆ្នាំ២០២១ នេះ។
សម្ដេចក្រឡាហោម ស ខេង បានជម្រាបជូនសម្ដេចតេជោ ហ៊ុន សែន ថា អនុវត្តតាមចំណារដ៏ខ្ពង់ខ្ពស់របស់សម្ដេចតេជោហ៊ុន សែន ចុះថ្ងៃទី០១ ខែតុលា ឆ្នាំ២០២១ លើលិខិតរបស់ក្រសួងមហាផ្ទៃ អគ្គស្នងការដ្ឋាននគរបាលជាតិ នៃក្រសួងមហាផ្ទៃបានធ្វើការពិនិត្យ និងកោសល្យវិច័យលើស្នាមមេដៃរបស់សមាជិកគណបក្សបេះដូងជាតិចំនួន ៤៧៨១ ស្នាមមេដៃ ក្នុងនោះស្នាមមេដាយបុរសចំនួន២៤៥២ ស្នាមមេដៃ និងស្នាមមេដៃស្ត្រីចំនួន២៣២៩ ស្នាមមេដៃ។
ជាលទ្ធផលបានរកឃើញថា ស្នាមមេដាយរបស់ឈ្មោះបុគ្គលចំនួន២០ នាក់ (ស្ត្រី១០ នាក់) ខុសពីស្នាមមេដៃនៅក្នុងអត្តសញ្ញាណប័ណ្ណ, ស្នាមមេដៃរបស់បុគ្គលចំនួន២០នាក់ ផ្តិតលើឈ្មោះបុគ្គលចំនួន៥៤ នាក់ ស្ត្រី២១ នាក់, ស្នាមមេដៃរបស់បុគ្គលចំនួន៧៤ នាក់ មានភាពមិនប្រក្រតី (ក្លែងស្នាមមេដាយបុគ្គល), ស្នាមមេដៃរបស់បុគ្គលចំនួន២៨៧នាក់ ខូចគុណភាពមិនអាចធ្វើកោសល្យវិច្ច័យបាន , ស្នាមមេដៃមានភាពមិនប្រក្រតីធ្ងន់ធ្ងររបស់បុគ្គលចំនួន៥នាក់ ផ្តិតលើឈ្មោះបុគ្គលចំនួន២១ នាក់ (ម្នាក់ៗផ្តិតលើឈ្មោះបុគ្គលចាប់ពី៣ ទៅ ៥ នាក់)។
សម្ដេចក្រឡាហោម ស ខេង បានបញ្ជាក់ថា ផ្អែកលើលទ្ធផលខាងលើនេះអគ្គស្នងការដ្ឋាននគរបាលជាតិបានធ្វើការសន្និដ្ឋានថា បញ្ជីរាយនាមចូលជាសមាជិករបស់គណបក្សបេះដូងជាតិ មានការរៀបចំពីប្រភពតែមួយ ហើយរូបភាពផ្តិតស្នាមមេដៃក្នុងបញ្ជីរាយនាមចូលជាសមាជិកគណបក្សបេះដូងជាតិ មានចេតនាទុច្ចរិត បង្កើនបរិមាណចំនួនសមាជិកច្រើន (ផ្តិតស្នាមមេដៃជំនួសក្លែងបន្លំអត្តសញ្ញាណបុគ្គលនិងផ្តិតធ្វើឲ្យខូចគុណភាព)។
សម្ដេចក្រឡាហោម ស ខេង បានបញ្ជាក់ទៀតថា ផ្អែកលើមូលដ្ឋានខាងលើនេះសម្ដេចបានដឹកនាំប្រជុំផ្ទៃក្នុង ដោយមានការចូលរួមពីថ្នាក់ដឹកនាំអគ្គនាយកដ្ឋានរដ្ឋបាល អគ្គស្នងការដ្ឋាននគរបាលជាតិនិងក្រុមប្រឹក្សានីតិកម្ម ហើយយោងទៅលើស្មារតីនៃកិច្ចប្រជុំនេះ ក្រសួងមហាផ្ទៃបានសម្រេច:
ទី១, សម្រេចឲ្យអគ្គស្នងការដ្ឋាននគរបាលជាតិ ធ្វើការស្រាវជ្រាវបុគ្គលដែលមានចេតនាទុច្ចរិត ក្នុងការផ្ដិតមេដៃជំនួសការក្លែងបន្លំអត្តសញ្ញាណបុគ្គល និងការផ្ដិតមេដៃឲ្យខូចគុណភាព។
ទី២, សម្រេចដាក់ពាក្យបណ្តឹងប្ដឹងស្ថាបនិកគណបក្សបេះដូងជាតិទៅតុលាការ ដើម្បីចាត់វិធានការតាមផ្លូវច្បាប់ ។
ទី៣, សម្រេចបដិសេធសំណើសុំចុះបញ្ជីគណបក្សបេះដូងជាតិក្នុងបញ្ជីគណបក្សនយោបាយនៅក្រសួងមហាផ្ទៃ។
សូមបញ្ជាក់ថា កាលពីថ្ងៃទី១៥ ខែកញ្ញា ឆ្នាំ២០២១ ក្រសួងមហាផ្ទៃ ធ្លាប់បានជម្រាបទៅលោក សៀម ភ្លុក តំណាងស្ថាបនិកគណបក្សបេះដូងជាតិ ដើម្បីឲ្យធ្វើការកែសម្រួលខ្លឹមសារនៃលក្ខន្តិកៈគណបក្ស ប៉ុន្តែគណបក្សនេះ នៅតែមិនអនុវត្តតាមស្មារតី នៃលិខិតជូនដំណឹងរបស់ក្រសួងមហាផ្ទៃឡើយ៕
ដោយ ៖ កោះកែវ
មន្ត្រីជំនាញពន្យល់ពីគ្រោះថ្នាក់ពីការប្រើជីគីមីនិងថ្នាំពុលហួសកម្រិត
១០ មុខម្ហូបនេះមើលទៅអន់សម្រស់ តែឱជារសមិនធម្មតាឡើយ
ទាស់ពាក្យសម្ដីក្នុងហ្វូងផឹកស៊ី បុរស៣នាក់ វាយបុរសម្នាក់ស្លាប់សមត្ថកិច្ចចាប់បានម្នាក់
G7 ដាក់គោលដៅរកប្រាក់៦០០ប៊ីលានដុល្លារទប់ទល់នឹងគម្រោងយក្សរបស់ចិន
រន្ទះបាញ់ស្លាប់ ស្ត្រីពោះធំ ៨ ខែ ចេញពីផ្ទះទៅរាវខ្យង
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ជីវិតកម្សាន្ដ៤ ថ្ងៃ មុនហេង សុទ្ធនិស្ស័យ លំដាប់រងទី ១ Miss Universe Cambodia មានប្រវត្តិជោគជ័យមិនធម្មតា
-
ជីវិតកម្សាន្ដ៥ ថ្ងៃ មុនដឹងប្រវត្តិកូនប្រុស-ស្រី តារាជើងចាស់ ៧ រូបនេះហើយ ពិតជាស្ងើចសរសើរមិនខាន
-
ជីវិតកម្សាន្ដ៣ ថ្ងៃ មុនក្រោយធ្លាយថា Weir ត្រៀមនឹងរៀបការឆាប់ៗ អ្នកគ្រប់គ្រងចេញមុខឆ្លើយតបភ្លាម
-
ជីវិតកម្សាន្ដ៦ ថ្ងៃ មុនតែកន្លះឆ្នាំសោះ តារាស្រី ថៃ ៣គូ ប្រកាសផ្ដាច់ទំនាក់ទំនងជាមួយមិត្តប្រុស
-
KPT+៣ ថ្ងៃ មុនប្រឡូកសិល្បៈ១៤ឆ្នាំ គ្មានអ្នកនឹកស្មានថា Ariana Grande ទទួលបានសមិទ្ធផលច្រើនដល់ម្លឹង
-
ជីវិតកម្សាន្ដ៦ ថ្ងៃ មុនឃើញរង្វាន់ Miss Universe Vietnam 2022 ទើបដឹងថា អស្ចារ្យប៉ុនណា
-
សន្តិសុខសង្គម៣ ថ្ងៃ មុនសម្លាប់គូស្នេហ៍រួចដេកឱបសពរហូតជះក្លិនទៅក្រៅទើបបែកការដល់សមត្ថកិច្ច
-
ជីវិតកម្សាន្ដ១៨ ម៉ោង មុនសាវតារមិនធម្មតារបស់បវរកញ្ញាចក្រវាលវៀតណាម ២០២២ នាង Nguyen Thi Ngoc Chau