ខេត្តបន្ទាយមានជ័យ ប្រើកម្លាំងចម្រុះ ជាង ៣០០ នាក់ ចុះពិនិត្យព្រៃលិចទឹក ៣ តំបន់
Connect with us
Helistar Cambodia - Helicopter Charter Services

ព័ត៌មានជាតិ

ខេត្តបន្ទាយមានជ័យ ប្រើកម្លាំងចម្រុះ ជាង ៣០០ នាក់ ចុះពិនិត្យព្រៃលិចទឹក ៣ តំបន់

បានផុស

នៅ

អភិបាលខេត្តបន្ទាយមានជ័យ ដឹកនាំក្រុមការងារចុះពិនិត្យទប់ស្កាត់ការរុករានដីព្រៃលិច ដោយប្រើកម្លាំងចម្រុះជិត ៣០០ នាក់ កាណូតម៉ាស៊ីន ៣០ គ្រឿង បែងចែកជា ៣ ក្រុម នៅ ៣ តំបន់ នៅក្នុងភូមិសាស្ត្រឃុំភ្នំលៀប ឃុំប្រាសាទ ក្នុងស្រុកព្រះនេត្រព្រះ និងឃុំសំបូរ ក្នុងស្រុកមង្គលបូរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ុំ រាត្រី អភិបាលខេត្តបន្ទាយមានជ័យ ជាគណៈបញ្ជាការឯកភាពខេត្តបន្ទាយមានជ័យ បានប្រាប់អ្នកយកព័ត៌មានដឹងថា ក្នុងខេត្តបន្ទាយមានជ័យ មានដីព្រៃលិចទឹកចំនួន ២២ ៣៥៨ ហិកតា ដែលបានបោះបង្គោលបានចំនួន ៤៦ ក្នុងនោះបង្គោលថ្នាក់ជាតិបោះបានចំនួន ២៦ បង្គោល និងថ្នាក់ខេត្ត ២០ បង្គោល ដើម្បីសម្គាល់ជាដីរបស់រដ្ឋ។

លោក អ៊ុំ រាត្រី បានបញ្ជាក់ប្រាប់អ្នកយកព័ត៌មានដឹងថា ការចុះពិនិត្យនោះ មានការចូលរួម លោក លាង មុនីរិទ្ធ រដ្ឋលេខាធិការក្រសួងរៀបចំដែនដី នគរូបនីយ៍កម្ម និងសំណង់ លោកវីរសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ លោកឧត្តមសេនីយ៍ទោ ឈុន ម៉ៅ មេបញ្ជាការទឹសទី១ បន្ទាយមានជ័យ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត លោកឧត្តមសេនីយ៍ត្រី សឹង្ហ ទុំ មេបញ្ជាការកងពលតូចថ្មើជើងលេខ៥១ លោកឧត្តមសេនីយ៍ត្រី ជឹម ប៊ុនអាន មេបញ្ជាការតំបន់ប្រតិបត្តិការសឹករងខេត្តនិងកងកម្លាំងមន្ត្រីរាជការជាច្រើនរូប។

លោក លាង មុនីរិទ្ធ រដ្ឋលេខាធិការក្រសួងរៀបចំដែនដី នគរូបនីយ៍កម្ម សំណង់សូរិយោដី បានមានប្រសាសន៍ថា ការចុះពិនិត្យផ្ទាល់នេះ គឺអនុវត្តតាមបទបញ្ជារបស់សម្តេចតេជោ ហ៊ុន សែន នាយករដ្ឋមន្ត្រី ឱ្យរដ្ឋបាលខេត្តមានវិធានការទប់ស្កាត់ការរុករានទន្ទ្រានដីព្រៃលិចទឹក ចុះស្រាវជ្រាវ និងកំណត់មុខសញ្ញាឱ្យបានច្បាស់ និងអនុវត្តឱ្យមានតម្លាភាព និងប្រសិទ្ធភាពដើម្បីចាប់បុគ្គលណាលួចទន្ទ្រានដីព្រៃលិចទឹករបស់រដ្ឋយកធ្វើកម្មសិទ្ធិ។

គួរបញ្ជាក់ថា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា កាលពីថ្ងៃទី ២៨ ខែវិច្ឆិកា ឆ្នាំ ២០២១ បានចេញបទបញ្ជាយ៉ាងម៉ឺងម៉ាត់មួយ ឱ្យក្រសួងស្ថាប័នពាក់ព័ន្ធ និងអភិបាលខេត្តជាប់បឹងទន្លេសាប ត្រូវធ្វើការទប់ស្កាត់ និងបង្រ្កាបជាបន្ទាន់ ចំពោះការលួចកាប់ព្រៃលិចទឹក និងវាទទីយកដីនៅតាមបឹងទន្លេសាប៕

អត្ថបទ៖ វ៉ាន់ ណាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៥ នាទី មុន

បន្ទាន់!! និស្សិត​ច្បាប់​ម្នាក់ យក​កាំភ្លើង​អង្គរក្ស​​ឧកញ៉ាហុង ពីវ​ ​សម្លាប់ខ្លួន​ផ្អើល​ទាំង​យប់

សន្តិសុខសង្គម៨ នាទី មុន

រដ្ឋបាល​ស្រុក​បាណន់ បានដាក់​ឱសានវាទ​រយៈ​ពេល​៧​ថ្ងៃ ដល់​អ្នករំលោភ​ដី​បឹង វាយរបង​ថ្ម និង​កាយ​អាចម៍ដី​ចេញ​ឲ្យ​អស់

ព័ត៌មានជាតិ១៨ នាទី មុន

លោក ជិន ម៉ា​លីន ត្រូវ​បានចាត់តាំង​ជា​សមាជិក​យុវជន​ថ្នាក់កណ្ដាល និង​ជា​ប្រធាន​ក្រុមការងារ​យុវជន​បក្ស​ក្រសួងយុត្តិធម៌

ចរាចរណ៍២៤ នាទី មុន

រថយន្ត​បី​គ្រឿង​បុក​ត​កន្ទុយ​គ្នា​ បណ្តាល​ឱ្យ​រង​ការខូចខាត

ចរាចរណ៍៣៤ នាទី មុន

រថយន្ត​ព្រលះ​ម៉ូតូ​ពេញទំហឹង ស្លាប់​២​នាក់ រួច​បើក​រត់គេច​បាត់ស្រមោល

Sokha Hotels

ព័ត៌មានពេញនិយម

Helistar Cambodia - Helicopter Charter Services