ព័ត៌មានជាតិ
ស្រុក អង្គរជុំ នឹង ក្លាយជាស្រុកគំរូទី១ នៃការបញ្ឈប់បន្ទោរបង់ក្រៅបង្គន់
ក្នុងព្រឹត្តិការណ៍លើកកម្ពស់អនាម័យជនបទលើកទី ១២ ឆ្នាំ ២០២១ នៅខេត្ត សៀមរាប ដែលរៀបចំឡើងដោយក្រសួងអភិវឌ្ឍន៍ជនបទ និង អង្គការ ដៃ គូរ មួយចំនួនទៀត មាន ដូចជា អង្គការ វើលវីស៊ិន អង្គការ.វ័តធឺអែតភ្លេន និង អង្គការ បណ្ដុះបណ្ដាលកុមារ smart បញ្ចេញសារសំឡេង បានររួមគ្នាធ្វើការជួយបញ្ឈប់ នូវ ការបន្ទោបង់ពាសវាលពាសកាលឲ្យបាន១០០ ភាគរយរបស់ប្រជាជន នៅស្រុក អង្គរជុំ ខេត្តសៀមរាបទាំងស្រុង។
ក្នុងកិច្ចពិភាក្សារៀនសូត្រកាលពីថ្ងៃទី២៦ ខែវិច្ឆិកា។ អ្នកស្រី លីវសុ ខមមេឃុំ ចារឈូក ស្រុក អង្គរជ័យ បាននិយាយថា បច្ចុប្បន្ននេះ ការយល់ដឹងរបស់ប្រជាពលរដ្ឋ គឺ មានកម្រិតខ្ពស់ពួកគាត់បានកែប្រែជីវិតពីការអត់បង្គន់ប្រើមកមានបង្គន់ប្រើចំនួន ៩០ភាគរយ ហើយនៅឃុំរបស់ខ្ញុំនៅសល់តែ ១០ភាគរយទេ ដែលគាត់ពុំទាន់មានបង្គន់តែគាត់បានទៅបត់ជើងនៅផ្ទះបងប្អូនរបស់គាត់នៅជិតគ្នានោះដែរ។ ដោយមិនទៅបត់ជើងតាមព្រៃនោះឡើយ។ ហើយនៅក្នុងភូមិរបស់ខ្ញុំនេះអ្នកអត់បង្គន់ក៏មានការជួយជ្រោមជ្រែងពីអង្គការ IDEជួយដល់ប្រជាជនក្រ១និងក្រ២ដែលអត់បង្គន់។
លោក មេឃុំ មោង ស្រុក ស្រីស្នំវិញបានបញ្ជាក់ថា ឥឡូវនេះក្នុងឃុំរបស់ខ្ញុំគាត់ភ្ញាក់ រលឹក ច្រើនហើយបានផ្លាស់ប្ដូរឥរិយាបថពីការអត់បង្គន់មកមានបង្គន់ប្រើអស់ហើយ ជាពិសេស ការបរិភោគទឹកស្អាតវិញគាត់មានការដាំទឹក ឬទឹកចម្រោះនិងទឹកបរិសុទ្ធ ជាដើម។
លោកមេឃុំបញ្ជាក់ទៀតថា ឥឡូវនេះប្រជាជនក្នុង ឃុំខ្ញុំមានការយល់ដឹងពីបញ្ហាសុខភាពច្រើនណាស់ ព្រោះគាត់ដឹងថា ឯការទៅបត់ជើងពាសវាលពាសកាលការក្រៅបង្គន់វិញអាចបង្កទៅជាជំងឺជាជំងឺផ្សេងៗទៀតផង។
តាមការបញ្ជាក់របស់លោក ង៉ាន់ ភារុណ អភិបាលរងនៃគណៈអភិបាលខេត្តបានបញ្ជាក់ថានៅ ស្រុក អង្គរជុំ មាន ចំនួន ៧ឃុំ និង ភូមិ ចំនួន៨៦ មានប្រជាជនសរុបទាំងអស់ ៧១៦៦៥នាក់ ហើយឃុំដែលបញ្ឈប់ការបន្ទោរបង់ពាសវាលពាសកាល មាន ៤ ឃុំ គឺឃុំចារឈូក ឃុំ ដូនប៉េង ឃុំ នគរភាស និងឃុំតាសោម។ ហើយមានឃុំ៣ ដែលមិនទាន់បញ្ឈប់ការបន្ទោរបង់ពាសវាលពាសកាលនោះ គឺ ឃុំ គោកដូងឃុំ គោល និង ឃុំ ស្រែខ្វាវ។
ទោះយ៉ាងណារដ្ឋបាលខេត្តសៀមរាបនិងមន្ទីរអភិវឌ្ឍន៍ជនបទសង្ឃឹមនិងជឿជាក់ថា ស្រុក អង្គរជុំ ទៅថ្ងៃខាងមុខនឹងក្លាយជាស្រុកគំរូទី១ ដែលនិងត្រូវបញ្ឈប់ការបន្ទោបង់ពាសវាលពាសកាលក្នុងចំណោមក្រុងស្រុកទាំង១២ ក្នុងខេត្តសៀមរាបនេះហើយ៕
ដោយ ៖ រុងរឿង
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore